قِتاَم

صَبَابَةً.

فات عيد وفاتت فتره اسفين والله بس الخبر الحلو
طلعت اعفاء احبكم هواي حبايبي شكرا لكل احد دعالي واعتبروا هل بارت عيديه سابقه كوني لاسف مكدرت انزل بعيد🤍

متكون من ٣٥٠٠ كلمه..
استمتعوا

•~ علي •~

_______

آسر: "لا يلكعبه"

عيسى: "كس امك احسن انتَ مو مسيحي"

نسيت اني منو..

لفيت روحي وشمرت الجكاره ضام الكطف جوه رِجليناتي وسويت روحي اعلج..
تصرف غبي بس افضل من لا شئ

تقدم بقيافته ولبسه العسكري وعكده حواجبه..
قلبي راد يوكف بس سويت روحي مادري وصافن على عيسى..
عيسى يدخن ويباع بتوتر بطرف عينيه..

ضل حازم واكف
حازم: "هسه بله اوكي دتعلج بس الريحه شنو موقفها؟"

التفت عليه وسويت روحي منصدم وايدي على خدي
آسر: "يا هاي شنو؟ حازم؟"

زاد من عكده حواجبه متكتف لصدره..
حازم: "ارفع رجلك"

بلعت ريكي مسوي روحي مستغرب
آسر: "ليش شكو؟"

منتضر لزم رجليناتي طابكهن رافعهن لحضني عيسى فز عباله حيضربني.. ولي هسه مذاب الجكاره

حازم: "هاي شنو؟"

آسر: "هاي عيسى الادبسزز يذب الكطوف جوايه"

حازم: "وماكو مكان غير جواك؟"

باوعنه ثنينا لعيسى المنخرس يدخن ويباع علينه وحاط رجل على رجل جان يحجي بثقه ابدا مو بمحلها

عيسى: "عمو الضابط بعدنه مراهقين وصغار خلي ندخن نجرب اشياء جديده"

حازم: "اي من ماد رجلك شطولاتها.. نزل رجلك لا اصلخ راشدي اطشر الجماجم يلي بسترتك"