قِتاَم

نِهايه خروج.

حازم: "ايان"

عيط باعلى صوته وهو يتلفت بخوف وذعر يدور عن ايان بكل زاويه..
انتفض الكل باحث وياه تارك الاكل حتى يلي ميعرف ايان

ليندا: "اهدء اهدء حازم.. شنو شكله كولي؟"

حازم: "ص.صغير ضعيف على كرسي متحرك شعره اسود وعيون خضر ملونه"

ليندا: "لتخاف هسه نلكاه والله"
حاولت ليندا تهدء يلي يحجي وهو يتلفت بكل مكان..
ميعرف خايف كونه مسووليه عليه لانه ضابط قضيته او لانه تعلق..
هل التعلق جان ناجم عن صدمه فقدانه لانجاب؟
ميعرف..

اسامه: "ايان... تعال تعال اجيبلك مثاثه"

مروان: "ايان تعال تفوتك دولمه"
حجه بحلك متروس اكل شايل ماعون دولمه ياكل منه واكف سم اسامه يلي حَرك راسه بقله حيل على صديقه..

قادر: "ايان المشكله يعرف يدفع عجله الكرسي.. المفروض ننتبله"

اسامه: "شنصير عمي اذا هستونه دنزقنب وتعب طريق"

بدونس تبق انذار رَكض عليهم زين صايح بعلى صوته مفزز اصدقائه
زين: "ايان"

اسامه: "ايان بطيزي جايني من وره؟"

زين: "دنجب.. هسه شني ليكتوه لا؟"

تقرب حازم يم زاويه شبه بعيده عنهم وره شجره جبيره..
جان بيها آسر واصدقائه الغثيثين بنضره وولد ميعرفه وايان كاعد بالكاع ياكل بوسطهم ركض عليه كاعد بالكاع متفحص جسمه ووجه ممهتم يلي انصدموا بدخوله المفاجئ عليهم..

حازم: "بيك شي ايان؟ وكعت تعورت؟"

ايان: "لا.. دا اكل"

حازم: "ليش ابتعدت لعد؟ خوفتني عليك"

باوعلهم آسر بغيره او استغراب بان جانب حازم العاطفي ميطلع وهسه طلع..

شال حازم ايان متقرب من الكرسي المتحرك مكعده عليه معدل رجليناته حاجي بنبره جِديه لآسر يلي مباوع لحازم

حازم: "جان المفروض تطيني خبر انو هوه يمكم"

آسر: "اسفين عيني"

حازم: "لا تستهز حضرتك لان الخوف يلي خفته عليه جبير والكل هسه عَاف اكله ويدور عليه"

آسر: "لتعيط تمام؟ بعدين اذا انتَ عفته والتهيت اتصب اني انقهرت عليه وجَريته يمنا شكو بيها؟"
حجه بجديه لحازم المتعصب