انتي جمالك بيت قصيد يكتبه بدر ويغنيه ابو نوره..

البارت الثاني- بدر ..

بعد ما وافقت طش عليي بدر ملابس سود زي
لبسهم وقالي اني البسهم
رحت للغرفه الثانية وكنت ابي اغير ملابسي
دخلت يدي بمخبأ السروال الا اني مالقيت شعري
اللي قصيته يوم اني بالقصر استغربت شوي
وقلت اكيد انه طاح مني يوم اهرب ما اهتميت
وكملت تغيير ملابسي وبعدها طلعت لـ بدر
ريس هالعصابه ما ادري تقل لاحظت ابتسامه
مخفيه على وجهه بعد ما شافني بهذا اللبس
اكيد وليه ما يبتسم انظم عضو جديد لعصابته
هاذي
بدر ببروده :
اييوه كذا زيين بس ماش اكتوفك انحاف
جسمك ضعيف ما يساعد انك تصير حرامي محترف
استغربت من كلامه تقل يلمح على شيي
ما اعرفه هنا رديت بعد ما عصبت :
على اساس ميت-ه ..
هنا انطميت للمره الألف ماعرف اكون ولد
كيف بيوم وليله اصير ولد
وهو صار ببروده يتأملني
وقلت بدون شعور:
على اساس ميت اكون حرامي
وش هالشغله الشريفه يالريس بدر
تجاهلني وطلع وسكر الباب بوجهي
تنرفزت منه وش هالانسان البارد
وقلت معصبه :
اخلص من عمي يجيني هذاا
اوووف .
**
بديت أول مهمة مع ذولاء الحرامية وبدر كان
بجنبي يحاول يختبرني ويشوف مستواي
ما اتوقع ان هذا اهتمام منه لإنه طول عمره
جاف و بارد عيونه ما تنزل عني ابدد
سطينا على مول كبير بالليل قرب
المول يقفل وخفت الناس به هجمنا
على طول راحوا يكسرون القزاز
ويطشون الطاولات انا كنت جامدة بمكاني
صاح بدر بوجهي وقال :
انت خببببل ولا وش رح لذاك محل الملابس
خرب كل شيي
عصبت عليه ومن قوة التعصيب دخلت هالمحل
وطشيت المجسمات حقات الملابس وكسرت القزاز
وانا بقلبي اقول حراام اللي اسويييه
هو صار يناظر لي والابتسامة شاق وجهه
الحلو اقصد البارد اللي ما عنده احساس
هربنا بعد ما الأمن صاروا يلحقونا
نركض نفس افلام المغامرات والاكشن
لين ما قدروا يوصلون لنا ملابسنا
سود ونقدر نندس بالظلام وعن الانظار بسهوله
وصلنا مكانا السري وقال خلف العضو
بالعصابه :
والله و طلعت يا براء جيد شكلك حرامي
من قبل وحنا ما ندري
طارت عيوني عليه وعصبت وصحت بوجهه :
تخسسي ما كنت حراامي
هنا ضحكوا عليي من قلبهم
بس انا مستغربه من شيي هم ما يسرقون شيي
بس يخربون ويكسرون ويمشون شكل به
حلقه مفقودة وعندهم سر كبير لازم
اعرفه .
**
صار لي شهرين مع هالعصابه
وبالليل من الليالي آخر الليل تقريبا
كنت نايمه بمان الله على الكنبه الا
اسمع اصوات قريبه واصله لأذني شكله
من السيب هذاك اللي به الضوء قمت
وانا بعز نومي وصرت اوايق من وراء السيب
الا اسمع صوت بدر يقول :
اقولتس مُب الحين افهمي
استغربت وخذاني الفضول اقرب اكثر
الا بالمطبخ بدر ومعه بنت طويله و رشيقه
حييل وشعرها نازل على اردافها لابسه العباءة
والطرحه و رموشها طوال وضحن من الظل
تتكلم هي وبدر بسالفه هامه بدر حاط
يدينه على كتوفها النحال ويناقشها بهدوءه
بس هي باين معصبه حيل قالت  :
اسمع يا بدر لين متى وانت حرامي ترا
ابوي بيعرف والله باللي يصير من وراءه
بدر :
بدريه روحي ولا عاد اشوفتس تجين هنا
بدريه تحن عليه :
ذاني حذرتك هاااه تراك انت الخسران
تنهد ومايبي يعصب اكثر لان عصبيته شينه :
اقولتس طسي انا بتصرف خلي هالشي
عليي
بدريه عصبت :
طيب اذ عرف ابوي ماهو شغلي وترا
ماهو راحمك
تنهد بدر :
بدريه روحي ولا عاد اشوفتس
تجين هنا اوكييه
من كثر ما تحمست وقربت شافني
بدر وكان مصدوم وقال :
براء
انا ارتبكت وطلعت قدام عيونهم
بدريه رفعت عيونها لي وقالت :
براء !!
بدر ارتبك :
هذا عضو جديد تو انظم لناا
بدريه :
طيب خلك على وضعك بس اذكرك
راح تندم .
**
فقال بدر :
يلا بدريه روحي ومثل ما قلت لتس
لا عاد اشوفتس تجين هينا اوكيه
تاففت بدريه:
اوكييه
روحت بدريه وجاء بدر عندي
قال :
قاعد نص اليلول شعندك
قلت :
انت وهاذي واصله اصواتك لآخر الدار
ازعجتوني وقعدت
ضحك يطنز مثل العاده :
طيبب روح ناام الحين ماعاد بحد
مزعجك
راح بدر وانا معصبه لآخر شيي
من اسلوبه اللي دايم يحرني
ويعصبني اووف
-
القصر الكبير :
قبال الدريشة الكبيرة المفتوحه
كان واقف أمير هاجد وبداخله بركان
بينفجر قال من قلب هالبركان بكل عصبيه :
تحسبين انتس قدرتي تهربين مني يا براء
يا ويلتس من شر جايتس هيين والله
لا اخليتس تدفعين الثمن طول عمرتس
بلقاتس لو انتس تحت هالأرض .
**
اجتمع بدر مع افراد العصابه :
براء
خلف
ضاري
عايض
فقال لهم :
اليوم بالليل ناووين نخرب المزرعة
نبي نخربها تخريب
قالوا :
تمم
بقلبي اقول محتاره ياربي هذا بدر غامض
ولا ينعرف سره طيب وش بيستفيد يوم
يخرب ويكسر حلال خلقه
جاء الليل وسطينا على المزرعة المزرعة
كبيرة واجد وبها كل الخضره و الفواكه
ذكرتني بمزرعة عمي امير معقوله
تكون هاذي مزرعة لعايله كبيرة نفس
عايلتي اللي هربت منهاا
صرت اناظر بعيون الصدمة
بدر يكسر الشجر من ظهرها
وتطيح خضرتها حرااام
وعايض نفسه انا هنا
انقهرت ماابي اخرب المزرعة
الحلوه ذي
الا نسمع صوت يصارخ جاي
يمنا صاح خلف :
حارس المزرعة اهربووا
اهربوا وصرت اركض وراءهم
ولا ادري وين الله حاطني
كانوا سريعين وخفيفين مثل افلام النينجا
اما انا اركض واخذ نفس وتقل سرعتي
وثم اركض ماني زيهم ابد
الا ما حسيت بنفسي عكرشت لي ذيك
الرضمة القوية اللي بالأرض وطحت
جاء الحارس وهو معصب مره رفع
الشيول ويبي يضربني به انا خفت وصحت
بقووه
الا جاء بدر وخذا الشيول من يدين الحارس وكزه
بقوه و طشه على الأرض خذا بيدي وصرنا
نركض قداام