انتي جمالك بيت قصيد يكتبه بدر ويغنيه ابو نوره..

البارت الرابع عشر :(براء البنت)

مسك بدر يدي وحضنها ل يده
بقوه حسيت انه منقهر اكثر
مني
فقال :
لا تخافين ابد .
بدر و ضاري يحاولون يهدوني
وصلوني لغرفتي و باللحظه
هاذي سمعت الجوال يتصل
فزيت دخلت و خذيته
من فوق السرير
قلت بتوتر وعيوني للمتصل :
عمتي !!
فتحت السبيكر و بدر
و ضاري حولي قلت :
هلا عمه !
قالت عمتي :
براء انتي بخير ؟
قلت بضيق :
ايه يا عمه
قالت :
عمك امير اجتمع مع محمد
وعطاءك له بس بشرط
يلقاك و يجيبك عنده و يزوجك
محمد مباشره ومحمد وافق
وبيدور عليك ويجيبك
خايفه عليك براء !
قلت بتحدي :
يخسي هو وعمي
ماراح يصير اللي يبونه .

خذا بدر الجوال من براء
وقال :
يا خاله لا تخافين
براء ب أمانا
قالت امنه وهي مرتاحه :
واثقه بك يا ولدي
قال بدر :
بس ابيك تعطينا اي معلومات
او تحرك لهم بيساعدنا هالشي
قالت امنه :
خلاص براقب الوضع
و علمكم بكل شيي
اعرفه
قال بدر :
ايه .

من بكره :
بدر يكلم اخته بدريه وقال لها :
شيلي ملابس الولد من براء
خليها تلبس مثلك ومثل اي بنت .
قالت بدريه بحماس :
ولا يهمك خل هالشي علي .

بدر يكلم براء ومعه اخته بدريه
قال :
براء شيلي قناع الولد اللي لابسته
انتي حره عيشي بهويتك الحقيقية
ولا يهمك احد
براء مصدومه :
بس ..
قبل تكمل قال بدر
ل بدريه :
روحي انتي وياها السوق
وخلف بيكون معكم
اشتري لها افضل الملابس
و الاحذيه
قالت بدريه :
خلاص ولا يهمك .

بكذا راحت براء مع بدريه
ومعهم خلف عشان يحرسهم
لو صار شيي غير متوقع

كنت وقتها مره مبسوطه حتى
اني نسيت وجع الرأس اللي يسببه
عمي لي
مرينا محلات الملابس كانت
مره انيقه وجذابه طار عقلي
وقتها
الاحذية احترت وش اخذ منها
طحت بجمالها
خذينا ساعات طويلة بالتسوق
حملنا اكياس كثييره
ما طلعنا الا بالليل
وخلف المسكين تعبناه معنا
كان حيل مرهق و يخانق
علينا .

وصلنا البيت و رحت لغرفتي
بدريه صارت ترتب شعري
اللي طال شوي
وبعده اختارت اني اللبس
الفستان الكحلي القصير
واحط قلاده سلسال بعنقي
واحط حلق لؤلؤي كحلي

بعد وقت خلصت وصرت
جاهزه
كنت اناظر لنفسي مدهوشه
و اخيرًا رجعت بنت زي قبل
ما كنت متوقعه ارجع بهويتي
الحقيقية بس الحمدلله رجعت .

كعب كحلي يلمع
وفستان قصير لفوق الركب
كحلي عاري اليدين ومفتوح
على الصدر شوي
ضيق لآخر شيي
وقلادة سلسال على العنق
وحلق لؤلؤي على الأذنين
جمالها مذهل و فاتن
ومعها ابتسامتها الساحره
وعيونها اللي تشع وكأنها تحتضن
كوكب فلكي داخلها
اعطت بدريه براء الجاكيت
الطويل اللي يستر جمالها
لانها ما تطلع قدامهم بهذا الشكل
المغري جدًا
الشباب منتظرينها برا بحراره
و اولهم بدر
طلعت براء وقفت
قدامهم والكل منبهر مصدوم
من جمالها اللي كان متخبي وراء
ملابس الرجل
قال عايض بإبتسامه هاديه :
جميله جدًا براء
خلف بحماس :
مصدوم وش هالجمال براء
ضاري بتفكير :
زي الرجل كان حامي هالجمال
مخبيه عن العيون
بدر كالعاده صامت بس
كانت نظراته ابد ماهي صامته
تناظر بتدقيق و انبهار كل تركيزه
يبي يشوف الجمال اللي وراء
الجاكيت .
قالت بدريه وهي تناظر ل براء
ومبسوطه حيل :
والله انك مزيونه و تأخذين العقل .
كنت مستحيه حيل من مدحهم
ونظراتهم لي وكنت سعيده حيل
بس ما رجعت براء البنت .

بالليل :
كنت اناظر لنفسي بالمرآة
ومبسوطه على شكلي
و اناظر الاكياس و الملابس
والاحذية الكثيرة اللي حولي
ومليانه الغرفه منها
مسكت قلبي اللي يدق
بسرعه واقول :
الحمدلله ياربي
الحمدلله
رحت جلست على السرير
و اخذت جوالي وصرت أستمتع
باخذ الصور لي بكل زاويه و وضعيه
صورت نفسي و ارسلت ل عمتي
بعد صوري
الدنيا هاذي بكبرها ماهي شايله
سعادتي الحين
لحظتها كنت على السرير
و اصور بجوالي
الا حسيت الباب انفتح شوي
شوي
حسيت بالباب اكيد بدريه
قلت بضحكه :
ادخلي بدريه
دخلت و حسيتها قربت
مني
رفعت عيوني لها و ابيها
تشوف صوري
الا انصدم صدمه قويه
فقلت :
بدر !
ما كانت بدريه كان بدر
ارتبكت و ادور الجاكيت
لاني طالعه قدامه بالفستان
الكحلي اللي شبه عاري
صرت امد يدي ب ربكه
و بدون وعي عقلي طار
ياااربي
عكس هالوحش اللي
يناظر لي بهدوء تام .

و انا ادور ومستحيه
وعقلي طاير
قال بدون اي مبالاه :
ماهو اول مره اشوف
جسمك وليه تدورين
على الجاكيت
عصبت منه منحرف !
هو صح شاف جسمي
يوم كنت مريضه ونزل ملابسي
هذا للحين متذكر فقلت بعصبيه
وقمت بوجهه :
بدر شكثر انت وقح
ببروده اللي يقهر قال :
كم مره تعيدين هالكلام
مد انظاره انا اللي قمت
بنفسي لعنده و كاني استعرض
قدامه لبسي و جسمي
حمر وجهي وضميت يديني
العاريه لبعضها وصرت ارتعد
الا طاح الجاكيت على اكتافي
العاريه وحسيت ب الستر
مديت عيوني بصدمه
الا اشوف بدر هو اللي
حط الجاكيت عليي
فقال :
كان قريب منك وما شفتيه
قلت مصدومه :
بس انت ..
يعني معقوله هو اللي غطاني
و سترني
قال بدر ببرود :
شفيك تراني ماني مثل
ما تفكرين منحرف !
ثم قرب وجهي لوجهه وقال :
ماهو انا اللي استغل هالجمال
لا تخافين
بدر مره منحرف ومره العكس
هذا به انفصام ذهني شكله
قال بدر :
جيت لاني حاب اقولك
انك طالعه اليوم مره حلوه
انصدمت و استحيت وقلت :
بس كذا ..
قال بدر باستغراب :
ايه وش كنتي تفكرين به ؟
انصدمت من نفسي اكثر
كيف قلت كذا و كاني
منتظره منه شيي
قال بدر :
اذ تبين شيي ثاني علميني
قلت بصدمه وانا أهز راسي
مثل الخبله :
لاا لاا
قال ببرود :
تمام
الا صك الباب وقتها
و دخلت سلمى و باين معصبه
حيل دخلت علينا وجت صوبي
وتناظر لي بعيون مثل النار .