انتي جمالك بيت قصيد يكتبه بدر ويغنيه ابو نوره..

البارت سبع وعشرين :(الصدمه)

-
قصر الأشهم :
اجتمع جبران ب امل وقال لها :
خلاص انا قررت ازوج هالسربوتي
اللي ما غير يتمرد عليي اغدي المراه
تعقله
انصدمت امل :
بس بدر ..
جبران :
تقصدين ان بدر ماراح يطيعني
ادري وهو بحالة حب مع بنت
الأدهم بس انا بكسر كل شيي
فوق رؤسهم و ازوجه سلمى
و ارتاح منه
حست دقات قلب علياء تضرب
بسرعه بدر و براء يحبون بعض
بصدق ليه هالقسوه عليهم
انا انحرمت من بنتي بس عشان
ما يتلطخ الحب النظيف والصادق
وبدر سند لها حتى لو هو لحاله
معها يقدر يحميها من اي اذى .
صاح جبران :
انتي معـي !
ارتبكت :
ايه خلاص مثل ما تشوف
جبران :
استعدادات الزواج عليك
نزلت رأسها بضيق :
امرك .

بالليل :
سلمى داهمت المقر تفكر :
صح اللي بقوله بيقوم القيامه
من كل الجهات عمي جبران
بدر علياء براء وبعد امير
ابتسمت ابتسامه خبث :
لعبه ممتعه مره
بشوف وش يكون ردت فعلهم
خصوصا بدر .

__
تسللت بهدوء لين ما وصلت هدفها
غرفة بدر
فتحت الباب و دخلت
بدر اللي توهه طالع من الحمام
ما غير عليه سروال قصير ومنشفه
فوق رأسه ومعالمه الرجوليه واضحه
اتم الوضوح
من صدره الكبير العريض و بياض
جسده اللي مثل الثلج فوق القزاز
وشعره الناعم المبتل بالماء وطايحه
من وراء
سلمى تناظر له بانبهار ولا استحت
من حالها نادته بصوتها الناعم :
بدر
التفت بدر لها بصدمه :
سلمى !
راح وبسرعه لبس الروب المعلق
عصب منها وصار يمشي صوبها
بعصبيه :
انتي ما تستحين تدخلين غرفتي
فجأة وحتى ما طقيتي الباب
سلمى تناظر له وهي بقمة
الإعجاب والحب له :
اسفه .
نزلت راسها :
بس جيتك لان عندي شيي
مهم بعلمك به
بدر مضايق منها :
مابي اسمع منك شيي
ويلا انقلعي ولا عاد اشوفك .
هجمت عليه وصارت قدامه
وقريبه منه بدر يركز بعيونها
وينزل انظاره لتحت وهو مضايق
من قربها له تنهد :
سلمى وخري !
حطت يدينها على كتوفه
وحطت عيونها بعيونه عيونها
اللي مليانه حكي :
بدر هالمره لازم تسمعني !
بدر كزها عنه عصب :
سلمى لا تتمادين
كنت احبك واعزك زي بدريه
بس انانيتك وغرورك خرب كل
شيي
صاحت بعصبيه :
ماني زي بدريه يا بدر !
قربت له وقلبها يوجعها
عيونها دمعن :
كنت حبك يا بدر
بس هذيـ..ك
خرب كل شيي
بدر قرب منها بستفزاز
وبهدوء :
هي هذيك اللي احبها
و راح احبها دام بي نفس
هي اللي ليّنتني عقب ما كنت
قاسي هي اللي غيرت بدر
اللي ماعنده مشاعر وخلته كله
مشاعر و حب لذلك الزمي حدودك
قهرها كلامه حيل حست بجمرة
نار تدربا وسط قلبها نزلت من عينها
دمعه تنهدت و زاد انتقامها صوب
براء حاولت تكون اقوى حطت عيونها
الغاضبه بعيونه :
طيب اسمع وش بقول ..

___
سلمى :
كم شخص لمته على موت
امك ..
بدر عصب بقوه وده يضربها
تحامل على اعصابه :
سلمى الا موت امي
سلمى بهدوء وغضب مدفون :
اسمعني بعدين سووا اللي بتسويه
رح لشخص اللي لازم تروح له ماهو انا
حطيت واجد من الناس بالقايمه السوده
لموت امك البريء والظالم كل شخص
بس يذكر موت امك
بدر زاد غضبه حمرت عيونه :
سسلمى..
سلمى ضمت كتوفها وبثقه :
ماهو كنت تقول ابوك والخاله امل
هم اللي قتلوا امك !
بدر متحامل على اعصابه اللي مثل
النار .
سلمى ابتسمت بخبث :
هينا الصدمه يا بدر
و اعرف غلطك الكبير الحين
الخاله امل هي نفسها علياء
ام براء دخلت حياة ابوك بس
عشان تنتقم من امير
الصدمه القويه نزلت على رأس بدر
انصدم حييل ولا هو قادر يصدق
قال مثل المصفوق على وجهه بقوه :
انتي وش تقولين !
سلمى :
مثل ما قلت لك انا سمعته
باذني وتقدر تروح تسأله
هذا اذ لها عين قويه تعترف
انها علياء مرت ادهم الادهم
عدو عمي جبران كيف تزوجت
عدوه
اذ هاذي الأم شلون البنت يا بدر
تراها تستغلك وتستغل حبك لها
نفس ما تسوي امها بابوك .
بدر عصب وهو يناظر ل سلمى :
والله لو هي لعبه جديده منك
لا اوريك نجوم القايله !
سلمى :
والله ما اكذب عليك
الله كشفهم لي و انت بكيفك
بروح الحين .
راحت سلمى وخلته بصدمته
اللي ماهو قادر يصدق .