دخلت سلمى معصبه و تناظر لي
بنظرات مثل النار واضح القهر
والغيره من عيونها وبعد ما شافت
شكلي الحقيقي قالت بعصبيه
وتناظر لي :
ترا انا و بدر مخطوبين من و احنا
صغار لا تخربين علينا بعدي عنا
بدر التفت لها بكل برودة اعصاب
و قال :
وش جايه تسوين هينا ؟
سلمى ناظرت ل بدر
و بغصه :
بدر ليه تؤخرني دايم
ليه ما تبي تشوفني
تغيرت ما كنت كذا
اول ! عشانها عشان هاذي
اللي مدري وين لاقيها اصلا
ما ادري شلون دخلت حياتك
بدر قال :
سلمى لا تغلطين ما احد
غلط عليك ترا !
قالت بعصبيه :
بغلط و اغلط دامني اشوف
هاذي تلوح قدامك
بدر قال :
هي مالها اي ذنب ابد
صاحت :
شلون مالها ذنب هي
كل الذنب
هجمت عليي و تبي تمد
يدها الا اوقفها عند حدها
و امسك يدها دفيتها بعيد
بغت تطيح بالأرض الا لفت
وجهها مثل المصفوقه وقالت :
انتي ..
قلت بعد ما عصبتني واجد
و تمادت عليي حيل :
لا تتمادين واجد و تراني
ماني مسؤولة عن الكلام
اللي تخبصينه وما بيني و بين
بدر شيي تفهمين احذرك
ترخصين مني لا اتصرف معك
تصرف ثاني
و اذ قصدك بدر هذا هو
تفاهمي انتي وياه مالي
شغل بكم
ناظرت ل بدر ذيك النظرات
اللي مليانه عتاب و قلت :
تراكم بغرفتي اطلع انتي وياها
برا و تفاهموا مسويه ازعاج هينا
بدر تفهم عليي وقال :
ولا يهمك .
قال ل سلمى :
امشي نتفاهم برا
اطلعوا ومن اطلعوا خذيت
نفس و ارتحت .بدر يكلم سلمى بالممر
قال :
سلمى الزم حدودك
لا تتمادين عليها ..
صاحت سلمى بوجهه وبغصة بكي :
تحبها صح نسيت حبك لي من عرفتها !
بدر تنهد وقال بكل جديه :
سلمى اسمعي اللي بقوله لك
انا ولا عمري حبيتك مثل الحبيبه
احبك مثل حبي ل بدريه بس ._____
قربت منه وحطت يدينها
على صدره وصارت تحضن
جبته ل اصابعها وتقول بقهر :
لا ما صدق انت تحبني تحبني
بس هاذي خربت كل شيي
مسك بدر يدينها و دفها
عنه وقال :
سلمى قلت لك لا تتجاوزين
حدودك
سلمى عصبت و بعناد
قربت له
هنا بدر حس انه انتهى
صبره منها فقال :
ايه احبها
وقفت سلمى و تجمدن ضلوعها
ماهي قادره تتحرك من الصدمه
فقالت :
كذاب كذاب ..
بدر قال بعد ما قرب منها :
ترا حديتني بعنادك
سلمى روحي صدقيني ولا مره
حبيتك اكثر من اخت
سلمى طاحت من عينها دمعه
كانت بحاله من الصدمه والكسر
راح بدر و تجاهلها
صارت تناظر له بعيون مليانه قهر
وحقد فقالت :
ذيك البنت خذت عقلك وقلبك
وعد لا ادمرها و انت تشوف
هين يا بدر .من بكره :
جوال براء
ضوء على شاشته رساله
براء توها طالعه من الحمام
تستحم وفوق راسها المنشفه
طلعت و انتبهت لرساله :
من عمتي امنه
" براء ضروري اشوفك اليوم بالمكان المعتاد
انتبهي احد يدري ابيك لحالك " .
استغربت براء شوي وقالت :
عمتي امنه بتشوفني شكل صار
شيي مهم بالقصر !!_____
جاء الليل :
قررت اهرب بدون ما احد يكشفني
طلعت و ما انتبه عليي احد
اخذت سياره أجرة من على
الشارع و ركبت لحد ما وصلت
الحديقه العامه نزلت
وكان قلبي يطبطب بقوه
ما ادري عمتي وش تبي وليه
قالت اجي لحالي اكيد به
شيي ضروري جلست على الكراسي
وصرت انتظر و ركبتي تهتز من التوتر
الا اسمع صوت يقول :
اخيرا جيتي
رفعت عيوني وكانت هينا الصدمه
محمد !!
قربت محمد وقال بابتسامة ونبره
هاديه وكلها سلام :
شلونك براء
قمت وانا مصدومه حيل فقلت :
وين عمتي امنه !!
قال بضحكة خاطفه :
مافيه عمه آمنه
انا اللي ارسلت الرساله
زادت صدمتي وقلت بعصبيه :
كيف تتجرأ و تأخذ جوال عمتي
و تتكلم على انك هي !!
قال محمد ب برود :
عشان اشوفك و تجين عندي
لو عرفتي اني محمد ماراح تجين
عصبت وقلت :
طيب دام تعرف اني ماحب
شوفتك ليه تطلبني وتبيني اجيك
صار يقول بحركه مستفزه
يهز رأسه ب لا ويقول :
لا لا يا براء عيب عليك
تتكلمين على زوجك المستقبلي
كذا !
عصبني زياده
هذا يبني الكمه على وجهه
عشان يعرف من زوجي المستقبلي
قلت بعد ما ثارت أعصابي :
ولا تحلم اكون زوجتك انت خصوصا
نسخه من عمي امير مستحيل
ضحك بكل استفزاز :
هاهاها ياعمري انتي بتكونين
زوجتي برضاك اذ ماهو غصب
انا وياك خلقنا لبعض حقيقة
لازم تفهمينها .
نرفزني حييل صحت بوجهه :
احلم مثل ما تبي يا محمد
بس متاكده ما بكون زي
اللي تحلم به
تقدم صوبي وصار قدامي
وقريب مره انا بعيون الصدمه
اناظر له
فقال بهدوء :
صايره حلوه بزياده
مديت يدي ابي اضربه
بس هو مسكها وو.. .
YOU ARE READING
انتي جمالك بيت قصيد يكتبه بدر ويغنيه ابو نوره..
Actionتدور احداث القصة عن بطلتنا الذي تدخل عمر جديد وتتغير حياتها كلها في ليلة وحده بعد ما يقرر عمها الجلمود انه يزوجها لشايب، وتقرر انها تهرب بمساعده ... وتغير شكلها الا انه كل مخططاتها تفشل بعد ما تتقاطع طرقاتها مع اكبر عصابه وتبدي قصتها🔥.