انتي جمالك بيت قصيد يكتبه بدر ويغنيه ابو نوره..

البارت التاسع عشر :(ثقي بي)

بدر راص علي وكالعاده
استسلمت له و انا اضيع
بملامح رجولته الجذابه
دخت بين احضانه :
بدر ماهو بس احبك
بدر وهو يناظر لي بتلذذ :
اعرف ..
الا لصق وجهي بوجهه و انفاسنا
اختلطت ببعض وقال بنبره
هاديه وعاطفيه :
انا ضعت بدونك براء
وانا مستسلمه له واحس
يالله اخذ نفس لانه راص
علي ويالله نطقت الكلمه :
وو انا ..
بدر وهو ضايع بعيونها :
طالعه حلوه اليوم بزياده
ولبسك هذا يغريني
الا لصق شفتي على شفايفه
وصار يبوسني بعنف وكأنه يقول
الله لا يكثر خير ذيك الليالي اللي
كنت بدونك يروي البعد والشوق
بعدها وخرني عنه و خذا نفس
وقال :
اسف ضعت بك بدون ما احس

حضن يديني بيدينه وقال
بجديه :
براء ابي منك تكونين قويه
انا بخلصك من اللي انتي به
لا تتضايقين ولاشي
خليك قويه مثل ما انا
اعرفك تمام
تضايقت وتذكرت الجحيم
اللي انا به قبل ما اشوف بدر
بدر :
براء خليك قويه
وانا اناظر له بخوف ابي
اروح معه ما ابي اجلس هينا
قلت :
بدر انا ..
بدر :
تثقين بي ؟
براء :
اكثر من نفسي
بدر :
خلاص ارتاحي
ولا تتضايقين
جيت له وحطيت
رأسي على صدره
حضنته حضن الخوف
والأمان قربه هو اماني
بدر :
ادخلي الفراش الجو برد
مع لبسك هذا
وخرت عنه و استسلمت
لقراره لاني اثق به
قبل رأسي وبابتسامة :
لا تخافين
راح بدر .

قصر جبران الأشهم :
جبران بمكتبه بين مخطوطاته
حاط النظارات وهو يفكر :
بدر ماهو ولدي هو ضدي
ذيك الأم الفاسده خربته
وخلته مثلها بالضبط
هين يا بدر اذ ما كسرت
رأسك انت واللي معك .

غرفة بدرية :
عندها أمل زوجة ابوها
يشربون الشاهي
و يسالفون قالت بدريه
بحماس السوالف :
تدرين ان اخوي بدر صار يحب
امل استغربت :
اعرف انه يحب سلمى ..
بدريه :
لا ولا عمره حبها
أمل :
صدق ؟
بدريه :
ايه هو قبل شهور ضم بنت
لعصابته و حبها بس ما اكذب
عليك هالبنت حلوه حلوه حيل
اذ شفتيها تضيعين بجمالها
أمل تحمست و ابتسمت :
ماشاءالله من تكون هاذي ؟
بدريه نزلت رأسها بضيق :
بس هي الحين خذوها
للمكان اللي كانت تعيش به
بالغصب عشان يزوجونها
و اخوي بدر مضايق على هالسالفه
تضايقت أمل وقالت :
اووه صدق شلون كذا
بدريه :
البنت بالحقيقة تكون الوريثه
الوحيدة لعايلتهم وعمها معذبها
حيل هو يحب الفلوس حبًا جما
أمل تضايقت وقالت :
وش هالقصه المعقده
بدريه :
وهو يبي يزوجها باي طريقه
عشان يتخلص منها كم مره
تضارب هو و اخوي واخوي
دايم يهزمه ويخليه ولاشي
اتمنى يساعدها هالمره لان
ولد عمها ماهو بسيط
مسكينه يا البراء ماخذيتي
من اسمك نصيب .
طاحة كاسة الشاهي من
أمل وكانت مصدومه حيل
بدريه مدت عيونها
لها باستغراب :
بسم الله خاله صار بك شيي
قامت امل مرتبكه :
ضايقتني هالقصه حيل
بروح لغرفتي .

أمل راحت لغرفتها
وباين الخوف خالع قلبها
تحضن يدينها اللي ترتعد
من الخوف والتوتر
أمل :
الزمن يعيد نفسه  .

بوابة القصر :
محمد يسولف مع عماد
عماد رئيس الحراسه
المختصه بالقصر
محمد بكل ثقه :
انت يدي اليمين يا عماد
ساعدتني اني اجيب براء للقصر
يوم جبت لي جوال امنه
عماد بثبات :
تحت خدمتك سيدي محمد
محمد :
كفوو هذا اللي انا واثق به

اجتمع محمد ب امير
محمد :
الزواج ابيه الأسبوع الجاي
امير استغرب :
هالسرع !
محمد :
زواجي وانا احدده عندك اعتراض
قام امير من على كرسي مكتبه :
ما عندي اعتراض الاسبوع الجاي
مثل ما تبي حتى انا ودي افتك
من مشاكلها
محمد :
خلاص سلمني ياها وانا امشيها
سيده .

قصر عايلة الأشهم :
سلمى دخلت بسرعه لمكتب
جبران تفاجا بدخولها المفاجئ
قام وقال :
هلا بنتي سلمى
جت سلمى ل عمها جبران
و باين عندها كلام كثيير .