انتي جمالك بيت قصيد يكتبه بدر ويغنيه ابو نوره..

البارت الرابع (اللقاء)

انا عجزت اتحرك تجمدت اطرافي حتى ما احس
بجسمي خلف وعايض و ضاري مستغربين مني
بدر توجه يمي و اخذ بيدي و رحنا لطريق عكس
اللي مشينا من عنده صاح بدر :
يلااا بسااع غيرنا طريقنا

وصلنا للمقر :
الرجفة فيني جسمي صار يرجف
من الخوف الكل صار يناظر لي
مستغرب من وضعي ماني قادره
اوقف رجعت وراء استندت على الجدار
حسيت يوم شفت عمي وقتها انه مسكني
ورجعت بين جدرانه البارده والقاسيه
وانه بيعذبني اشد العذاب
خلف خايف علي :
وش جاك يا براء جاء صوبي
ويبي يخمن..
الا جاء بدر وصار بينا وقال :
الكل يروح غرفته والحين
انصاعوا لأمره وراحوا و باين على
عيونهم ودهم يطمنون عليي
بدر دار عيونه لي وقال :
بك شيي
قلت وانا غاصه الخوف اللي فيني :
لل لا..
قال بدر :
تقدر تسولف عليي علمني بكل شيي
طيرت عيوني له منصدمه
هذا يبيني اسولف عليه اصلاً وش فرقه
عن عمي كلهم نفس الشيي
قال بدر ببرود :
بعرف قصتك اذ ممكن...
جاء بدر وحط يدينه على كتفي
وقال :
لاا تخاف.. ماني ضاغط عليك
متى ما حبيت تسولف عنك تعال
الحين رح لغرفتك و رتاح
راح بدر وبعد كلامه هذا
اللي انا حسيت انه مهتم بي لو شوي
رحت لغرفتي ونمت وكنت تعبانه حييل
وما صحيت الا على ضوء الشمس
وهو طالع من الدريشه
فتحت عيوني على اصوات قريبه
بالغرفه انظاري ضباب لين
ما صفت وشفت عايض قدامي
حاط لي فطور فوق الطاولة ويرتب
المكان انا قمت منخرعه بالحيل
ملابسي..
فتحت الغطاء الا شفت ملابس البارح
ما نزلتهم الحمدلله ولا كان عايض بيكشفني
اكيد طحت ونمت وهن عليي
عايض بلطافته و بابتسامه :
صباح الخير
قلت وانا مرتبكه :
صباح النور ..
عايض قال :
رح غسل وغير ملابسك جهزت لك
الفطور
يالله شكثر هالانسان طيب وطباخ
احب طبخه الفطور من تحت يدينه
قمت وغيرت ملابسي وكالعاده
دبلتهم مرتين بس عشان ما يوضح جسمي
حسيت نفسيتي تحسنت من البارح اكيد
دام هالصبح الهاديء ووجه عايض
يفتحون النفس ويجيبون الخير .
**
جلست واكلت الفطور اللي من يدين عايض
وانا مبتسمه و مستحيه و اتامل هالوجه الزين .
باللحظه اللي براء مع عايض تفطر وفرحانه
انها معه كان بدر بدر اللي جاي يطمن على
براء بعد البارح بس سمع اصواتها هي
وعايض وماحب يدخل عليهم راح
وكمل طريقه بعد ما تطمن عليها .
عايض قال لي :
براء لا تزعل من بدر تراه انسان
طيب صح انه قاسي بتصرفاته
بس ترا عنده قلب ويقدر يحب
به العالم كله ويضفهم به .
استغربت من كلامه :
بدر مستحيل ..
قال عايض :
هو تكفل باخته الصغيرة بدريه
رباها ويهتم بها واجد رغم وجود
أب بحياتهم بس هالأبو ما كان تفكيره
بالعيال كل تفكيره الفلوس الفلوس وبس.
قلت :
تقدر تعلمني بقصة بدر..
عايض :
طيب بعلمك بكل شيي واتمنى ما تحقد
على بدر وتتفهمه اكثر
قلت وانا احاول اتفهم :
طييب
عايض قال :
بدر من عايله كبيره وغنيه اسمها عايلة (الأشهم)
انصدمت بالحييل بدر من عايله غنيه نفس
عايلتي بس لييه يسرق ليه هو حرامي ..
صاح الانذار اللي يضرب عليه
بدر عشان نجتمع قدامه
قال عايض :
شكل حتى اليوم ما اقدر اعلمك بالقصه
عصبت بنفسي ودي اقطع هالبدر قطعه
قطعه ليش دايم وقته غلط
بدر واقف وحنا اجتمعنا قدامه
فقال بدر:
اليوم اجازة ويوم مفتوح لكم استمتعوا بوقتكم .
الكل يصارخ فرحان وانا مصدومه بمكاني
من الاجازة المفاجئة ذي وحسيت ان بدر
عنده قلب نفس ما قال عايض .
توجهت لغرفتي وكنت شارده اناظر
من الدريشة الا اسمع صوت اهتزاز
جاي من شنطتي شنطتي اللي ما فتحتها
من ذاك اليوم يوم هربت من قصر عمي
الاهتزاز قوي حسيت الشنطة تهتز
جيت وفتحتها ولقيت جوال !
استغربت ما اذكر اني خذيت جوال
معي يوم اهرب فتحته ولقيت الاف الرسايل
والمكالمات اللي ما انتبهت لهم الا اليوم
ما كنت اجلس بالدار واجد اغلب
وقتي مع هالحراميه اللي صاروا اصدقائي
الحين
رديت على هالرقم اللي يتصل الاف المرات
الا اسمع صوت مبطيه عنه صوت اشتقت له
واجد يقول :
براء براء ياروحي ردي ..
***
رديت وانا فيني نبرة البكي قلت :
عمه آمنه
قالت من وراء الجوال آمنه :
خوفتيني عليك طول هالأيام
وانا اتصل شلونك يارووحي طمنيني عنك
قلت وانا منصدمه :
بخير يا عمه تطمني .
تنهدت العمه آمنه بارتياح :
الحمدلله الحمدلله
عاذرتك لاني ما علمتك اني حطيت جوال
بشنطتك لاني ابي اطمن عليك واعرف علومك
ما ارتحت اخليك كذا تروحين وما ادري
وش بيصير لك وش صار معك يا بنتي
انتي بخير وين عايشه
بكيت وانا احاول ما تحس عمتي
بذا البكي اشتقت لحنيتها اشتقت
يوم انها حولي اشتقت يوم تمسح
على شعري الطويل اللي الحين
ما صار شعر ولا صرت بنت زي اول
تغيرت حياتي بكبرها بكيت بصمت .
يوم براء خانقتها العبرة وتبكي بكاء
ما يسمع نياحه الا قلبها المكسور
كان به شخص مجهول وراء الباب
يسمع حزن براء وضيقتها
براء وهي تحاول وتحاول تطلع
الكلمات اللي عيت تطلع من حلقها
بسبب البكي وخنقتها العبره
ما تدري شتقول قدرت تقول :
ءءانا..
العمه آمنه :
عطيني وين مكانك انا لازم اشوفك
واطمن عليك وتقولين لي وقتها كل شيي .
لا شلون عمتي تجي بذا المكان الخطر
ما اقدر اخليها تشوفني هنا فقلت :
لا يا عمه ..
قالت امنه ملزمه :
لازم اشوفك يا بنتي باي مكان
ماني مرتاحه ابي اضمك لصدري واطمن
عليك واسمع قصتك بعد ما طلعتي من هالقصر
اللي زي السجن .
استسلمت لعمتي اللي تبي تشوفني
وانا اللي مشتاقه لها حيييل حيييل
بس خايفه عليها من هالناس اللي انا
عندهم خصوصا بدر اللي ساكت وما ينعرف
خيره من شره عطيتها مكان كنا انا وياها
بذيك الأيام نحبه واجد الا هو الحديقة العامة
للمدينه كثير ما كنت انا وهي نروح لها وننبسط
به .
جاء الليل وقررت اروح للمكان اللي
عمتي تبي نلتقي به
مشيت حوالي نصف ساعه لحد ما وصلت
للمكان
جيت وشفت عمتي جالسه على حدا الكراسي
خنقتني العبرة من شفتها بدون شعور صرت
اركض صوبها واقول ببكي :
عمه
عمتي امنه انتفضت يوم شافتني
جايه صوبها .
***
ركضت وحضنت عمتي وانا كل شوق
عمتي اللي حضنتي وباين شوقها اكثر مني
حضن بعض بالدموع وقالت عمتي :
يا حبيبتي انتي وشلونك يا بنيتي
ببكي قلت :
ببخير عمه ..
وبعد هالحضن الطويل جلسنا انا وياها
عمتي مصدومه تناظر بي قالت :
وش بلاك نحفانه ووجهك اصفر
ليكون تتعذبين بعيشتك الجديدة
ولا علميني عنها يا بنتي
سكت شوي وقلت :
عمه مدري وش اقولك
عمتي احتارت من امري وقالت :
قولي يا بنتي انا بعرف كل شيي عنك
نزلت رأسي ياربي انا وش اقول لها
اقول اني عايشه عند حراميه واني
ولد بينهم لاا اكيد بيطير عقلها
من هالكلاام
عمتي حطت يدينها على كتوفي وقالت :
تكلمي يا بنتي والله خوفتيني عليك
غمضت عيوني لا ما اقدر اقول
مستحييل ..
الا جاء صوت وقال :
عايشه ببيتنا وتطمني هي بخيير
رفعت عيوني بالصدمه
"بدر" !!
بس شلوووون
عمتي مصدومه قامت وقالت :
عايشه عندكم ؟؟
قال بدر :
اييه
انا مصدومه حييل اناظر لـ بدر :
يعني هو عارف اني بنت والله
كنت حاسه
قمت وانا اللي عجزت اتكلم من الصدمه
جاء بدر بجنبي وقال :
لا تخافين يا خاله هي تحت عيونا
عمتي بعد كلام بدر ارتاحت وقالت :
يا ولدي هالبنت تعذبت بحياتها واجد
وكله بسبب عمها اللي ما همه غير الفلوس .
بدر انصدم من تكلمت عن عم براء
قال :
ولا يهمك هي بأمان
قلت بنفسي :
على اساس انت بعيد عن عمي كلكم مجرمين .
عمتي حسيتها ارتاحت لـ بدر بالحيل وصارت
تسولف معه كثيير
وبعد وقت جت عمتي وحضنتني وقالت :
ليه ما قلتي انك عايشه مع هالناس الطيبه
خوفتيني عليك
صراحه ماعرفت وش ارد سكت
قالت عمتي :
جوالك يا بنتي خليه دايم مفتوح تراني اتصل عليك
متى ما صارت فرصه لا تخوفيني عليك وتنسينه
قلت اطمنها :
ولا يهمك جوالي بيكون دايم معي .
صراحه ارتحت بعد ما عمتي تطمنت عليي
ويوم شفتها ورويت الشوق عجبني بدر
انه ما قال شيي عن العصابه ولا طرأ
اني مسويه نفسي ولد لـ عمتي
قال اني عايشه معه مع أهله واني
اقضي اكثر وقتي مع بدريه اخته
وعمتي ارتاحت واجد
قالت عمتي :
انا رايحه الحين انتبهي لنفسك ياروحي
و انت بدر انتبه لنفسك بعد وسلمني على
أهلك .
ركبت عمتي سيارتها الفاخره و راحت .
ناظرت لـ بدر بعتاب وقلت :
كنت تعرف اني بنت ؟ وساكت
شلون عرفت علمني ومن متى كنت
تعرف
قال :
واضح من تصرفاتك مسويه نفسك ممثله ممتازه
نوو مستحيل .
مشى وتجاهلني وانا صرت اركض وراءه
مثل الخبله وحن عليه يعلمني
وقفت وطولت صوتي :
دامك تعرف اني بنت ليه خليتني
معكم للحين ليه ما طردتني وليه
ساعدتني قدام عمتي
قال بهدوءه :
شوفي يا حلوه انا اعرف انك بنت من
أول يوم شفتك فيه ملابسك كانت..
انا هنا انصدمت ونحرجت وصار قلبي
يدق بسرعه حطيت يديني على ملابسي
واضم نفسي لي وانا مرتبكه وقلت :
وش يقصد هذا ....