انتي جمالك بيت قصيد يكتبه بدر ويغنيه ابو نوره..

البارت الثاني عشر :(انتقام وحب)

هربت بكل رعب كيف تجرأت الوقحه
وباسته !! و البوسه كانت حييل
عميقه
والا هو اوقح منها مستانس ولا
قدر يوخرها خايف على جسمها
الناعم
صحت :
وصخين !!

بدر بعد سلمى عنه وقال :
سلمى ترا تماديتي حييل
سلمى عصبت :
كيف تماديت ؟!
انت بتكون زوجي قريب وين
التمادي بالموضوع
عصب بدر :
تراني محترمك واجد ولا ابي
اجرحك مقدر العشرة الطويلة
بينا و انك  خوية بدريه القريبه
سلمى باستيعاب :
ايش تقصد ؟!
تغيرت يا بدر ليكون عشان هذيك
اللي اسمها براء !!
ليكون تحبها وغيرت مشاعرك صوبي
بدر حاول كثير يتمالك اعصابه
ما يبي يجرحها بشيي :
هاذي مشاعري لك من الأول
ولا تغيرت بس انتي تحبين
تصعدين الامر
سلمى تحاول تتقرب من بدر
مره ثانيه
بدر قال :
انتبهي تعيدين اللي سويتيه من
شوي ولا بتفاهم معك تفاهم ثاني
روحي للبيت الحين الجو ماهو
مناسب تطلعين شوفي كيف المطر
مالي الأرض يلا روحي احذرك تجين
هينا انسي هالمكان ولا كانه موجود
ركض بدر وصاحت هي :
بـــدر !!

——-

صرت اركض بالشارع
اللي المطر غرقه
ماني حاسه بشيي
بس مضايقه من اللي
شفته .
بدر ركض وراءها و فاهم
وش هي تحس به الحين
المطر اغرق وجه بدر فقال
وعيونه يالله تشوف :
اكيد براء فهمت الموضوع
خطأ
ركض بدر صوب الشارع
اللي براء مشت من عنده
ضربت صاعقه بالسماء
ضوت على المكان من قوها

بدر بصوت طويل :
براء وينك
وهو يدور يمين
شمال غرب !
شافها جالسه على
كراسي الشارع ركض
لها و ماهو مصدق
انه لقاها
جاء عندها واقف فوق رأسها
براء رفعت عيونها له
عيونها اللي تهل ماء
ما يندرى اي اكثر
دموعها او ماء المطر .
جلس بدر عندها ونزل
جاكيته وحطه عليها
وقرب براء منه وقال :
برد حييل بتمرضين
براء ضايقه قالت :
بدر تكفى لا عاد تهتم بي
كذا بتخليني اتوهم اني احبك
او انك تحبني .
سكت بدر .
كملت :
عندك من يحبك يا بدر
خلني بحالي تكفى لو تشوفني
طايحه ب النار لا تساعدني
وقفت براء وعطت الجاكيت
بدر وقالت :
ماني محتاجه عطفك اللي
شفته من شوي قاسي علي
خلني اصفي ذهني ما ابي
اتوهم الحب
وقف بدر و رجع الجاكيت
عليها و رجعت فصخته
و رصته على صدره وقالت
ووجهها يصب ماء :
بدر قلت لك بعد عاطفتك
عني لا عاد تهتم .

__
بدر عصب شوي وقال :
ترا ركضتي برا بدون حتى جاكيت
الدنيا مطر و برد و انتي ما غير
تروكضين بذا الجوو البسيه
بعدين نتفاهم
عصبني بدر هو الا غصب يهتم
شكله واحد لعوب يلعب على واجد
من البنات مستغل وجهه الحلو
و جسمه الرجولي
بعدت عنه وقلت بعصبيه :
بدر خلاص خلك على سلمى
بعد عني
تنهد بدر وقال :
عارف اللي شفتيه ماهو سهل
بس الأمر به التباس
قلت باستغراب :
التباس وش ! شفتكم
تبوسون بعض بحب وعمق
وين الالتباس اللي تقوله ؟
بدر قال :
سلمى تمادت واجد حذرتها
لو تعيدها ماراح يصير خير
عطست بعد ما البرد دخلني
وصرت اصكك ضلوعي
قال بدر :
اقولك يا عنيده الحين يدخلك
البرد ليه ما تفهمين مني ؟!
قلت بكبرياء :
راضيه البرد يدخلني بس مابي
جاكيتك
هالبراء نرفزتني واجد ادري الغيره
ماليه قلبها بس مستحيل اخليها
لذا البرد القوي دام ماتبي
الجاكيت بتصرف تصرف ثاني
قربت منها و سحبتها لحضني
غصب بدفيها من المطر والبرد
حسيتها استسلمت داخت قالت
بصوت هادئ ما ينسمع :
بدر ..
قلت :
ماني بتاركك تفهمين
قالت :
ليه كذا، انت و سلمى ..
تضايقت :
يالليل من سلمى، صدقيني
ما بينا شيي هي مجرد صديقة
طفولة
حاولت تفك نفسها مني
بس انا راص عليها وماتوقع
تقدر
قالت بضعف :
خلاص بس ابيك تفكني روحوا
انت و سلمى حبوا بعض كثر ما تبون .