انتي جمالك بيت قصيد يكتبه بدر ويغنيه ابو نوره..

البارت اربعين - النهاية

براء رفعت المسدس على راس
امير
علياء و ادهم مصدومين
ادهم بحماس :
يمه براء استعادة ذاكرتها !
علياء انصدمت :
استعادة ذاكرتها !!
براء بكل غضب تقدمت ل امير
امير اللي خاف ويتراجع وراء
امير بتوتر :
لاا انتي ما تتذكرين شيي
انا غسلت دماغك بشكل كامل
صاحت براء :
اكرهك يا اعفن شخص اعرفه
تحسبك تبي تغسل دماغي
وتخليني اقتل الناس اللي احبهم
نفسك يالمجرم
امير بهلوسه :
ايه ايه انتي مجرمه زيي
ذبحتي بدر بدر مات ..
صاحت براء بضيقه وحزن :
لا ما مات انا بذبحك الحين
وبدون اي رحمه نفس
ما ذبحت كل الناس اللي
احبهم
امير :
لا انتي آله بيدي
براء عصبت و ضربته
بالمسدس من عند فك وجهه
بقوه طاح على الأرض وصب دمه
رفعت عليه المسدس وقررت تطلق
النار عليه وتنهيه
براء :
الحين جاء وقت دمك يا امير الخاين
ذوقتني دم كل الناس اللي اعزهم
الحين دورك عشان تشرب من دمك
امير بهلوسه مثل المجنون :
انتي ما تقدرين
براء اطلقت المسدس بس
عماد مسك يدها والمسدس
عماد :
لا يا براء لا تنزلين لمستواه
القانون بيأخذ حقك منه
اتصلت بالشرطه الحين وبياخذ
جزاه كامل عن كل افعاله .

براء بدموع القهر لـ عماد :
خلني اخذ حقي منه ابي ارتاح
هالوحش دمرني ودمر حياتي
عماد :
لاا يا بنتي لاا
الا اصوات الشرطه تعلو بالمكان
دخلوا مجموعة من رجال الشرطة
حاصروا امير وضربوه ضرب مبرح
قدام عيون براء لين ما صار يرشق
دمه
صاح امير :
لاا لااا براء بتندمين
براء :
وقفووا !
ركضت لشرطه اللي تبي تحط امير
بقفص السياره
براء بكبرياء حطت عيونها بعيون
امير اللي شبه جن :
هاذي نهايتك يا امير اللي اوصاف
وكلمات العالم الشينه ماهي معطيتك
حقك
براء عطت امير كف قوي يبرد غل
قلبها شوي
لدرجة طبعت كف يدها على وجهه
الوصخ
امير بقهر وانهزام :
هييين
الشرطي ضربه بقوه على
رأسه لين ما طاح
شالوه وودوه السجن ليأخذ جزاه
كامل

براء لفت على امها و اخوها وتبكي
بحراره صاحت :
يمه ! ادهم !
ركضت لهم وحضنتهم بحراره
علياء و ادهم حضنوها بنفس الحراره
وكانوا فرحانيين حييل والدموع انهالت
من عيونهم
و اجتمع شمل الأسرة اللي ما كانوا
أسره  .

عماد والخدم يناظرون لهم ويبكون
من بكاءهم فرحانين من فرحتهم

براء تناظر ل امها :
يمه من قالت لي عمتي امنه انك
عايشه عرفت اني بلتقي بك يوم
ما يأست ابد
حضنت علياء بنتها وبكت :
يعمري يا بنتي انا اسفه
لاني خليتك تواجهين بشاعة
امير وناره لحالك
براء تبكي بحضن امها الحنون :
يمه ماني مصدقه اني احضنك
و اشم ريحتك
علياء رصت على بنتها :
وعد بتنسين ذيك الليالي السود
وتعيشين بهناء طول حياتك
خلاص ما عاد احد يقدر يزعلك

رجعت براء و تأملت اخوها ادهم :
ما كنت متوقعه ولا واحد بالميه
ان عندي اخو رجل مثلك يا ادهم
ادهم مسح على شعر براء :
وانا مبسوط بالحيل اني التقيت
باختي الكبيره والجميله حيل
يمكن القمر يستحي يطلع وهو يتأمل
وجهك الجميل هذا
ادهم حضن اخته بكل حراره
براء اللي احضنته بنفس الحراره
وحست بالأمان و راحه بعد ما صار
عندها اخو سند .

صحى بدر بعد وقت وحوله
ابوه واخته و اخوياه
بدر حس ب ابوه اللي بكاء
عند سريره  وعرف خطاياه السابقه
بدر :
يبه تراني مسامحك و انا بعد كنت
مخطي بحقك سامحني
جبران بدموع حاره حضن ولده
وصار يبكي مثل الطفل بدر حضن
ابوه وشاركه البكي
بدريه حضنتهم وبكت معهم وهي
فرحانه حيل لدرجة الارض ماهي شايلتها
من الفرحه .

براء جتها اخبار عن بدر انه هو بخير
وما قدرت تلتقي به لانها مرتبطه
مع القاضي عشان يقرر ويعطي اسم
عائله الأدهم لشخص ما من افرادها
القاضي بالقصر ومعه المستندات
وقدامه علياء ادهم براء
القاضي وقع الاوراق وقام وقال :
الورث و اسم العائله لشخص واحد
يستحقه بدون شك و اقدر اقوله
بكل ثقه مبروك يا
السيده براء ادهم الادهم
انتي الوحيده اللي يستحق اللقب
و الاسم وملك هالعايله
علياء و ادهم حضنوا براء بسعاده
و فرحانين لها بالحيل
القاضي :
امير يسقط اسمه من العايله تماما
ويسقط تحت سقف لقب المجرمين .
حلت الفرحه بذا القصر اللي ما كان
سعيد او فرحان بعهد مضى واخيرا
قدر يوصل للمرحله السعيده .

قصر عائلة جبران :
هي الآخرى ما تقل سعاده عن سعادة
قصر الأدهم
جبران تنازل عن كل شيي ل بدر
و انتهت عداوة وحقد الابن ل ابوه

محمد و امه التقوا ب علياء
و ادهم و براء و لانهم نفس العائله
قرروا يندمجون مع بعض وتكون سلطة
عائلة الأدهم اقوى .

بعد ايام براء طلعت وتوجهت للمقر
صارت تناظر له بعدسة الذكريات الماضيه
تتذكر كل خطوه وموقف صار به حنت
لكل زاويه به
براء خنقتها العبره :
بدر ..
الا جاءها شخص من خلفها وقال :
عيون بدر
براء مصدومه حيل تجمدت اطرافها
بدر ياقف خلفها
الا لفت عليه وشافته باحلى طله
لابس لبس رسمي وطالع وسيم
فوق وسامته
براء بكت بحراره و ركضت له
وهي تنادي بأسمه :
بدر بدر بدر .

حضنت براء بدر بكل حراره
بدر عانقها بعمق و رصها له
بدر :
براء ..
براء تبكي بين ضلوعه :
اسفه اسفه ما كان قصدي ارمي
عليك السلاح تكفى سامحني
بدر :
انتي غبيه ولا ايش !
روحي لك لو تذبحينها
انتي الاحق بها لانك روحي
وقلبي
انا اللي اسف ما كنت معك
يوم هذاك غسل ..
براء بعدت وحطت يدها بفمه :
بدر تكفى لا !
خلنا ننسى الايام القاسيه ذيك
اللي رغم قساوتها ما كنا بنعيش
هاللحظه السعيده ذي
بدر رص براء بقربه وصار يشم
عطرها :
بننساها ونفتح باب للأيام السعيده
الجايه
براء ابتسمت بسعاده لانها شافت
بدر اللي تحبه وتصرفاته بهاللحظه
بدر :
انتي روحي و حياتي ماراح نفترق
مره ثانيه بنكون مع بعض للنهايه
حضنها و رص عليها
براء وهي تستشعر حضنه بلهفه :
انا وياك مع بعض للابد
بدر :
ايه للابد يا سيدتي سيدة عايلة الادهم
براء تضحك بمداعبته لها :
و انت يا سيدي سيد عايلة الأشهم .
ضحكاتهم وعناقهم قربهم كفيله
بغفران الأيام السيئة اللي مرت عليهم
بدر لف يدينه على شعرها وصار
يتأمل بكل حب و عمق ملامح وجهها
الجميل و الفاتن
ركز على ثغر فمها وهو ذايب
طبع قبلة على شفايفها اليّنه الورديه
قبله اغلقت ستار الروايه النهايه .

__
انتهت روايتنا الجميله شكرا لحسن قراءتكم

سُبْحَانَكَ اللَّهُمَّ وَبِحَمْدِكَ، أَشْهَدُ أَنْ لَا إِلَهَ إِلَّا أَنْتَ، أَسْتَغْفِرُكَ وَأَتُوبُ إِلَيْكَ .

5/3/2024
٢٣/٨/١٤٤٥