Unicode
" ဟေ့ကောင် ဟိန်းထက် မင်းဘယ်ကို ထွက်မလို့လဲ ခုချက်ချင်းအိမ်ထဲပြန်ဝင်ခဲ့စမ်း "
ဧည့်ခန်းထဲမှ ထိုင်ကာ ဟိန်းအားဒေါသတကြီး အော်ခေါ်လိုက်သော ဟိန်း၏ ဖခင်
ဦးကောင်းမင်းထက်
ဟိန်း ခေါင်းငိုက်စိုက်ချလျက် ဧည့်ခန်းထဲသို့ပြန် လှည့်ဝင်လိုက်ပြီး ဆိုဖာဝင်ခြေချိတ်၍ ထိုင်နေသော ဖေဖေရဲ့ရှေ့တွင်မတ်တပ်ရပ်လိုက်သည်။
" သားကို သွားခွင့်ပြုပါဖေဖေ "
"ဘာကွ ငါက မင်းဟိုကောင်ဆီသွားဖို့ကို ခွင့်ပြုပေးရမှာတဲ့လား၊ မင်းကိုငါစောင့်ကြည့်နေတာကြာပီ အလုပ်လဲသွားလိုက်မသွားလိုက် ညဘက်တွေလဲ အိမ်ပြန်နောက်ကျရတာနဲ့ သောက်လေ့မရှိတဲ့အရက် တွေ သောက်လာရတာနဲ့ မင်းကို လွတ်ထားတာ အကောင်းမှတ်နေလား၊ ခုထိအခြောက်ဇာတ်လမ်းတွေ အပီးမ
ဖြတ်နိုင်သေးဘူးလား "
ဟိန်းဖေ့ဖေ့အား အံ့ဩစွာမော့ကြည့်မိလိုက်သည်။ အမြဲတမ်းအခြောက်ဆိုတဲ့ စကားလုံးတွေနဲ့ ထိုးနက် ကာသူ့ဘက်ကိုဘယ်သောအခါမှ ကြည့်မပေးခဲ့တဲ့ ဖခင်ကို ဟိန်းစိတ်တိုရပါသည်။ ဒါပေမဲ့လဲ ဟိန်းအဖေဖြစ်သူကို အရမ်းလဲချစ်ရပါ
သည်။ ဒီတစ်ခါတော့ ဖေဖေ့ကို သူဆန့်ကျင်မှသာဖြစ်တော့မည်။
"ဖေ ကလေ သားဘက်ကိုတစ်ချက်တောင်လှည့်မကြည့်ပေးခဲ့ဘူးနော် ၊ သားခံစားချက်တွေကိုလဲနားထောင် မပေးခဲ့ဘူး ၊ မေမေဆုံးပီးထဲက ဖေဖေ့ပြောစကားမှန် သမျှဘာမှမဆန့်ကျင်ပဲနေခဲ့ပါတယ်။ ဒါပေမဲ့ ဖေဖေ့ဘက်ကရော သားဒီအရာကို လုပ်ချင်ရဲ့လား ၊ ဒီဘာသာရပ်ကို စိတ်
ဝင်စားရဲ့လား ၊ ဒီကျောင်းမှာတက်ချင်ရဲ့လား ၊ ပျော်နေရဲ့လား ၊ဖေ တစ်ခွန်းမေးခဲ့ဖူးလား
သားနှလုံးသားထဲကို တစ်ခါဝင်ကြည့်ဖူးရဲ့လား "
"ဟိန်းထက် မင်းစကားတွေသိပ်တတ်နေသလား
ငါလုပ်နေတာတွေ အကုန်မင်းအတွက်ချီပဲ ၊ ပြီးတော့ပတ်ဝန်းကျင်မှာငါဘယ်လိုမျက်နှာပြရမလဲမင်းမရှက်ပေမဲ့ငါရှက်တယ်ကွ"
"ဖေ ရယ် သားက ဖေ့ သားပါ ၊ အရုပ်တစ်ရုပ်မဟုတ် ဘူး သံပတ်ပေးလို့ရတဲ့အရုပ်မဟုတ်ဘူး ၊ ကြိုးဆွဲရာကနေတဲ့ ရုပ်သေးရုပ်လဲမဟုတ်ဘူး ၊
ခံစားတတ်တဲ့ နှလုံးသားနဲ့လူတစ်ယောက်ပါ၊ ငါ့သားဘာဖြစ်ချင်သလဲ ဖေဖေဘယ်တော့မှမမေးခဲ့ဘူး၊ ပီးတော့ gay ဖြစ်တာက ရွံစရာအပြစ် တစ်ခုများဖြစ်သွားတာလား ဒါဟာသားရွေးချယ် ခဲ့တာမဟုတ်ဘူးဖေဖေ သူ့အလိုလိုဖြစ်တည်လာတဲ့အရာပါ ။ သားကိုချစ်တယ်ပြောနေတဲ့ ဖေဖေက သား နာကျင်စေမဲ့ အရာတွေကိုပဲ ဘာလို့ရွေးချယ်ခိုင်းရတာလဲ ဖေဖေရယ် သားတောင်းပန်ပါတယ်။ သားကို ဒီတစ်ခုတည်းပဲခွင့်ပြုပေးပါ ။ သားဘာကိုမှမတောင်းဆိုလိုပါဖူး "
YOU ARE READING
အချစ်တို့ မြစ်ဖျားခံရာ ( complete ) BL
Romanceအကို ကျွန်တော့်ကိုတစ်ခုလောက်ကူညီပေးမလား " .... ????? " အင်းဘာများလဲ " " အကို ကျွန်တော့် နဲ့ ရည်းစားလုပ်ပါလား" " ဟင် " ..... Start - 8.10.2023 End - 18.11.2023 Zawgyi အကို ကြၽန္ေတာ့္ကိုတစ္ခုေလာက္ကူညီေပးမလား " .... ????? " အင္းဘာမ်ားလဲ " " အကိ...
