Unicode
ရုံးခန်းထဲတွင် စိုင်းခက်တစ်ယောက်ထဲ အတွေးများနေခြင်းဖြစ်သည် ။ မန္တလေးမိုးက ကုန်ခါနီးမို့
နှုတ်ဆက်နေသည်ထင်ရလောက်အောင် ခုရက် ပိုင်းရွာကျနေသည် ။ စိုင်းခက်အလုပ်စားပွဲကနေ အပြင် ကို လှမ်းကြည့်ရင်းရုံးရှေ့မှာချထားတဲ့ ပန်းအိုးလေးတွေရယ် လူအသွားလဲ အရမ်းမများလို့ ရှင်းနေတဲ့ လမ်းမကြီးရယ် မိုးလေးဖွဲဖွဲရယ်အေးချမ်းစေသည်။သူ design တွေဆွဲရလို့ မျက်လုံးအနားပေးလျှင် ထိုမှန်ပြင်တံခါးကနေအပြင် ကို လှမ်းကြည့်နေရခြင်းက စိတ်ကြည်
လင် စေသည်။ ဒီနေ့တော့ မိုးကမရွာပဲ အုံ့စိုင်းနေသည်။ မနက်ထဲက design ထိုင်ဆွဲနေရ၍
ညောင်းလာသဖြင့်စားပွဲတွင် လက်တစ်ဖက် ထောက်ကာ မေးလေးတင် ထားရင်းအပြင်ဘက် ကို ငေးကြည့်နေလိုက်စဉ်
ကျောပြင်ကျယ်တစ်ခု။
ထိုကျောပြင်ပိုင်ရှင်သည် လမ်းမဘက်ကို
ဖုန်းလှည့်ပြောနေသဖြင့် သူမြင်ရသည်က ထိုလူ၏ကျောပြင် ကိုသာ ....ထိုကျောပြင်မှာ ဖြောင့်မတ်သည်၊ဆွဲဆောင်မှုရှိသည်။ Shirt လက်ရှည်အဖြူကို လက်တစ်ဝက်ခေါက် တင်ထား
လက်အစုံ ၊ ထိုလူတံခါးဖွင့်ဝင်လာကာ သူ့အားနူးညံ့သောအပြုံးများဖြင့် သူ့ထံလာနေသည်ထိ ငေးကြည့်မိနေတုန်း ....
ထိုလူက သူ့ထံ ဖိုင် တစ်ခု ကမ်းလာသော လက်တစ်ဖက် အကျောစိမ်းများဖြင့် ဖြူနေသောအသားရောင်ပေါ်တွင် ထင်းနေသည့်ဆွဲဆောင်မှုရှိသောလက်ချောင်းများ ၊သူဝင်လာကတည်းက ကပ်ပါလာသောကော်ဖီနံ့သင်းသင်း အရာအားလုံးကဆွဲဆောင်မှုရှိနေသလိုပင် ၊ ထိုလူဆီမှ ထွက်ပေါ်လာသော အသံကအစ နူးညံ့ကာ ကြည်လင်နေသည်။ သူ၏ ရုံးခန်းအတွင်းထဲ တွင် ဆွဲကျန်နေကြ ကော်ဖီနံ့သင်းသင်းလေးနှင့် အလုပ်လုပ်ရသည်မှာ စိုင်းခက် အတွက် အလေ့ကျင့်တစ်ခု ဖြစ်လာခဲ့တာ ရက် အတန်ကြာချေပြီ။
"ကိုယ် ဒီနေ့လဲ ခက်ကို အလုပ်ပေးရအုံးမယ် ပင်ပန်းရင်လဲ ကြိုးစားပေးပါအုံးနော် ၊ အဲတာကအရေးကြီးလို့ "
"စိတ်ချပါ အကိုရဲ့ ကျွန်တော့်ကိုမယုံဘူးလားပြော"
"ကိုယ်က အဲသဘောပြောတာမဟုတ်ရပါဘူး "
YOU ARE READING
အချစ်တို့ မြစ်ဖျားခံရာ ( complete ) BL
Romanceအကို ကျွန်တော့်ကိုတစ်ခုလောက်ကူညီပေးမလား " .... ????? " အင်းဘာများလဲ " " အကို ကျွန်တော့် နဲ့ ရည်းစားလုပ်ပါလား" " ဟင် " ..... Start - 8.10.2023 End - 18.11.2023 Zawgyi အကို ကြၽန္ေတာ့္ကိုတစ္ခုေလာက္ကူညီေပးမလား " .... ????? " အင္းဘာမ်ားလဲ " " အကိ...
