لقيتك من بعد كل الخساير ربحي الأعظم عوض قلبي وبسماته وزهر عمري و نواويره

Part 3

خلص اليوم على خير من دون احداث تذكر و راح الكل ينام و رجعت رنا بيتها

في اليوم الثاني الصباح جلسوا الحريم يتفطرون  شوق وهي جالسه تاكل: احس مره ودي نكشت الجو اليوم يجنن
العنود : اي والله عاد اجواء العيد السنه ذي تهبل ما جاء الا وقت الشتاء
عبير : خلصي اكلك و روحي قولي حق ابوي
ام مشاري : دام كذا خلصوا و روحوا جهزوا الاغراض لان عمي مستحيل يرفض لشوق طلب
ام وليد ضحكت وقالت: اي عمري عليه الله يخليه لك يارب
شوق بأبتسامه : امين يارب
خلصت شوق فطورها و راحت تخبر جدها طقت باب المجلس و قالت : عادي ادخل
ابو وليد : اي اي ادخلي يا بنتي
دخلت شوق و حصلت الكل الا جدها وقالت : جدي وين ؟
سيف : راح يتقوى عند ابو عبدالإله و يجي
ابو مشاري اشر على المكان اللي جنبه وقال: تعالي يا بنتي اجلسي على ما يجي مهو مطول ان شاءالله
جلست شوق بين خوالها و قال ابو ولد : تبين شي ناقصك شي
شوق ابتسمت : لا يا خالي تسلم بس بغيت جدي بموضوع
ابو رنا : يالله شويات و جاي ان شاءالله
ابو وليد : اي ماقلتيلي طلع قبولك بالجامعه ولا تو
شوق هزت راسها بالنفي : لا ياخالتي بعد العيد يطلع
ابو وليد : الله يكتب لك اللي فيه الخير بس ماقلتيلي وين حابه تدخلي
شوق بحماس وابتسامه : مره بخاطري ادخل طب و اصير دكتورة
ابو رنا : ان شاءالله تصيري اطلق دكتوره
شوق بأبتسامه : تسلم يا خالي
ابو وليد قبل راسها وقال : يالله ان شاءالله يقبلونك و تصيرين احلا دكتوره
ابتسمت شوق وهزت راسها و رفعت نظرها وشافت عوض اللي كان جالس على جواله ولا معطى اهتمام لوجودها وتذكرت ايش صارلها امس معاه و نزلت راسها و بخجل من الموقف لكن عند عوض اللي كان يمثل الجمود و كأنه مو مهتم لها من داخله كان عواصف و رعود حس بشعور غريب لما اقبلت عليهم بالمجلس وتمنى يشوفها مقبله عليه بكل وقت ما كان عارف ايش اللي يحس فيه هل هو حب ؟ او فقط اعجاب ؟ او بس حاب يحارشها بس كان عارف بمشاعر الاعجاب لها لما كانت صغيره كان معجب بشخصيتها و جداً و الحدث اللي صار امس كان كفيل ف انه يحرك مشاعره لها مره ثانيه وهي كبيره لكنه كان جاهل عن مشاعره و ما اعطى لها اي اهميه توقع ان شي عادي لان قربت منه بنت غير خواته و امه لاول مره
دخل الجد وقال : شوق
شوق وقفت وقالت : هلا يا جدي
جدي : بغيتي شي يا بنتي
شوق تقدمت لجدها و مسكت يده و حضنتها وقالت : اي يا جد
الجد ضحك وقال: امريني لو بغيتني نجمه اجيبلك
الكل كان مبسوط من علاقته الجد و شوق الا عوض اللي ما اعطى اي رده فعل و هو من امس يحاول ينسى اللي صار و ما قدر ينساه
قالت شوق : جدي تكفى خلنا نكشت الاجواء حلوه
الجد ابتسم : بس كذا ماطلبتي شي خلاص اليوم نكشت و نرجع بكرا الليل ايش رايكم
ابو مشاري : والله انها فكره طيبه
ابو وليد : خلاص ان شاءالله اليوم نطلع نكشت بالمخيم
عوض ضحك و قال لسيف : كشته الحين
سيف كان متحمس وقال : عادي والله مره ننبسط بعدين مين قالك حر
عوض : السالفه مو سالفه حر بس احس الوقت غلط تو جايين نبي نريح
شوق سمعت كلام عوض و تضايقت و قالت : اللي ما يبي يجي لا يجي ما جبرت احد يطلع مين راح يجي ؟
العيال كلهم وافقوا يطلعون وقال سيف : وانا اكيد معكم بس نبي فعاليات
شوق : ايي ما عليك بنسوي فعاليات و نجيب العاب و ننبسط
سيف بحماس : الله حمااااسسسسس
وليد : وانا وعيالي معكم
الجد : وانت عوض منت بجاي معنا ؟
عوض ناظر لشوق اللي كانت متضايقه منه كان مايبي يروح علشان لا يصادفها علشان لا تعصف و ترعد فيه علشان ينسى اللي صار امس و كأنه شي لم يذكر موقف امس حرك مشاعره لها بس ما كان عارف ذا الشي ، يمكن مشاعر الاعجاب فيها لما كانت طفله رجعت له و هي كبيره كان معجب بشخصيتها القويه و كان عارف ضعفها من الداخل و معجب بغمازاتها و شعرها البني بدا ينكر مشاعره وقال من داخله علشان قربت منك وانت ولا مره قربت منك بنت مافي شي عادي و التفت يناظر لسيف اللي كان متحمس وقال : دام سيف رايح انا بروح
شوق بفرحه قالت: يسسسسسسسسس كلنا راح نروح انا بروح اقول حق البنات يتجهزون
الجد : يالله روحي بلغيهم على الساعه ١١ راح نمشي
شوق : ان شاءالله
دخلت شوق تبلغ البنات ان على الساعه ١١ راح يمشون وقال الجد لعوض : يا بوك شوي شوي عليها انا عارف انك يمكن تمزح بس والله انها مره ماتتحمل المزح
عوض هز راسه : ان شاءالله ، ما كان قصدي بس كنت تعبان و ابي اريح
ابو وليد : دامك تعبان ليش قلت انك بتجي
عوض حضن سيف وقال: بروح علشان سيف
الجد : يالله انت وياه قومو جهزو الاغراض