اليوم هو اليوم المنتظر اللي كانت جوري تحلم فيه من سنين اخيراً راح ينعقد اسمها و يرتبط بأسم حبيب طفولتها فهد
صحت جوري وراحت تصحي البنات علشان يتغدون بدوا البنات يصحون و ينزلون يتغدون
دخلت جوري المجلس وقالت عبير : حي الله عروستنا كيف الاستعدادات عند
ابتسم جوري بخجل و اكتفت بهز راسها و راحت تجلس جنب البنات
لجين ضحكت : شفيك مستحيه كذا تكلمي طيب
ضحكوا البنات يناظرون جوري ، قالت ام مشاري : بس خلوا زوجه ولدي على راحتها
طق الجد الباب و دخل ، تقدمت عبير له : تعالي يبه اجلس
جلس الجد : كيف وردتنا
شوق بضحكه : المستحي راح يا كلها
ضحك الجد و بدو البنات يتغدون و بعد الغداء صعدوا يتجهزون بغرفه شوق
عند غرفه شوق
جوري وهي جالسه تتجهز قدام التسريحه : بنات متوتره امسكوا قلبي
ضحكت شوق وهي جالسه تحط مسكرتها : هذا من الحب مو توتر
ضحكوا البنات
دخلت ريم : السلام عليكم ، جيت متأخر اخاف مايمدي
لجين : لا لا تعالي يمدي تو الناس
لمار : بنات نسيت اقولكم ، مها راح تجي
جود : تستهبلين صح
جوري بتوتر: يمه بنات لا ذي راح تخرب ملكتي اعرف
شوق : ما عليك منها خليها تجرب و تشوف ايش راح يصير
العنود : نشبه ما أتحملها بالمناسبات الحين راح تجي تنام عندنا يع افف راح تعفس الدنيا اقولكم من الحين
لمار : المشكله حتى مشاري يسكت لها و يصدقها
شوق : بس بنات اقطعوا سيرتها ، شوفوا جوجو كيف متوتر لا تزيدونها
ليان وقفت : بنات ابي روج احمر ماعندي
شوق : تعالي أعطيك ، بنات تحسون احط احمر ولا نود مع محدد بني
ريم : وش لون فستانك
شوق : اسود
جود : نود راح يطلع هادي حلو
لجين : اي اي صح احمر راح يطلع مبالغ فيه
شوق : طيب
خلصت جود مكياج جوري و التفتت لهم : شرايكم
صفقوا البنات و بدوا يمدحونها
شوق : الصراحه جوجو راح تجيبين فهد على وجهه
ضحكت لمار : هي جايبته من يوم ما كنت بزر ما تبينها الحين
ضحكوا البنات و بدوا يلبسون فساتينهم ، خلصت شوق و طلعت من الحمام ( الله يكرمكم ) كانت لابسه فستان اسود حفر مورد بورد بني انبهروا البنات من جمالها و كيف كذا كل لون يطلع عليها حلو و ملفت كانت جميله بمعنى الكلمه كانت آيه من الجمال و شعرها البني زادها حلاوه
غلا : تجننين شوشو
عطتها بوسه بالهواء شوق
ليان دخلت عليهم الغرفه بفستانها الأحمر و شعرها الكيرلي : بنات احس لو مخليه شعري ستريت احلا
التفتوا البنات لها و كانت ايقونه بالجمال و شعرها الكيرلي زادها جمال و اناقه
العنود : لا ليلي بالعكس يجنن عليك
ليان ابتسمت : صدق ، يعني سلطان راح يعجبه و عضت شفتها السفله
العنود بصراخ : سلطان ، شفتوا قلتلكم في شي ، خلصي كبي العشاء خلصي
وبدوا البنات يتقربون منها ، ليان رجعت شعرها خلف أذنها و بهدوء : مافي شي والله بس جاني امس وانا ابكي و حسيته مهتم بس ورفعت أكتافها
غلا : طيب وانتي
تنهدت ليان : بنات ماعرف حسيته مهتم بعدين لما رحت احط السفره بالمجلس شفته جالس يكلم وحده و يقولها يقلبي ناظرت العنود : واضح ان اخوك بلاير وكتفت يدها
ضحكت العنود : حرام عليك والله هادي و مايطلع له صوت
ليان بأنفعال : طيب واللي امس ايش
غمزت لها جود : بدينا غيره
ضربت ليان جود على كتفها
ليان : بنات خلاص انسوا الموضوع خلاص افف
شوق بضحكه : طيب ليش كنتي تبكين امس
ليان : لأنكم ضغطتوا علي بس بعدين لما شفته جاء لي غيرت رايي فيه
لجين : بنات بلا سوالف و خلصوا انزلوا ماما تقول في حريم تحت و جت ريم
تأفف شوق : يالله نازلين
جوري : شوق لا تخليني
شوق : لجين و جود عندك بروح اسلم بعدين أجيك مشت باستها على خدها
و نزلوا البنات تحت و كانت كل وحده احلا من الثانيه كان جمالهم مغطي علي جمال كل اللي جالسين تقدمت شوق تسلم على مها : هلا بنت صقر شلونك
ناظرتها شوق بحده : بنت عبير و مشت تجلس جنب البنات
التفتت لها غلا : شفيك
شوق بعصبيه : الغبيه تقولي هلا بنت صقر
لمار : ماعليك منها هذي مو بعقلها تبي كذا تشوف الناس معصبه
ليان : مفرقه الجماعات نفس عوض
ضحكوا البنات عليها من فهموا مقصدها
هزت راسها شوق : عوض أهون منها
العنود يضحكه : حرام عليك
رفعت أكتافها شوق ، بدوا البنات في تقديم الضيافه للضيوف و اللي كانوا جيرانهم وقرايبهم و خالات جوري و فهد
تقدمت ليان بصحن الحلا لعجوز : ماشاءالله بنت مين انتي
ليان بأبتسامه : بنت محمد
العجوز : ماشاءالله ماشاءلله عليك جميله بس شعرك لو ناعم تطلعين احلا
ابتعدت ليان عندها و تقدمت العجوز عند ام رنا بصوت الكل سمعه : ماشاءالله بنتك هذي و اشرت على ليان
هزت من رنا راسها وكملت: مو مقرر تزوجينها
ام رنا : لحد الحين ما جاء النصيب
سمعت ليان كلامهم وجلست بتوتر
العجوز : والله ودي فيها لحفيدي
ام رنا : الشور و الرأي لأبوها ولها و الصراحه ابوها ما يبغى يزوج بناته من برا العايله
العجوز : إذا على كذا ما راح تحصلون لها و راح تقعد بكبدك و بكبد ابوها ناظرت لليان : و العيال حتى ما يحبون الشعر الكشه ليش شعرها كذا قالتها بتقزز
العنود بأنفعال : ليش شفيها ليان مو غصب تأخذ حفيدك
ام وليد : بس العنود
العنود : وانا عند ربي صادقه مليون واحد يتمنى ليلي ، و اخذي الكلام مني كم شهر و راح تجين تحضرين ملكتها على واحد من عيال عمها
توترت ليان من كلام العجوز و انتقادها و دخلت تشرب مويه بالمطبخ و تهدي نفسها
أنت تقرأ
لقيتك من بعد كل الخساير ربحي الأعظم عوض قلبي وبسماته وزهر عمري و نواويره
Randomمخيلتي الاولي 🦋
