لقيتك من بعد كل الخساير ربحي الأعظم عوض قلبي وبسماته وزهر عمري و نواويره

Part 22

بعد ما انتهوا البنات من الرقص البسوا كلهم بجامات ورديه و لبست شوق بجامه بيضه و حطت طرحه صغيره و بيدها باقه و بدات ترقص مع البنات و تتمايل و تقدمت مع البنات تقطع حبل العزوبيه و نطقت العنود : اخذي المقص و اقطعي حبل عزوبيتك و ودعي حياه العزوبيه
ضحك شوق و اخذت المقص و قصت الحبل و صفقوا لها البنات و تقدمت شوق تقطع الكيك و بدوا ياكلون و يشربون قهوه و يسولفون كانت الجلسه مليانه ضحكات و سوالف

عند العيال توجهوا لمكانهم بنص البر نزلوا من سياره عمر الجي كلاس و بدوا يحطون الفرشه و يضبطون مكان الشاي و جاء عبدالله نزل من سيارته و معه العود التفت له سيف : اي بالله ان ذا وقت
ضحك عبدالله بخفه و تقدم يجلس و حط العود بحضنه ابتسم و نطق : طلال مداح
عوض بأبتسامه : وقت اللقى
ابتسم عبدالله و بدا يعزف و كانوا العيال يدندنون معه :
وقت اللقى قرب و حان
يا شوق عطر ذا المكان
قول للزمن لحظه توقف يا زمن
دقات قلبي تنتظر حلم العمر
اللي انتظره من زمان

ابتسم عوض و هو يدندن بكرا اخيرا ليله لقاه مع حبيبه قلبه بكرا راح يعلنون للكل عن زواجهم بكرا راح يشوفها بفستانها الابيض و تشوفه بالبشت الاسود بكرا راح ينامون اول نومه لهم مع بعض راح يتنفسون نفس النفس و راح يتقاسمون حلوه الايام و مرها بسنينهم الجايه
ناظره عبدالله و نزل العود و تنهد : مبروك يا اخوي اخيرا راح نرتاح من التحلطم
ضحك سيف و نطق : اخيرا بس يا ان بكرا راح ارقص لك رقص بعرسك ما شفته بحياتك
ضحك عبدالرحمن: اخرتك تهز
شرب سيف من الشاي : يمين بالله اسويها ما في شي بعقلي انا
ضحك عمر : بس لا صدق بكرا راح نرقص لك رقص راح نخليها ليله العمر صدق
تنهد عوض : اخخخ باقي يوم واحد يفصلني عنها
ضربه عبدالرحمن بالمناديل : بس عيب
ضحك عوض و مسك المنديل : زوجتي حلالي حرمي
ضحكوا و نطق عبدالله: لا الصدق بكرا ليله محد فينا راح ينساها
ضحكوا و بدوا يسولفون و نطق عبدالرحمن لعوض : الله يا دنيا انت تتزوج و انت ابقى عزابي
رفع عوض اكتافه : لقيت حبيبه قلبي و نصي الثاني
تنهد عبدالرحمن و ناظر العيال: شكله بس هو اللي يحب وجيهكم ما تبين عليها
عبدالله ضحك : لو احب بتشوفني كذا كان شفتني طاير مثل ذا و اشر على عوض اللي كان طول الجلسه يبتسم
و نطق عوض : يا عيال والله مو مصدق والله
فتح دخانه عبدالرحمن: وش اللي ماتصدق
تقدم ياخذ عوض من الدخان و يولع له عبدالرحمنو يدخن نفث دخانه و نطق : احسه حلم صدق انك تتزوج الانسانه اللي تحبها شعور حلو يا عيال والله تحس ان سعاده الدنيا كلها فيك
تنهد عمر : الله يرزقنا
بدوا العيال يسولفون و ظلمت الدنيا و صار نص اليل و بدوا يحركون و يمشون