هز سلطان راسه و تقدم يدخل المجلس عند العيال ، دخل و سلم و تقدم يجلس و كان الجد و الخوال جالسين و نطق ابو وليد : حياك الله
تقدم له فهد بالقهوه و اخذها عمر : الله يحيك
سلطان: كيف الدوام بالجامعه
شرب عمر من القهوه : حلو بس مسؤليه الصراحه
ابو مشاري: لا ما عليك مسؤوليه دامهم كبار
عمر : صح كبار بس في بعضهم العقل عقل بزران
فهد : الله يعينك بس اهم شي انت عاجبك و مرتاح
عمر : اي والله الحمدلله راحه مرتاح و حاب الوظيفه
الجد : الحمدالله دام كذا
سيف حط يده على بطنه : جوعان
ضحكوا و نطق عمر : مو شي جديد تكفى توك ما كل فلافل ارحم بطنك شوي
فهد : سيف اذا ما اكل باليوم عشر وجبات ما يرتاح
عبدالرحمن: لو عوض هنا كان عرف الشغل معك
عمر ضحك : والله محد فاهم لك غير عوض
سيف وقف : ماتدري مسميني زوجته الثانيه ، بستعجل عمتي بالغداء
عمر : لا يا ولد خلها على راحتها
تقدم سيف يخرج و نطق ابو مشاري : الله يعينك عليه انا ابوه و مو قادر له
ضحك عمر : والله انه كفو و ينشد فيه الظهر بس لو يخفف من الاكل
ضحك فهد : المشكله لو خفف راح يختفي زياده انت شايفه رغم كل الاكل اللي ياكله و هو نحيف
ابو مشاري: حاسد اخوك
ضحك فهد : لا والله
عمر ضحك : اخونا شلون نحسده يا عمي
الجد : لهجتك مو سعوديه سعوديه
هز عمر راسه و هو يشرب قهوه : اي نصي سعودي و النص الثاني كويتي
ابو مشاري: ماشاءالله ، جيرانا و حبايبنا
الجد ابتسم : والنعم والله بأهل الكويت
عمر ابتسم : ماعليك زود
ابو مشاري ضحك بخفه : ماخذ لهجتنا علشان كذا ما توقعتك كويتي
ضحك بخفه عمر : اي اخذتها بس اخواني عكسي كل واحد لهجه
سلطان: صدقني اهون من انك لا انت ولا اخوانك تشبهون بعض
ضحكوا بخفه و التفتوا للباب من انفتح و دخل سيف و معه صحن الرز و ناظر سلطان : بسرعه روح جيب السفره و باقي الاغراض بسرعه سلطان
وقف سلطان و همس : اركد قدام الضيف
نزل صحن الرز : ذا ضيف ذا اخوي
طلع سلطان و نطق عمر : تسلم والله يا اخوي
سيف : اسكت بس و تعال جرب طبخ عمتي يا ان لذيذ يا حظ عوض بس كل يوم يجرب الاكل اللذيذ ذا
ابو مشاري : الا ما اتصلوا عليكم
عبدالرحمن : قالت لي اختي ان كلمتها لما وصلوا و الحمدلله طيبين
دخل سلطان وبيده الصينيه و سفره و تقدم يفرشها و نطق الجد : حياك
وقفوا الرجال يغسلون يدهم و تقدم سيف يجلس : جوعان بسرعه
ابو مشاري : قم ضيفك بالاول و غسل يدك لا اجيب العقال امحطه لك
وقف سيف و نطق فهد : ما يجي الا كذا ذا
عبدالرحمن : شكله ما جرب العصاه على ظهره
سيف : العقال كافي و وافي
تقدموا الرجال يغسلون يدهم بالمغاسل و سيف كان يسولف مع عمر و همس : ناظر عبدالرحمن تبي نسوي فيه مقلب
هبده عمر على راسه : اركد عاد عيب يا ولد
ضحك سيف : يالله نضحك
سمعهم فهد : يمين بالله يسيف انادي ابوي خلص غسل يدك
دخلوا الرجال للمجلس و تقدم يغسل يده سيف و كان عمر ينطر علشان يغسل و بعد سيف و نطق : ما راح انطرك بيتنا و تعرفه عاد ما يحتاج تسوي فيها ضيف
تقدم سيف للمجلس و ناظره عمر و ضحك بخفه و تقدم يفتح المويه و يغسل يده و سمع صوت اللي تغني و كانت تتمايل بخطواتها و لابسه السماعه و بيدها الصابون و تقول :
أنت تقرأ
لقيتك من بعد كل الخساير ربحي الأعظم عوض قلبي وبسماته وزهر عمري و نواويره
Randomمخيلتي الاولي 🦋
