لقيتك من بعد كل الخساير ربحي الأعظم عوض قلبي وبسماته وزهر عمري و نواويره

Part 16

قبل كل شي ما احلل اي احد يسرق فكرتي او اي شي من الروايه

عند فهد و سيف و وليد كانوا جالسين بالحوش و يشربون شاي
وليد ضحك : ما شفنا غير اسنانه اليوم و الضحكه
تنهد سيف و هو يشرب الشاي : الله يهني
وليد : اي والله ، عوض مافي مثله و صدقني علاقتهم راح تقوى آكثر أنا اعرفه عوض صح شديد و يعصب لكن قلبه ابيضّ
فهد : بذي صدقت وانا اخوك ان شاء الله
وليد : اقول إحساسي
سيف : أطربنا يا ابو احساس انت
ضحك وليد : صدقوني راح تكون علاقتهم قويه و راح يكون لها عوض عن الن...... ما كمل كلامه وليد إلا يدخل صقر بقوه من باب البيت
وقفوا العيال و تقدم وليد له : وين وين البيت له حرمه داخل كذا
ضحك صقر بضحكته المستفزه و تقدم سيف : برا وش جابك
تقدم صقر يدخل داخل البيت يركض و أصوات العيال تتعالى ، دخل البيت و فتح باب المجلس بقوه وقفوا كل الموجودين و دخلوا وراه وليد وسيف وفهد
وقفت شوق و مسكت يد عوض و شدت عليها التفتت عليها عوض وهمس : ما يطولك والله
تخبت ورا ظهره و نطق ابو وليد : وش جابك هنا داخل علينا كذا
اشر صقر السلاح على الجد وضحك : كلمتين أقولهم و اطلع تتحدوني و تطلعوني غصب راح اذبح كبيركم
عبدالرحمن بحده : مالنا كبير غير الله و توكل يالله
صقر صوب سلاحه على الجد: كيفكم اموته والله أموته
صرخت شوق بخوف و التفتت عليها عوض كانت تشد ثوبه من ورا و خايفه : شوق ابوي انتي هدي مو صاير شي والله
هزت راسها بالنفي بوجهه باكي
ضحك صقر بعلوا صوته بضحكه مستفزه و التفتت عليه عوض : جعلك تضحك من الموت
كمل صقر يضحك و نطق ابو مشاري : انطق اللي عندك و خلصنا برا
وليد : يبه لا تسكتون له يا يبه ذا داخل علينا من غير لا احم ولا دستور و يهدد
ابو وليد : قول اللي عندك و اذلف خلصنا
ضحك صقر و حط سلاحه بجيبه و صفق و يضحك : افا يا شوق تملكين و ابوك مو موجود
وقفت عبير بحده و نطقت : ما تحتاجه
ضحك صقر و مسح على شواربه و هز راسه ناظر عوض و نطق : بس بالله كيف راضي تتزوج رخيصه مثلها
تقدم عوض و كان راح يضربه ووقفته يدها و هي تشد على ثوبه التفتت لها و هزت راسها بالنفي و وجهها باكي
ضحك صقر و رفع حاجبه : تعرف انك تزوجت ارخص البنات
التفتت عليه عوض وعصب و ابتعدت شوق عن ظهره و تقدمت لصقر بحده : إذا في واحد رخيص هنا ف هو انت
ضحك صقر : افا كذا تقولين لأبوك نسيتي رخصك شكلك تذكرين لما كنت ات*حرس فيك وانتي تبكين و تسكتين
عوض بعصبيه : يمين بالله ان ما سكت موتك على يدي والله
التفتت شوق لعوض و رجعت أنظارها له : صحح كنت ابكي و اسكت تعرف ليش لأني كنت بزر و كنت تهددني بأنك تضربني إذا تكلمت او صرخت
ضحك صقر : و هذا اكبر دليل على رخصك و التفتت لعوض : بس بالله كيف راضي فيها رغم ذا كله و الصور ما شفت الصور و كيف تكلم العيال كلهم ما رضوا على الشي ذا و ضحك و كمل : حتى امها ضربتها
ناظرته عبير و التفتت لعبدالرحمن : طلعه بسرعه طلعه
التفتت شوق لعبير و ضحكت و رجعت أنظارها لصقر : لا خليه ، عاد تعرف كيف عوض الوحيد اللي صدقني من غير اي دليل و راضي فيني رغم معرفته بكل الأشياء إلا ان راضي و عاجبته
ضحك صقر : يبيك لأنك رخيصه و بايعه نفسك رخيصه
ما تحمل عوض و تقدم يضرب صقر بوكس على وجهه صرخت شوق و طاح صقر على الأرض و بدأ يضرب فيه عوض بحده و عصبيه تقدم له سيف : بس يا عوض اتركه بس
التفتت عوض لسيف وبعصبيه : اتركه تستهبل معي انت الثاني
وليد مد يده لعوض : قوم معي عوض
التفتت عوض لهم و رجع أنظاره لصقر اللي رغم الضرب إلا انه كان يضحك تقدم عوض يوقف و يرجع مكانه التفتت عليه شوق و شافت يده كيف حمره بلعت ريقها ووقف صقر ونطق : الكلمتين اللي جاي علشانهم ما قلتهم لحد الحين
ابو مشاري : تستهبل انت بعقلك شي
عبير بهمس : بعقله مخدرات الحيوان
ضحك صقر و صوب سلاحه للجد اللي كان جالس بقل حيله : اذبحه والله
ابو رنا : انطق اللي عندك و ريحنا خلص
ضحك صقر بعلوا صوت : ههههههه
وليد بعصبيه : يمين بالله ان ما نطقت موتك على يدي أنا
ضحك صقر و التفتت لشوق :تملكين بدون حضور و علم ابوك صدق انك رخيصه نفسك نفس أمك ولا تعرفين بالأصول نفس اهلك ما غلطت يوم قلت عنك رخيصه
ناظرته شوق و بحده : اهلي يعرفون الأصول عدل و أنا ماني رخيصه نفسك من بنت لبنت
ضحك صقر و هز راسه : شايل عيبي معي
عوض بعصبيه : اطلع برا خلصني اطلع
ناظر صقر عوض و ضحك : طالع بس مو قبل لا اتبرا من الواطيه ذي
ناظرته شوق و عقد حواجبه عوض و كمل صقر : من الآخر لا انتي مني ولا أنا منك سامعتني ضحك و كمل : و انتي مو بنتي ولا أنا أعرفك روحي شوفي أمك جايبتك من اي زباله و لو تموتين ما دريت عنك جعل روحك تطلع قريب و اصلي عليك و من اللحظه ذي أقولها لك أنا متبري منك ولا ابيك بنتي و ماعندي بنت رخيصه مثلك ترضى ابوها يت*حرش فيها و تسكت ضحك
و كان الكلام لشوق مثل السكاكين بقلبها تحسه نزل عليها مثل المويه الحاره و النار على قلبها ، تحس كأنه سيف جرحها من يد شخص مجنون و مو بوعيه و فعلاً ذا كان صقر كان مجنون و مو بوعيه ، تمنت شوق انها تصير صمه فاقده للسمع ولا تسمع كلامه اللي يجرح ذا صح صقر كان أب سيئ بمعنى الكلمه لكن كانت تتمنى يجي يوم و يتحسن و تحاول تتقبله من جديد تحاول لأنه يبقى ابوها مهما جرى و مهما صار و محد يعوض مكانه لكن تبقى ذي أمنيتها المستحيله كانت تتمنى ان كل اللي تعيشها حلم او كابوس و راح تصحى منه تلقى ابوها يحبها و يهتم فيها
ناظرها عوض وعرف ان بقلبها شي كبير حالياً ولا انهارت و نطقت بحده : تعرف انت تركتني لما احتجتك كنت المفروض تكون لي سند تمنيت انك ميت ولا شفتك بحياتي ولا شفت الاشياء اللي كنت تسويها فيني ، شي واحد بس ابي تفسيره ليش وش سويت لك قولي وش سويت علشان تسوي فيني كذا وش الذنب اللي أذنبته علشان ربي يبليني بأب مثلك ما عمري حتى ناديتك حتى كلمه يبه ما اعرفها ولا عمري طلبت منك شي و جاي الحين تتبرا مني بعد ايش بعد ما كسرت كل شي فيني حتى قلبي تعب صرت أعيش على الادويه تستوعب الذنب اللي سويته فيني ناظرته يضحك و كملت و هي مبتسمه: إذا انت متبري مني حتى أنا متبريه منك ولا ابيك أب لي ولا ابي و جودك بحياتي ولو بأيدي مسحت اسمك من ورا اسمي و أنا اللي أتمنى موتك و راح يكون يوم عيد عندي ولا راح اسمح لأي احد يعزيني فيك
ضحك صقر بلعوا صوته و تقدم عوض : برا خلصني اطلع البيت ذا ما تجيه و راسي يشم الهواء
ضحك صقر و تقدم يخرج و تقدم عوض يدخل المجلس و نطق ابو وليد : نذل قال كلمته و مشى الحيوان
ابتسمت شوق و ضحكت جلست : افف الحمدالله ارتحت منه وتبرى مني ، صدق راحه
ناظرها عوض و عرف انها ضحكه مزيفه و خلفها كم هائل من الدموع و البكي و التفتت لجدها : جدي نكمل بكرا مره تعبت اليوم ابتسمت تقدمت تقبل راسه و تقدمت لعبير تقبلها : تصبحون على خير ابتسمت وطلعت
ناظر خروجها عوض و التفتت لهم و وقف : اسبوعين وانا رافع عليه قضيه رضيتوا اهلاً وسهلا ما رضيتوا كيفك ما أتحمل أشوفها كذا و أشوفه يأذيها
الجد : عوض أقصر الشر
عوض بعصبيه : اي شر جدي قولي اي شر تحسب انها مبسوطه الحين هز راسها بالنفي و كمل : في بقلبها كثير و كاتمته و جالسه تكتم زياده و زياده ياجدي و الله بكرا راح تبكي على شي بسيط والله ولاني راضي اخليها كذا تكتم و تتأذى قلت اللي عندي بعد عرسنا رافع عليه رافع
الجد ضرب عصاته بالأرض : تعصي كلمتي يا عوض ، البنت راح تنذل معه افهم يا عوض
عوض : ما تنذل وانا معها والله ما تنذل و تقدم يخرج من المجلس
التفتت عبير لهم : ليش سكتوا خايفين انذل معها ، أنا انذل ولا أشوف بنتي كذا
عبدالرحمن: أنا مع عوض بس خلاص كفايه ذا مكانه السجن
ابو مشاري : معكم و البنت مثل ماهي بنتك بنتي وكلامه لها والله يجرح يا عالم و تمثل انها تضحك و مستانسه و الله عوض مع حق ضحكتها وراها ضيقه
ابو وليد التفتت لابوه : و أنا معكم النذل ذا سكت له كثير لكن اكثر من كذا ما اقدر يبه اسمح لي معكم أنا و اللي تبيه مني حاضر
وليد التفتت لهم و عقد حواجبه : ذا صقر إحساسي يقول وراه نيه ما يجي و يقول الكلام ذا بعد كل ذي السنين
التفتت عليه ابو رنا : صحح وراه نيه ولا ليش يجي الحين ويقول الكلام ذا
فهد تنهد : الله يستر منه ذا أنا بنام تأمروني على شي
تقدم فهد يمشي و تقدمت وراه عبير تطلع و التفتت لابوها : إذا خايف عليها لا تنذل لا تخاف عليها مو عوض اللي يرضى مذله شوق و عمته و أنا معهم بعد زواجهم رايحه ارفع القضيه و اقدم الادله
تقدمت تطلع و بدأوا يطلعون شوي شوي لين فضى المجلس و مابقى غير الجد حط راسه على عصاته وتنهد و تقدم يخرج من المجلس يعلن استسلامه و ينام بعد تفكير و بعد ما حس بانه معهم حق ليش سكت عنه و ماتكلم يمكن لأنه كان خوفه عليهم بزياده