لقيتك من بعد كل الخساير ربحي الأعظم عوض قلبي وبسماته وزهر عمري و نواويره

Part 5

صحت شوق منزعجه من الاصوات و قامت غيرت ملابسها و طلعت ناظرها الجد ضحك وقال : صباح الخير اشرق الشمس
ابتسم شوق : صباح النور
عبير اشرت لها تجلس جنبها : تعالي تغدي
شوق : كم الساعه
ابو وليد ضحك : الساعه ٢
ضحكت شوق : ماحسيت على نفسي
تقدمت تجلس جنب امها تتغدا و بعد الغدا جلسوا بالخيمه يشربون شاي و قال ابو خالد ( الجد ) : على الساعه ٤ حنا ماشين مانبي نطول لي الليل
ابو رنا : ان شاءالله
شوق ابتسم للجد : جدي عادي اطلبك طلب
الجد : عيوني لك
ناظر شوق البنات وبعدها ناظرت جدها : نبي المول نجهز لملكه جوري تكفي
العنود : اي جدي ما راح نطول
لمار مدت بوزها : جدو بليز
ضحك الجد عليهم و قال : والله ان سواقه السياره ما اقدر لها لكن ابشروا اخلي واحد من العيال يوديكم
انبسطوا البنات و قاموا يصفقون ، ناظر الجد عوض : توديهم
هز راسه عوض و جلس يشوفها كيف تضحك و مبسوطه و بانت غمازاتها ،ابتسم لما شافهم
شاف سيف ابتسامه عوض و بهمس : بس توزع ابتسامات يالخفيف
عوض وبنفس همسه : قلتلي أنسى الموضوع بالبدايه و الحين تقولي تحبها و خفيف
رفع أكتافه سيف بهمس : ذا الصدق
هز راسه عوض بالنفي : الصدق ان ما احبها بس حركاتها تخليني اضحك ، بزره
هز سيف راسها بضحكه وقال الجد : خلاص عوض ان شاءالله راح يوديكم
تأفف شوق : لا جدي راح يقعد ينفس علينا ذا و اشرت عليه
ضحك علها ابو وليد : افا انا ايش قلت لك امس لو بس يفتح حلقه بحرف قوليلي وانا اعلمه الشغل
ابتسمت شوق لخالي و وقف ابو مشاري : يالله الساعه ٣ قوموا جهزوا اغراضكم

قام الكل يشيل اغراضه و يجهزها
وكان ترتيبهم مثل ترتيبهم لما جو بدوا يحطون الاغراض و يمشون
في سياره عوض كانت السياره مليانه بصوت انغام
والبنات يغنون معاها :

ياه مستنيت الفرصه تجيني واحكي
معاه
ياه احكي و اقولك على اللي في قلبي
اللي بهواه
ياه مانت الدنيا و اغلا مافيها
طيبه قلبك بتحليها
وانت الفرحه اللي بعيش بيها عمري
معاك
ياه ياللي عيونك دول حكياتي
خدني مني يا كل حياتي

وقف عوض الاغاني التفتت عليه جوري : لا عوض لا
عوض : بتكلم معكم
تأفف شوق
غلا : خلص يالله
عوض : نرجع البيت نزل الاغراض تبدلون بسرعه و بعدها نروح المول
شوق تأفف مره ثانيه : طيب اذا خلصت كلامك شغل الاغنيه بنكمل
عوض : ما راح اشغل عناد فيها
لمار : لازم يقلبونها هواش
شوق : مالي دخل هذا السايكو اشرت عليه يحارشني طول الوقت و بعد متناقض ساعه يحارش ساعه لا ، انا مالي دخل
عوض ضحك واشر على نفسه : انا سايكو و متناقض ، شوفوا مين جالس يتكلم عن التناقض و السايكو
جوري : بس خلاص انت وياها
حطت شوق السماعات بأذنها و كتفت يدها و حطت راسها على الشباك تناظر الطريق ، كانت متضايقه من محارش عوض لها طول الوقت كان دايم يضايقها الشي ذا ، غمضت عيونها و بدت دموعها تأخذ مجراها بعد ما كبتتها من موقف امس و ما طلعتها كلها صحيح بكت بس كان في بكي زياده داخلها و محارش عوض البسيط ذا خلاها تبكي ، التفتت لها غلا : شوق تبكين ؟
جوري التفتت لها : لا شوقي لا تبكين ما عليك منه الخبل ذا
حركت راسها بالنفي شوق و بدت تمسح عيونها : لا بس كنت جالسه اسمع قصه و خلتني ابكي
لمار بتنهيده : افف خوفتينا طيب
شوق : مو بالقصد
رجعت راسها للخلف و ناظرها عوض من منظره السياره كان عنده احساس انها ما بكت من القصه كان حاس ان في شي كبير مضايقها من بكيها الهادي و عيونها الباكيه