لقيتك من بعد كل الخساير ربحي الأعظم عوض قلبي وبسماته وزهر عمري و نواويره

Part 27

الصباح صحى سلطان بدري بعد ما قضى الليل كله مع ليانه و هم يخططون للملكه و حياتهم الجايه نزل و ناظر سيف اللي كان جالس ياكل من الصباح اندومي ضحك بقوه و تقدم يدخل عنده : يالله صباح خير يا سيف الناس تصبح بفطور و انت بأندومي
التفت عليه سيف و ضحك بخفه : سهران من امس ما يعتبر فطور
تقدم يجلس سلطان : اي وش اخبار العرسان ما وصلك منهم شي
هز راسه بالنفي و هو جالس ياكل و نطق سلطان : سؤال بس
سيف و بفمه الاكل : اسأل يا اخوي اسأل عن الحال و القلب و من ساكنه اسأل عن غلات محبوبي بقلبي و اجاوبك غلاه تعدا الغلا و هو الغلا نفسه و رغم غلاه الا انه ما يعرف انه ساكن قلبي يتجاهلني ولا يرد علي و اذا رد يرد بكلمه و يصد و انا قلبي يتقطع و مالي بهدنيا شي اطلع قهري و حرتي فيه غير الاكل هو صاحبي اللي يسمع همي ولا يبالي يواسيني بدفاه داخل بطني
صفق له سلطان : عاش عاش ابو سلطان صاير شاعر و تقصد
تنهد سيف و نزل الملعقه : حدتني الدنيا على القصيد ولا انا ويني وين القصيد حدي اذا بسمع اسمع راشد ولا بعد ما اسمع غير اغانيه المشهوره
ضحك سلطان : شكله جاك داء الحب من كثر ما تطقطق على عوض
تنهد و رجع راسه لوراء : من عاب ابتلى كنت اعيب على المحبين ما توقعت ربي راح يبليني
ضحك سلطان بخفه و التفتت للعنود اللي دخلت : صباح الخير
سلطان ابتسم : حي والله محاميتنا
تقدمت تجلس : الله يحيك
ناظرت سيف و ضحك : في دوده بطنك انت
ضحك سلطان : فيه داء الحب و يطلع طاقته بالاكل
ضحكت العنود بخفه : طلع طاقتك بالاكل احس من انك تطلعها على خلق الله
التفتت لسلطان : اي حجزت استراحه للملكه
هز سلطان راسه : حجزت
العنود ابتسمت : يا حظ اخواني اخذوا ازين البنات
ابتسم سلطان : ازينهم والله
دخل وليد ببدلته : صاحين بدري
ناظر سيف جالس ياكل و ضحك بخفه و نطق سلطان : صاحين
تقدم يجلس و التفت للعنود : وش صار رفعتوا القضيه
هزت راسها و هي مبتسمه : رفعناها
تقدم سلطان يحاوط كتفها و يقبل راسها : كفو ذي اختي
وليد : دخلت على ذيك المره بالمركز و لما سألها الضابط وين رايحه
كمل بضحك و نطق : طلعت له هويتها
سيف : كفو بنت عمي كفي ابيك تطيحين الصرصور ذا
ضحكت بخفه : طايح طايح اصلا
وقف وليد : يالله سلام
تقدم يطلع و دخلت ليان مع غلا و التفت لها سيف و غص بالاكل ضحك سلطان بخفه و تقدم يضربه مع ظهره و همس له : طلع ذا الغلا
اخذ المويه يشرب و ابتسم بخفه تقدمت ليان تجلس مع غلا جنب العنود و ناظرته غلا بتقزز عقد حواجبه من نظراتها و بدا يمسح فمه و تكتفت غلا و صدت تنهد بضيق و وقف ناظره سلطان و ضحك : بالعافيه
تقدم يطلع و بيده الصينيه : الله يعافيك
التفتت سلطان لليان و ابتسم : صاحيه بدري
التفتوا العنود و غلا على ليان اللي كانت مبتسمه : سهرانه ويكند و كذا
هز راسه بالموافقه و نطقت غلا : بروح احسن لي من اني اشوف روميو و جوليت
ضحكوا و نطقت العنود : صدقيني ان احلا من روميو و جوليت و في بعد عندك عوض و شوق احلا و احلا
ضحكت بخفه غلا و تقدمت تخرج من المجلس و نطقت العنود : اي مافي قهوه و حب و حركات
هز راسه بالنفي : مافي بس قريب شكله فيه
ضحكت بخفه ليان و ابتسم سلطان و ناظرت العنود ابتسامته و وقفت : اخواني منتهين
تقدمت تخرج و تتجه لغرفتها و بقى سلطان و ليان بالمجلس و نطق : انام وانا جالس اكلمك و على صوتك و اجلس الصباح اصبح بوجهك وش احلا من كذا
بعدت شعرها الكيرلي بغرور : ما في احلا من كذا
ضحك بخفه : اي والله مافي وش رايك نسوي قهوه الصباح
ابتسمت و هزت راسها بالموافقه : اكثر فعاليه احب اسويها معك قهوه الصباح ، تجي معي بالمطبخ اللي فوق
هز سلطان راسه و وقف و تقدم يصعد معها الدرج