كانوا العيال و البنات متواجدين بالمطبخ اللي بطابق البنات سكروا باب المطبخ و دخلوا و نطق سيف : يالله جوعان
لجين : تبون باستا ولا اندومي
تنهد فهد : صار بخاطري اللحم اللي احترق ولا اللي ما اتحرق اكلوهم البسس
ضحك سيف بخفه : جاك متحوري
العنود : قرروا بسرعه يالله
سلطان : جوعان الصراحه و نبي شي سريع اندومي اسرع
التفتتوا للباب اللي انفتح و دخل عبدالرحمن و نطقت جوري : بنسوي اندومي تبي
هز راسه بالموافقه و تقدم يدخل و نطقت غلا : طيب نوزع المهام حنا علينا الاندومي و انتم يا عيال تجهزون الصينيه و المشروبات
عبدالرحمن: بس تم
بدوا البنات يسون الاندومي و التفت سلطان اللي كان يطلع الكاسات لليان اللي كانت واقفه مع البنات و ناظرها ناظرته و ابتسمت بخفه طلع الكاسات و حطها بالصينيه و تقدم يوقف و يناظرها التفتت له و تقدمت توقف جنبه ابتسم و نطق بهمس : الله ياخذه لو ما جاء كان صرتي حلالي بكرا الحين الموضوع راح يتأجل قرن
ليان هزت راسها بالنفي: سُلطان انا اخترتك خليل لقلبي خلاص يعني لك لك لا تخاف بس اهم شي الحين شوشو
تكتفت سلطان و تسند على طاوله الدولاب اللي كانت وراه : عارف اننا طولنا كثير على ملكتنا بس فتره ان شاءالله و كل شي يصير تمام
ناظرت ليان سيف اللي كان يناظر الاندومي و حط يده على بطنه : اغلي ببطني يا غلاي انتي اغلا ما املك و تعالي دفي بطني
ضحكوا البنات و نطقت العنود : سيف بعد
عبدالرحمن التفت لهم : وين الباقي
لجين : اللي راح ينام و اللي قالبه علينا
عقد حواجبه عبدالرحمن: من اللي قالب
غلا : الزفته لمار
ضحك سيف بخفه و التفتت له و رفعت اكتافها : وانا عند ربي صادقه اختك ذي مجنونه
جوري : والله صدق تخيلوا كل ما جبنا سيره شوق تأففت و معرف وش
فهد اللي كان ياكل خيار : ما عليك منها لمار بعد تجيها جنيتها
ناظره سيف و تقدم له يأخذ الخياره اللي بيده و ياكلها ناظرته غلا بتقزز اكل من الخياره و رماها بالزباله ( الله يكرمكم ) تضايق من نضرات التقزز منها ولا عارف لها و تقدم يجلس فوق الطاوله و التفت لعبدالرحمن : بسرعه دور لنا حليب و اقلبه طبله
ضحك فهد : طبله طربان الليله رغم حزن زوجك و صاحبك علشان زوجته
تنهد سيف : الله يعين صاحبي مو بيدي شي لو بيدي كان شلت حزنه بقلبي ذا صاحبي و اخوي اللي اقاسمه و يقاسمني الاحزان قبل الافراح صاحبي اللي قاسمته كل سنيني و قاسمته لقمه العيش درسنا مع بعض و تخرجنا مع بعض و دخلنا نفس التخصص مع بعض كيف ما تبيني اهتم ولا ازعل لحزنه و هو شايل حزن حبيبه قلبه بقلبه فوق هموم الدنيا
سلطان صفق له : اهنيك والله ذا الصاحب الكفو
سيف صفق : يالله عبدالرحمن سنه
وقف عبدالرحمن و ابتسم : لقيته
سيف : يالله اغني و انت طبل و الباقي صفقوا
الكل : يلا
بدا سيف يغني :
أنت تقرأ
لقيتك من بعد كل الخساير ربحي الأعظم عوض قلبي وبسماته وزهر عمري و نواويره
Randomمخيلتي الاولي 🦋
