لقيتك من بعد كل الخساير ربحي الأعظم عوض قلبي وبسماته وزهر عمري و نواويره

Part 25

خلصت شوق من تنشيف شعرها و طلعت من الحمام ( الله يكرمكم ) و ناظرته جالس على التسريحه و نطقت : تأخرت اعرف ب... التفت عليها و ضحكت بقوه ناظر عوض وجه : كريمك ذا معرف وش سوا في وجهي
تقدمت له شوق و ناظرت و جهه عن قرب و ضحكت زياده بقوه و مسك بطنها : اخخ عوض مو قادره اوقف ضحك
ناظر ضحكتها : ياالضحكه اللي تداوي جروحي
ضحكت و نطقت : ماتوفر تستغل كل فرصه انت
هز راسه بالموافقه و نطق : طيب ذا كيف الحين
تقدمت تاخذ جوالها و هي تضحك : ناظرني بالاول
ناظرها و صورته و تقدمت له وهي تضحك : عوض ذا فاونديشن مو كريم
عقد حواجبه : وش ذا فوندشن معرف وش
ضحكت و تقدمت تاخذ مزيل المكياج : يعني مكياج
ضحك بقوه : وانا حسبته كريم
اخذت القطن و بدات تحط من المزيل وهي تضحك : امسحه لك الحين
عوض : و الصوره لا تفضحينا والله نصير علك بحلق عبدالرحمن
ضحكت و بدات تمسح له و هو جالس : ما عليك بس عندي
ناظرها و سرح فيها و هي جالسه تمسح وجهه و نطقت : لو ما تعبثت كان ما صار كذا
رفع اكتافه : قلت استكشف يمكن حاطه لي صوره ثانيه مني منك
عقدت حواجبها و بدات تمسح بقوه و ضحك بخفه : شوي شوي
مسحت وجهه و تقدمت تاخذ المرطب : احط لك مرطب للوجه علشان المزيل يسبب جفاف
هز راسه و بدات تحط المرطب على يدها و توزعه على وجهه بهدوء سحبها عوض من خصرها و جلسها بحضنه ناظرته بصدمه و ضربته على كتفه : عوض
تقدم يقبل خدها : حبيبه قلبه وقفي ضرب عاد
ناظرته و صدت : انت حركاتك معرف كيف كذا فجأه
ابتسم بخفه : يعني اذا قلت لك تعالي اجلسي راح تجلسي
صدت عنه و مثلت الانشغال و بدات تفرك يدينها ببعض ترطبهم : شرايك ننام
قبل كتفها و هو مبتسم : ننام ليش ما ننام
بعد يده و وقفت مشوا للسرير و انسدح عوض و ابتسم : بحضني
هزت راسها و هي مبتسمه : بحضنك
فتح يده اليسار لها و تقدمت تنام بحضنه و حطت راسها على صدره ونطق : اي وين حابه تروحين
شوق بحماس : الصراحه كثير
عوض : قولي
شوق بدات تعد على اصابعها : ابي اصور مع البرج و ابي اروح اكل كورواسون و هوت شوكلت و ابي اشوف قوس النصر و متحف اللوفر و بعد ابي دزني لاند و نتمشي بالفوندوم و بس
ضحك بخفه و تقدم يقبل راسها : اوديك ياهم و بعد في اماكن حلوه راح اخذك لها
ابتسمت : متحمسه احس مو قادره انام
ضحك بخفه : نامي ورانا يوم طويل بكرا
التفتت لجوالها : صح ماما قالت لي اتصل عليها
اخذت الجوال و بدات تدور رقم عبير و نطق : صاحيه الحين اكيد الموقت متأخر
حطت الجوال على اذنها : اي هي قالت لي اتصل عليها حتى لو متاخر
ردت عبير و نطقت شوق : هلا ماما وصلنا الحمدلله
وصلها صوت عبير : يا عمري الحمدالله كيف المفاجاه
ناظرت عوض و ابتسمت : تجنن حيل حبيتها حيل
شد عليها عوض و ناظرته و فتحت عيونها : اي ماما عوض صاحي
عطته الجوال : ماما تبي تكلمك
اخذ الجوال و هو مبتسم : هلا والله عمه هلا بأمي الثانيه
ضحكت عبير بخفه : كيفها مبسوطه
ابتسم عوض و ناظرها جالسه تناظره : مره و نفس ما وعدتك بحاول الموضوع هذاك تنساه شوي
عبير : حبيبي يا عوض والله ان معزتك و غلاك من غلاها بقلبي
ابتسم عوض : تسلمين لي يا امي
اخذ الجوال و عطاه شوق و حطته على اذنها : اي ماما
عبير : اذا صار شي بلغيني
تقدم عوض يطبع قبلاته على نحرها و ضحكت بخفه من حركته و ناظرته بعصبيه و نطقت : ماما اكلمك بعدين
ضحكت عبير و سكرت الجوال تعدلت بجلستها : جالسه اكلم ماما
رفع اكتافه : طيب
اخذت يده و عضتها ضحك على حركتها و نطق : ما تعور
تركت يده تأففت و بعدت شعرها عن وجهها : لا تسوي كذا وانا اتكلم
ضحك و تقدم يسحبها لحضنه : طيب طيب بس نامي
تأففت و غمضت عيونها : ناس ما تجي الا بالعين الحمره
ضحك بخفه و غمض عيونه و بدا يمسح على شعرها و بعد مده ناموا