لقيتك من بعد كل الخساير ربحي الأعظم عوض قلبي وبسماته وزهر عمري و نواويره

Part 20

ناظر عوض عبدالرحمن اللي استغرب بكائها و نطق بحده : تستهبل معي انت
الجد : عبدالرحمن وش الكلام ذا
رفع اكتافه عبدالرحمن: طيب و ذا الصدق انت خليت عوض يتزوجها لانكخايف عليها ليش زعلانين من الصدق
وقف عوض و ناظره بحده : لان مو صدق ذا الصدق انت جايبه من راسك
عبدالرحمن: اقصر الشر يا عوض
ناظره عوض و تقدم يمشي و صرخ : لي حساب معاك
رفع عبدالرحمن اكتافه و تقدم يجلس : وش صاير له
التفتت عليه عبير : ليه كذا عبدالرحمن حرام عليك تقول كذا حتى لو فرضاً مغصوب عليها ليش تجرحها و تقول كذا وانت عارفها عدل على الكلمه و الحرف تبكي
وقف عبدالرحمن بعصبيه : انا الغلطان لاني قلت الحق
الجد : اي حق قولي اي حق
تقدم عبدالرحمن يمشي بعصبيه و تقدم يجلس سيف : ولا يهمكم الحين يراضيها و يرجعون حبايب من جديد
رفعت عبير اكتافها بقل حيله : اليوم الصباح و امس فرحه شوق اول مره اشوفها بحياتي حتى لما انقبلت بالتخصص اللي تحبه فرحتها ما كانت نفس امس و اليوم ابداً احسها فراشه و جالسه تحلق من الفرحه
ابتسم سيف بخفه و تقدم يشرب القهوه

عند شوق دخلت غرفتها و هي تبكي و تقدمت تاخذ ملابسها و تتجه للحمام ( الله يكرمكم ) فتحت المويه و بدات تبكي معها تبكي و تحس كلهم شايفينهم غلط و تتذكر كلام لمار و صدمه سلطان و كلام عبدالرحمن و صدمه الطلاب اليوم بالجامعه و تبكي زياده تحس انها زياده عليه تحس انها ما تستاهله تحس ان الشخص اللي تحبه مجبور عليها و تحس انها شي ثقيل عليه مثل حمل الدقيق او الرز اللي محد يقدر يحمله بسهوله