لقيتك من بعد كل الخساير ربحي الأعظم عوض قلبي وبسماته وزهر عمري و نواويره

Part 15

تقدم صاحب المحل بالورقه و القلم و اخذها عوض و كتب حبيبه قلبي ابتسم و عطى الرجال الورقه
ناظر صاحب المحل الورقه و ابتسم التفتت عليه العنود : وش كتبت
عوض : ولا شي ، يمه خلينا نشوف الشبكه
تقدمت ام وليد مع عوض يشوفون الشبكات و كانت العنود تصورهم و تبتسم لمح عوض شبكه و عجبته اشر عليها : حلوه
ام وليد : اي اي و ناعمه تصلح لها
هز عوض راسه و تقدم صاحب المحل يطلع لهم الشبكه و الدبله و تقدم عوض يحاسب و هو مبتسم التفتت عليه ام وليد و ابتسمت لفرحه ولدها : الله يتمم لك على خير
اخذ عوض الأكياس : امين يارب
و تقدموا للسياره يرجعون البيت و بالسياره التفت لامه: يمه الدبله عطيني ياها عارف الملاقيف
العنود اشرت على نفسها : أنا
ضحك عوض وهز راسه بالنفي اخذ الدبله و حطها في جيب ثوبه و التفتت له ام وليد بابتسامه : تحبها
اكتفى عوض بالابتسامه و ضحكت ام وليد من عدم رده و بعد مده وصلوا البيت و دخل عوض المجلس و كانوا الجد و العيال و الأعمام و العمه عبير مجتمعين على قهوه العصر و بصوته الجمهوري : السلام عليكم
رد الكل : وعليكم السلام
تقدم يدخل يجلس و التفت يدورها بعيونه و مالمحها : إلا البنات وين
ضحك عبدالرحمن : البنات و لا شوق
حك عوض جبهته و ناظرته عبير ابتسمت : إذا تبي البنات جالسين بالحديقه و إذا تبي شوق بغرفتها
هز عوض راسه و تقدم يخرج و التفت ابو وليد لام وليد : خلصتوا
العنود : خلصنا بعد ما شاف كل دبله بالمحل و ازعجنا
ضحكوا و نطق الجد : الحمدلله اهم شي خلصتوا
هزت ام وليد راسها و نطقت عبير : كلمت منسقه الورد تقولي بكرا الظهر يكون كل شي جاهز و كلمت المصوره بعد
العنود : الحمدلله لقيتي حجز
عبير و هي تشرب القهوه : عمتك عندها واسطاتها مو هينه
ضحك العنود و تقدمت تطلع للحديقه عند البنات