تنهدت بضيقه و التفتت من دخل الدكتور و سكرت جوالها
الدكتور : سلام عليكم
نطق الكل و رد عليه السلامه و كمل كلامه : معكم الدكتور عمر بن سعود و ان شالله راح أدرسكم الماده ذي الماده حلوه و راح تستمتعون فيها كثير ، عارف فروق العمر بينكم في مستجدين و في مستمرين و في خريجين ايضاً كل اللي ابيه منكم الاحترام ثم الاحترام ثم الاحترام مايهمني انت منو ولا ولد منو تكون محترم أحطك على عيني و راسي و أعطيك حقك و زياده بعد
ابتسم عوض لعمر بحكم صداقتهم و التفتت يناظر شوق اللي كانت مكتفه يدينها و مكشره عقد حواجبه و التفتت للدكتور عمر من نطق : ما راح ناخذ كثير اليوم بس راح أتعرف عليكم فرد فرد بالبدايه و اعذروني إذا خربطت بينكم او نسيت اسمائكم
الطلاب : لا عادي ، ولا يهمك ، عادي
عمر : نبدأ بالعيال ولا بالبنات ناظرهم عمر و التفتت لكشف الأسماء : خلونا على كشف الأسماء بالترتيب احس
بدأ عمر ينادي على الطلاب و كل طالب يعرف عن نفسه وصل لعند عوض و ابتسم : عوض بن خالد
رد له الابتسامه عوض و نطق بصوت جمهوري : معكم الطالب عوض بن خالد خريج بأخر سمستر لي اعتبروني اخوكم و راح أساعدكم باللي تحتاجونه بس بحدود و احترام
هز عمر راسه و ابتسم له و بداوا الطلاب يعرفون عن نفسهم وصل لآخر أسم و نطق: وختامها مسك شوق
التفتت له شوق اللي كانت سرحانه و عقدت حواجبها من عدم نطقه لاسم ابوها طوفت الموضوع : معكم الطالبه شوق اول سمستر لي رفعت أكتافها و نطقت : مستجده يعني و حلمي أصير دكتور و بس
ابتسم لها عمر و عوض كان ملتفت لها و يسمعها بأنصات و كل تركيزه عليها و هو مبتسم من ثقتها و كيف قادره تتكلم بطلاقه
ناظرته شوق يناظرها و كشرت بوجه و تقززت ناظرها عوض باستغراب و التفتت قدام لعمر اللي بدأ يشرح جزء بسيط من الماده بعد المحاظره التفتت ساره للبنات : اخخخ يا بنات طلع اسمه عوض يا لبيه عضت شفتها السفليه و ناظرتها شوق بقهر و سكتت التفتت عليها وعد : هو من عمر ولا من عوض ولا من سعود ولا من غيث كل واحد يموت اكثر من الثاني
التفتت لهم الجوهره : بس بنات عيب
وقفت شوق : بروح أتمشى على ما تبدّا محاضرتي الجايه تجون
وقفوا البنات معها و طلعوا من الكلاس ناظر خروجها عوض و صدها تنهد و دخل تويتر :
أنت تقرأ
لقيتك من بعد كل الخساير ربحي الأعظم عوض قلبي وبسماته وزهر عمري و نواويره
Randomمخيلتي الاولي 🦋
