لقيتك من بعد كل الخساير ربحي الأعظم عوض قلبي وبسماته وزهر عمري و نواويره

Part 30

هزت راسها بالموافقه و نطق و هو مبتسم : بس تم ندخل من الباب الخلفي ولا نشوفهم
تقدم يفتح باب السياره و يخرج و يتوجه لها و فتح بابها و نطقت و هي مبتسمه : احس اني اميره اذا فتحت لي الباب
تقدم يحضن يدها : و انت اميرتي و اميره قلبي بعد
عضت شفتها و نطقت : و انت بطلي اللي راح ينقذني
ابتسم لها : بطلك و عوضك بعد
تقدموا يدخلون البيت و ناظروا رزان و خالد اللي كانوا جالسين بالمراجيح يلعبون ناظرهم عوض و التفت لها و ابتسم : تتوقعين وش نهايتهم
ضحكت شوق : يمكن نهايتهم حب راح يذكره الكل
عوض ناظر خالد اللي كان يتمرجح و يضحك مع رزان : حب مراهقه
شوق و هي مبتسمه : حب مراهقه مبتدئه مو عارفين مشاعرهم لبعض بس كم سنه و يعرفون حبهم لبعض
عوض : راح نكون شاهدين على حبهم و نذكرهم بالحظه ذي
هزت راسها و هي مبتسمه و تقدمت تمشي معه : راح نكون شاهدين و نقول لعيالهم بعد عن حبهم
مشت معه و دخلت البيت من الباب الخلفي و صعدوا الدرج و توجهوا لشقتهم بدون لا احد يشوفهم دخلوا و نطق : شوق
التفتت له و تقدم لها صار مقابلها : تجهزي لأنتصارك حبيبه قلبي
ناظرته بخوف و توتر و فهمها و تقدم يحضنها : راح اكون معك و اذا حسيتي بأي ضغط او اي شي بس ناظريني وانا راح افهمك على طول
كمل كلامه و هو مبتسم : ابيك تكشخين و تبينين له انك مو محتاجته و ...... قاطعتك كلامه و نطقت : اصلا انا مو محتاجته دام انك معي و بحياتي ما احتاج لأي احد لانك تعوضني عن اشخاص كثار
ابتسم و تقدم يقبل راسها : وانا معك دايم و بكل دقيقه و بكل وقت
بعد عنها و نطق : يالله تجهزي ما بقى شي على المحاكمه
هزت راسها و تقدمت تدخل الغرفه تتجهز