لقيتك من بعد كل الخساير ربحي الأعظم عوض قلبي وبسماته وزهر عمري و نواويره

Part 11

هز سلطان راسه و دخل البيت و شاف البنات جالسين بالمجلس و شوق جالسه تبكي و البنات يهدونها و لمح ليان جالسه على الدرج و حاطه يدينها على اذنها و تهز رجولها و تبكي تقدم لها يجلس على ركبته : ليان
هزت راسها بالنفي حاول يبعد سلطان يدها من اذانها : ناظري فيني ما صار شي عادي
بكت ليان و مسك حنكها سلطان يرفع راسها علشان تشوفه ناظرته و زاد بكاها ، سلطان : ما صار شي ليش البكي
هزت راسها بالنفي : خفت
ابتسم سلطان بخفه : طيب يالله علشان اوديكم بيت ام طلال
هزت راسها و وقفت و تقدمت تحضنه و تحط يدها خلف رقبته بادلها سلطان الحضن و هو مبتسم بعدت عنه : اذا خلصتوا يصير اتكلم معك
ابتسم سلطان : يصير ليش ما يصير
تقدمت معه للمجلس و شافت شوق اللي تبكي بحضن غلا : بنات يالله نروح عند ام طلال
تقدموا البنات يطلعون من باب المطبخ مع سلطان و من باب الحوش الخلفي طلعوا من البيت لبيت ام طلال وصلهم سلطان و طق الباب
طلال : مين
سلطان : سلطان و خواتي معي
فتح طلال الباب و شاف شوق اللي كانت جالسه تبكي و صد : حياكم
دخلوا البيت و ناظر طلال سلطان : عمي سعد صاير فيه شي
هز سلطان راسه بالنفي : ابوها جانا و كلهم برا البيت
طلال : وينه الحين
سلطان : عندنا بالبيت
طلال تقدم مع سلطان للبيت : يالله جاي معك النذل ذا شغله عندي
سلطان : ما سكتنا له بس بعد ماطلع من السجن زايده سوالفه
طلال : ماغلط عمي يوم لقبه بالنذل
ضحك سلطان و تتقدموا يدخلون البيت و دخل سلطان داخل البيت ينادي : مشاااري
طلع مشاري من شقته : نعمم
سلطان : انزل بسرعه الحين
مشاري و هو جالس ينزل من الدرج : وش صاير
سلطان: امش الحوش و تشوف
طلع مشاري و حصل صقر على وضعه و عوض جالس يدخن و عبدالرحمن حاط رجله على ظهر صقر و جالس يتكلم مع طلال و فهد وسيف متكتفين : هذا وش جابه
عوض نفث دخانه : جابته النذاله
طلال : وش مخططين تسون فيه
عوض رمى الدخان و دعسه برجله : رصاصه وحده براسه و ننتهي منه
طلال : يا عوض اعقل مو كذا تنحل الامور
عوض ناظر طلال : لا والله استاذ طلال كيف تنحل ، على صوته وقال : النذل ذا حط السلاح البنت كان راح يذبحها راح يذبحها يا طلال و تبيني اسكت له لا والله ماراح اسكت
طلال بعصبيه : ماقلت لك اسكت
فهد تقدم لعوض : عوض هد مو كذا انتظر جدي يجي و اعمامي و هم يتفاهمون معه
سيف : عدل كلامه لا تسوي شي من راسك و تودينا بداهيه يا عوض
عبدالرحمن : قبل كل شي ذا الواطي لازم يتحقق معه لان معه سلاح غير مصرح
ضحك صقر : غير مصرح هههههه
تقدم مشاري يشده من شعره : يمين بالله ان ما سكرت حلقك محد راح يخلصك مني فاهم
ترك يده مشاري والتفت لهم : توني مكلم امي جايين بالطريق مو مطولين
ضحك عبدالرحمن : استعد لنهايه حياتك يا النذل
طلال : انا تارك خواتكم و اختي بالبيت بروحهم راح اروح لهم و بس يوصل عمي بلغوني اجي
مشاري : ماتقصر بس يوصل نبلغك راح نحتاجك مع النذل ذا
ضحك طلال و تقدم يطلع من البيت لبيتهم