Chapter 219
မိုလင်းက ကျန်းယန်ရှန့်အား《နေအဖွဲ့အစည်းမှထွက်ခွာခြင်း》၏ အခြေအနေကို ပြောပြရန် ဖုန်းဆက်လာသည်။
"အခုတော့ ရင်းနှီးထားတဲ့ပိုက်ဆံတွေလည်း သူ့နေရာနဲ့သူဖြစ်နေပြီး နောက်ပိုင်းဆက်လုပ်ဖို့ အစီအစဉ်ကလည်း သေချာနေသေးတယ်..."
မိုလင်းကပြောသည်။
"လောလောဆယ်အစီအစဉ်ကတော့ နောက်နှစ် နွေရာသီကျောင်းပိတ်ရက်မှာ ထုတ်နိုင်ဖို့ ကြိုးစားနေကြတယ်...ထုတ်လုပ်သူဝမ် ကလည်း အချိန်ဇယားနဲ့ပတ်သတ်လို့ တော်တော်လေး ယုံကြည်ချက်ရှိနေတယ်..."
မိုလင်းက ယုံကြည်ချက်ရှိစွာပြောနေသည်။
သို့သော် ကျန်းယန်ရှန့်၏ ယခင်ဘဝမှတ်ဉာဏ်အရ ရုပ်ရှင်ထုတ်လုပ်မည့်အချိန်သည် ဟိုခုန်ဒီခုန်ဖြင့် နောက်တစ်နှစ်ကျော် နွေဦးရာသီရောက်မှ ထုတ်လုပ်ဖြစ်ခဲ့သည်။ ထို့ကြောင့် သူမ မိုလင်း၏စကားများကို မယုံပေ။
မိုလင်းက သူမ အားလိမ်ညာနေသည်ဟုတော့ ကျန်းယန်ရှန့်မထင်ပါ။ ရုပ်ရှင်ထုတ်လုပ်ခြင်းကိစ္စသည် ထုတ်ဝေသူ၏တာဝန်သာဖြစ်၍ မိုလင်းလည်း ဘာမှလုပ်နိုင်သည်မဟုတ်ချေ။ မိုလင်းသည် အစီအစဉ်များကို သေချာလေ့လာ၍ ပိုက်ဆံရင်းနှီးထားသူများကို အမှန်အတိုင်းပြောပြနိုင်ရုံသာ ရှိသည်။
သို့သော် ကျန်းယန်ရှန့်၏စကားများထဲမှ "မယုံကြည်မှု" ကို မိုလင်းကသတိထားမိသွားသည်။ မိုလင်းသည် "အစ်မကိုယုံပါ..." ဟူသော အနှစ်မပါသည့်စကားများကိုလည်း ပြော၍မရချေ။ ထို့ကြောင့် ပြုံးကာ ပြောလိုက်သည်။
"ညီမကို ရွှေကျန်းမှာတွေ့တည်းက အလုပ်တွဲလုပ်ချင်စိတ်ဖြစ်လာတဲ့ အစ်မရဲ့စိတ်ကိုပဲကျေးဇူးတင်ရမလား...အလုပ်တွဲလုပ်ဖို့ သဘောတူတဲ့ ညီမလေးကိုပဲ ကျေးဇူးတင်ရမလားမသိဘူး...ဒါပေမယ့် ငွေရင်းနှီးမှုကတော့ မျှော်လင့်ထားတာထက် ကောင်းတာအမှန်ပဲ...ညီမလေးရဲ့ K မြို့ကတင်ပဲ သန်း ၁၅၀ လောက်ရတယ်..."
ဟင်...
"K မြို့က လို့ပြောလိုက်တာလား..."
ကျန်းယန်ရှန့် အံ့ဩသွားသည်။
YOU ARE READING
အပိုင်း ၂ အကြီးဆုံးသမီး
General FictionEldest Daughter Was Reborn အကြီးဆုံးသမီး Description အရင်ဘဝတွင် ကျန်းယန်ရှန့် သည် သူမ၏ သုံးစားမရသည့်ဖခင်နှင့် မိထွေးဖြစ်သူကို အရွဲ့တိုက်ပြီး ဆေးလိပ်သောက်ခြင်း၊ အရက်သောက်ခြင်း၊ တက်တူးထိုးခြင်းနှင်း ကားပြိုင်ပွဲများတွင် သူမဘဝကို အချိန်ဖြုန်းခဲ့သည်။ ...