﷽
الكاتبة:
"سـارة الحـسن"
-لا تنسون التصويت والتعليق بيـن الفقــــرات
+متابعة الحساب itsara_kh
Instagram: itsara.kh
Telegram: itsara105
•••••••••••••••••••••••••
َ
َ
أوهمت القلب قسراً أنهُ ولهان
وقعت من أعلى التلال مُصابة بالخذلان
تَقابحتُ لأجلهُ وأنكرت المَعروفُ
ومضيت حياتي بجراحي أَروفُ
بين المعصية وغرقي في الذنوب
ما بَقي في اليد غير طَلب المغفرة من رب رؤوف
رجـع عمي ظافر بالليل مهدود حيلة
الكسرة واضحة بعيونة،
كعد بالصالة وطلب من غيـد تصيح لياقوت
طلعت وكفت كدامة ودموعها ما نشفن
بـدون لا يرفع راسها عليه حجة وياها بهدوء
ظافر: جهـزي نفسج نهاية الأسبوع زواجج من بشار.
نهض من مكانة وتركزت عيونه عليه
ظافر: وأنتو هم بابا جهزو بنفسكم،
صار موعد طيارتنة بيوم عرسها.
َركضت عليه ياقوت سحبت أيده تبوس بيها
ياقوت: لا تسوي هيج بداعة ماما لا تسوي هيج.
ظافر: هـذا قرارج ياقوت أنتِ رايدة بشار واني ماراح اوكف بوجهج.
سحب ايدة منها بقوة وكمل طريقة يريد يدخل غرفتة،
صاح وراه أديب محتقن وعيونة مغوركة بالدموع
أديب: شلون نسافر ونترك ياقوت وحدها بابا؟!
ظافر: راح تتزوج أختك وماتبقى وحدها.
دخل وسد الباب بقوة ، كلبي ورم من الأيام اللي عشتها
من المصايب اللي وكعت على راسـي وزادتها عليه
ياقوت، تقربت مني خايفة اصدها
ياقوت: لا تعوفوني مُرجان عليكم الله لا تعوفوني.
مُرجان: هذا قرارج مابيدي شي،
من البداية ما تردين تسافرين ويانه وهاي أجتج الفرصة.
ياقوت: شلون ينطيج كلبج مُرجان شلون؟!!
مُرجان: مثل ما أنطاج كلبج تضحين بينا لخاطر مطيرجي،
وتضحين بعمو ظافر اللي جاب عمره تعب بتعب لخاطرنة لخاطر واحد مهتلف، كتلج قبل اذا سمعت راجعة حاجية وياه راح اندمج بالساعة الصرت اختج بس هسه ماراح اسوي شي بس أكلج انسي اني أختج.
ركضت عليه تريد تحضني وترجف مثل السعفة
ياقوت: ماسويت غلط مُرجان والله كل ذنبي حبيتة ليش تعاقبوني بهاي الطريقة.
أنت تقرأ
أغلال المرجان (غَـربيب)
Action• حقيقة.!!! يتشاءمون بالغُراب إِذا نعق ويتشاءمون من الغربيب إذا زهقّ بـكّرَ بُـكُورَ الغُـرابِ أذا تَـوهَق ماكـر وحـذر، شـرس، وسـفاحٌ جاء لِيشرق ويغرب في أفق منزل الرماح ذكي مُحتال يوهمهم نَدِيّ جسمهُ ماء بينما كان غربيب لا تُرى عليه أثر الدماء •...
