أغلال المرجان (غَـربيب)

Part 31 || صِدق

﷽

الكاتبة:
"سـارة الحـسن"

📌لا تنسون التصويت والتعليق بيـن الفقــــرات
📌+متابعة الحساب itsara_kh

Instagram: itsara.kh
Telegram: itsara105

•••••••••••••••••••••••••
...
ما هو ذنبي؟!
تُعاقبني الناس على أقــدار ربنا.!!!

َ

غلقة الخط وركز نظراتة على غفـار
نـوح: البقية بحياتك ، عمك سلمان متعرض
لأغتيال وأنتقل الــى رحمة الله هو وحمايتة.

بعدنـي بصدمتي مـن برودة ومـن كلامة
ومـن الخبـر اللـي سمعتة، هجمت عليه
غيـد دفعتة مـن صدرة بقوة وفجعتنة
كلنا بكلامها النطقتة بصراخ
غيـد: لك لـواء راح ويا سلمان اليوم.!!
شسويت أنتَ يا مجـرم شسويت؟!!!

بقـى نـوح صافـن عليها وهـي تخبلت
تدفع بي وتصيح عليه وكلنا نصيح عليها
نريدها تهدأ حتى نفتهم منها شلون
لـواء راح ويا سلمان وهو من حماية سلطان!!
سحبتها بقوة عليه وغفـار عاط بيها
غفـار: غيـد غيـد.!! شصاير شلون عرفتي لواء وياه؟!

دفعتني عنها ترجف وتحجي بهسترية
غيـد: مـن لـواء راح على سلطان الصبح
علمود يطلعون للدوام سلطان كان مريض
وطلب مـن لـواء يروح ويا سلمان لأن عدهم شغل.

نـوح رفع تلفونة أيـدة ترجف وأتصـل
على نفس الشخص اللـي أنطاه خبر
بالحادث ، فرگ وجهة بقوة يسأل بخوف
بـس سمع جوابة عاط بي محترگ دمة
نـوح: لك حيـوااان چـاا أنتَ ما تعرفة؟!!

عرفنة لـواء متأذي وكان ضحية لـ ثار
نـوح ، غفـار تخبل صار يضرب على الكرسي
مالتة بقوة ويصيح روحة شايغة
غفـار: ولك شسويت شسويت.!!!

تراجع نـوح كم خطوة لورة وعينه
علـى غفـار ، دمعت عيونة وهمس
نـوح: ما ادري بي ويا سلمان وشيبات امي ما أدري.

طلع يركض متخبـل وغفـار أنـدار
على جهة البيت وصار يصيح على
روكان روحة فرفحت ووجه صار دم
طلع روكان يركض جان نايم بعدة
بدون ما يفهمة شكو طلب منه يطلعون
صعـدة بالسيارة وطلعو ، وبيت الرماح
كلهم طلعو علـى صـوت غفـار يسألون شكو
ياقوت: مغتالين سلمان ولـواء وياه.

بلقيس صارت تلطم على وجها وتصيح
بلقيس: صخام بوجهي صخااام راح وليدي.

الرماح: منين سمعتن ووينهم هسه؟!
ياقوت: ما نعرف انطو خبر لـ غفـار وراحلهم.

كلهم طلعو مـن البيت الرماح وسلطان وولدهم
وبلقيس بقت بمكانها تبجي وتنـوح
وبنات سلمان يمها يتعايطن على ابوهن ،
دخلت غيـد للبيت تركض واني وياقوت
وراها كل أوضاعها تخربطت من سمعت الخبر،
وكفت بنص الغرفة دمعتها بعينها وترجف
غيـد: من الصبـح غثيتة والله ما كان قصدي.