﷽
الكاتبة:
"سـارة الحـسن"📌لا تنسون التصويت والتعليق بيـن الفقــــرات
📌+متابعة الحساب itsara_khInstagram: itsara.kh
Telegram: itsara105•••••••••••••••••••••••••
كعـدت كدامـة حضنت أيدة
بسرعة وكل حيلي يرجــف من جهة
فرحانة ومـن جهة خايفة من الحقيقة
الراح يسمعها منـي ، نزلت دمعتي وهمست
مُرجان: تذكرت اني تذكرت والله ، غفـران هـي...سد حلكي بسرعة ورفعني عليه
شادني عليه بقوة وهمس بقهر
غفـار: انسي مُرجانة انسي لا تتذكرين.بحلقت عيوني عليه وهـو دفـن
راســي بحضنة يهمــس يم أذنـــي
غفـار: لا تحجين شي مُرجانة ، مو هنا مو هنا.بقيت متمسكة بـ أيـده بقوة ودموعي
نزلت ليـش من تذكرت منعني أحجـــي.!!!
أنـدار على حارث تشكر منه ورفعني من حضنه
غفـار: تعالـي وياية ، احجيلي اسمعج انا بس مو كدام احـــد.مسحت دموعي بطرف ردنـي
وحتى ما كدرت أدفعة بسبب رجفة أديه
هو حرك نفسة رجعنة لـ غرفتنة ،
قفـل الباب ونزل نفسه على الأرض
وفتحلي أديـه يريدنـي اروحلة ،
كعدت يمة أرجـف وهو سحبني عليه بهدوء
مُرجان: غفـران اللـي صاحتني والله أتذكر
كلشي مو وهَـم منـي ، حتى أجت تبجي تكلي
ساعـدي لأن غفـار إذا عرف يتبرى منــي.غفـار: وشصار بعد احجيلي.
مُرجان: رحت وياها دخلت الغرفة وكان
خضر مضروب على راسـة وطايح على الأرض
ردت ألزمة أشوفة عايش لو لا بس خفت ،
حسيت نفسي بحلم وكلشي صار مدايستوعبة
عقلي ، فزيت ورجعت لـ واقعي على صوت
طرفة بس كلشي ما تذكرت وقتها ، أفـز
ضايعة يم جثة ميت هجست اني اللـي قتلتة.!!أحتضن وجهي بين كفوف أديه
غفـار: مثل ما متأكد مـن برائتج
متأكـد مـن برائة غفـران لأن ما تسويها.
مُرجان: بس اني مداجذب عليك والله.
غفـار: أعرفــج انا ، والحجي اللـي حجيتي
كله سامعة ومـن غفـران مو من غيرها ،
بـس شلون تردين اصدك كلام مريضة؟.
غفـران مو بوعيها ماتعرف شجاي تتصرف.دفعت أيدة مصدومة بكلامة
مُرجان: كنت تعرف غفـران اللـي صاحتني
وما حجيت ولا ريحت كلبي بحجاية؟.
غفـار: انا كتلج مو أنتِ.
مُرجان: بـس تعرف داتعذب وخايفة اكون
انـي فعلاً ، ناسية كلشي شلون تريد أرتاح غفـار.!!
صعبة عليك تحجيلي لو خايف على أختك؟.
غفـار: خايف عليج هم.
مُرجان: لــو خايف عليه كان حجيت ،
مو تخليني عايشة بعذاب طول هذهِ الفترة.
YOU ARE READING
أغلال المرجان (غَـربيب)
Action• حقيقة.!!! يتشاءمون بالغُراب إِذا نعق ويتشاءمون من الغربيب إذا زهقّ بـكّرَ بُـكُورَ الغُـرابِ أذا تَـوهَق ماكـر وحـذر، شـرس، وسـفاحٌ جاء لِيشرق ويغرب في أفق منزل الرماح ذكي مُحتال يوهمهم نَدِيّ جسمهُ ماء بينما كان غربيب لا تُرى عليه أثر الدماء •...