أغلال المرجان (غَـربيب)

Part 40

﷽

الكاتبة:
"سـارة الحـسن"

📌لا تنسون التصويت والتعليق بيـن الفقــــرات
📌+متابعة الحساب itsara_kh

Instagram: itsara.kh
Telegram: itsara105

•••••••••••••••••••••••••

لعلهُ أبتـلاء مـن الله
ليـــرى مــا فـي قلبي مـن صبـــر
فأذا رضيتُ ، رضـــي عني.

َ
َ
َ

ركـز بـ نظراتــة عليه ثوانـي وأباوع
لـ عمـي ظافـر يحجي وياه بجـدية ،
كـــلامة ضيـع حالــي ورجف كُــل حيلي ،
يطلبنـي بكل أحتـرام مـن عمـي وكأنـو
دايطلب شــي مُقــدس وثمين
لـواء: انا جايك وكلني أمـل بيك ما تردنــي ،
طالب أيـد بنتك ”غيـد“ على سنة
الله ورسـوله ، وشتأمـر ”أنتَ وهـي“ انا
حاضر ، مـن أيـــدكم هاي لـ أيـــدكم هاي.

قبضت أيـدي بقـوة كلبـي مورم منه
بعـد أخــر موقف وأحـس اريد أذبحة،
وهـو صدمنـي بجيتة وفوكاها يخطب.!!
بقت عينه مـرة عليه مـرة على
عمي ظافر يريد يشوف ردة فعلنا
لـواء: أعـرف مستغربين لأن جاي وحـدي بس أعذرونــي ما عنـدي أحـد وانا هم ابنكم مو غريب.

قهرنـي من كال هيـج أعـرفة متعارك
ويـا غفـار اللـي يعتبرة كُـل أهله ،
كسر الصمت تفكير ياقوت بصوت عالـي
أيـدها على خدها وتحجي بـ حزن
ياقوت: يــا يريد يستهتر بـ الحلال سودة عليه.

لميت شفايفي داخـل حلكي أكتم ضحكتي ،
وعمي ظافر رفـع راسـه عليها مصدوم.!!
أحـس نظراتة تكول شهل أخـلاق؟!
شهـل تغييرات؟! شصاير بـ بناتــــي.!!
استوعبت كلامها ودنگت راسها تهمس بفشلة
ياقوت: أسفـة لساني طالعلة صوت.

أخـذ نفـس عميق وأندار على لـواء
ظافـر: جيتك على عينـي وراسـي ،
أنتَ أنسان تستاهل كُـل ما يحب كلبك
لأن نيتك كانت طاهرة وواضحة ،
بـس يا أبنـي غيـد بعدها صغيرة
ومو مال زواج ، وخصوصاً هـي سادس.

لـواء: ولأن سادس انا تعمدت أخطبها ،
لأن هذهِ الفترة البنات يكونون بـ ذروة تفكيرهم
بـ الزواج حتى يخلصن مـن السادس.

أنـداريت عليه رافعة حاجبي ومُستحيل
أمشيها اله بعـد ما قهرنــي
غيـد: حتى بهذهِ الفترة ما أفكر بيك.
لـواء: نزلـي حاجبج غيـد مبارك المفروض تخجلين.

ردت أحجـي وعمي ظافر لزم أيـدي
مسكتني وهو كـمل كلام وياه
ظافر: صـح انـي ما ناوي أزوجها هسه ، بـس
يبقى القرار الأول والأخيـر لـ غيـد.