أغلال المرجان (غَـربيب)

Part 30 || هدف خطأ

﷽

الكاتبة:
"سـارة الحـسن"

📌لا تنسون التصويت والتعليق بيـن الفقــــرات
📌+متابعة الحساب itsara_kh

Instagram: itsara.kh
Telegram: itsara105

•••••••••••••••••••••••••

سُواد الليّل يبقىٰ
وتطفى الالوإن وآعَيد
بذكُرياتك والمشاهْد .

...

تنهد وعيونة مركزة بعيوني يباوعلي
بخيبة أمــل ، نظراتة أذتنــي
غمض عيونة لثوانـي وطلع ظرف مـن
المجـر وخلاه بـ أيــدي
غفـار: شوفــي وجاوبيني بضمير.

فتحتة وطلعت مـنه مجموعة صـور
أنعصـر كلبـي وأنخفضت أنفاســي من شفتها
قبضت أيـدي عليها بقـوة مو وكتها تطلع.!!
رفعت عيني عليه ونظرات العتب
مستوطنة عيـــونة
غفـار: ما أريـد أحكم ، أريـد أسمع تبرير منج.!!

دنگت راسـي على الصور وبقيت
ساكتة أكرهه ذيـج الفتـرة بسبب اللـي مريت
بـي مـن مواقف صعبة ، سحبهن مـن أيدي بهدوء
وقـدم مجموعة منهن كدام عيني
كانت صـور اللـي بـدون حجاب وأغلبها
بملابس البيت ومابيها الحشمة اللـي تليق
أحـد يشوفني بيها حتى أستحيت منها
غفـار: احجيلي هـذن شلون طلعن؟!
صـور الج بهيج منظر.!! انا وياج نفس الغرفة
صار أشهـر ما شفتج بهذا الشكل.!!

ما أريـد احجي ولا أريد أتذكر أي
شـي يخصها ، رجف فگـي بس حاولت
أسيطر علـى دموعـي ، رفـع راسـي
بـ أطراف أصابيعة وأحتضن وجهي
بكف أيـدة الكبير الطاغـي على خـدي
غفـار: أعرفج انا ، أنتِ نچـرة أبـو الحـسن
ما تسوين هيـج غلط ، صاير شي أكبـر مو؟!

يحجـي بثقة عالية وواثق مُرجان
ما تغلط هيـج غلط ودز صورها بهذا المنظر
لأي كائن من يكن ، بس يريد يسمع منـي
محافظ على أعصابة ما يريد يخليني أنفر
منـه ، محتـاج تبرير يبرد كلبة.!!
هزيت راسـي بأيجابية لأن الصار مو ذنبي ،
سحبني عليه باس راسـي ونيمني على
صـدرة يمسـد على شعري بحنية
غفـار: لا تبجين مُرجانة لو الج حگ
أخـذ حگج مـن حلك السبع.

صمدت لـ ثوانــي بحضنة بعدها أبتعدت
أشرلي بعيونة على بقية الصور
كانت اني وآشـور وحـدة منهن لابسين
حلقات ورافعين أدينة مشوفين الحلقات
اللـي يشوف الصورة مباشرةً يكول
مخطوبين لأن كانت بحفلة خطوبة
أحـد أصدقائنة من أيام الجامعة ،
صارت اللقطة عفوية منـي بس آشـور
راسمها ببالة وصار موضوع كبير بسببه
مُرجان: كان مجرد شقة وتحول لموضوع أكبـر.