﷽
الكاتبة:
"سـارة الحـسن"
📌لا تنسون التصويت والتعليق بيـن الفقــــرات
📌+متابعة الحساب itsara_kh
Instagram: itsara.kh
Telegram: itsara105
•••••••••••••••••••••••••
يَبدو سخيفاً للبعض وصف ما أشعر بهِ
لكنه والله وبالله وتالله يُمزقني.!!
♡♡♡♡♡
رفعت غيـد عـن الكاع وانـي احـس دانعيش
اخـر لحظات حياتنة بـس لازم اقاتل لحـد آخـر نفـس،
تركنة ياقوت ورانة جثة ما نعرف إذا بعدها
تتنفس أو فارقت الحياة،
كل همـي كان أوصل الشارع وأرجع آشـور
ينتشلها مـن غابة الوحوش اللي ضعنة بيها،
كملنا طريقنة بخطـوات ضايعة بيـن
أشجار البساتيـن،
صـوت وحيـف الأشجار عالـي
ورعـد وبرق خفيف بـدون مطـر، نمشـي
بظلام دامـس نتـراجف مـن الخـوف بـس
مـو خوف مـن الظلام،
خوفنة لا تطيـح عيـن احـد علينا.
قطـع طريقنة ذاك الغريب بنهاية
البستان ما نـدري أذا هو عـون لو فـرعون،
رفـع الضوة اللـي بـ ايدة علينا
ميثم: ”دخلتـن بعمق الظلام مو بسهولة تطلعـن منه“.
عصرت أيـد غيـد بقوة وسحبتها بهدوء
ورة ظهـري، منو ممكن يكون هذا الغريب؟!
شكلة ما يوحـي أن هو واحـد مـن الحرس.!!!
أنقبض كلبـي مـن أدركت هذا الشخص فرعون.!!
صوت صَهيل الخيـل صار بظهرنة
والغريب اللي راح يجيب نهايتنة كدامنة
لأي طريق ممكن نتوجهه؟!
مُرجان: واضح عليك أنسان كفو.!!
خلينا نكمل طريقنة وماراح ننسى معروفك.
أكـذب.!! أحاول أتلاعب بمشاعرة.!!
بـس ما همني شي غير يتركنـي أنقذ فص كبدي.؛
أبتسم رافع حاجبة متعجب كلامـي
ميثم: أنسان كفو؟!! ياهـو أنتِ؟! غريبة دارج؟!
غريبة دارج.!! وصف عميق ودقيق
تنبأ ممكن نكون بنات هـذا البيت
ووصفني بالغريبة يعرفني ما أنتمي الهم بس بالأسم،
ركزت بي أكثر أكيـد شخص من بيت الرماح.!!
بـس منو؟! وراح يكون مثلهم لو ضـدهم؟!
أحتاريت بالجواب وأنسدت بيبان الدنيا بوجهي
دار راسة على الشخص اللـي أجه يمشي ناحيتنة
متلثم ما واضح منه شي غيـر جدحة عيونة
ميثم: تعال أبـو الفهـد صدت خوش صيدة.
YOU ARE READING
أغلال المرجان (غَـربيب)
Action• حقيقة.!!! يتشاءمون بالغُراب إِذا نعق ويتشاءمون من الغربيب إذا زهقّ بـكّرَ بُـكُورَ الغُـرابِ أذا تَـوهَق ماكـر وحـذر، شـرس، وسـفاحٌ جاء لِيشرق ويغرب في أفق منزل الرماح ذكي مُحتال يوهمهم نَدِيّ جسمهُ ماء بينما كان غربيب لا تُرى عليه أثر الدماء •...
