﷽
الكاتبة:
"سـارة الحـسن"
📌لا تنسون التصويت والتعليق بيـن الفقــــرات
📌+متابعة الحساب @itsara_kh
Instagram: itsara.kh
Telegram: itsara105
•••••••••••••••••••••••••
كُـل ما خَفُق لك القلب
تأتيهِ ضربةٌ من العقل تبتر نصفهُ
ونصف بعد نصف حتى بُتر بأكملهُ.!!
الحمدلله.!! الكلمة كانت غلاف لأوجاع
الأنسان اللـي يحمد ربه عليها دائماً وأبداً...
والحقيقة هـي ما كانت بخير.!!
قبـل لا ينطق لـواء ويحجي شي
فزينا بخوف على صوت صرخاتها
ركضنا كُلنا بدون وعي نحاول نفتح
الباب بـــــس مقفولة...
كانت تصرخ بوجع ، بنبرات أنسان متعذب
رجت البيت بصوتها وهزت كلوبنا من الخوف عليها..
صدى صرخاتها يدوي بالبيت
كـــأنو داتجالــع المـــوت.!!
أسمع صوت ورجة واضح داتضرب
بـ أيدها بقوة بــ الأرض.!!
وصرختها الأخيره كانت بكلمات غريبة
مُـرجان: لا تخلي يمـوت غفـــــااار.!!
أنخبص البيت بصوت صياحنه وبچينه
على حالتها المحد يعرفها.!!
كُـل اللـي نعرفه هي بيها شي هي متأذية.!!
ندُك بـ الباب المقفول ونتوسل بيها تحجي ويانة
بس كان بدون نتيجة.!!
مـن بعـد فترة مرت مثل الحلم هدأت
"صرخات مُـرجان" وبقت بس أصوات
شهگاتنة عليها مسموعة...
طول هذهِ الفترة احنه متقيدين ماكدرنا نسوي
اي شي غير ياقوت أتصلت بـ عمي ظافر..
كعدنا يم الباب كُلنا نتراجف من خوفنا عليها
ياقوت: مُـرجان الله يخليج احجي ويانه طمنينا عليج والله راح توكف كلوبنا.
كُلنا كنا نحجي ونتوسل بيها تفتحلنا الباب
او على الأقل تسمعنة صوتها حتى نطمئن بس
ما بِـدر منها اي ردة فعـــل.!!
نهضنا من الأرض ويا صوت الباب الخارجي
من أنفتحت وأديب ركض لباب الصالة يفتحها
كنا متوقعين "عمـي ظافر" بس كان
"غفـــار" ووياه لـواء ، دخـل يركض
عيونه الصايرة جَمُـــر تتلفت لكل زوايا
البيت والسؤال بعيونه سابق لسانه.!!
ثبت نظراتة عليه خايف.!! مرعوب.!!
فگة يرجـف وصوتة مبحوح يسأل بنبرة عالية
مليانة قلق ورهَبة من صوت صُراخها
غفـار: وينهااا.!! وين مُـرجانة؟. شصااار وياهااا.!!
YOU ARE READING
أغلال المرجان (غَـربيب)
Action• حقيقة.!!! يتشاءمون بالغُراب إِذا نعق ويتشاءمون من الغربيب إذا زهقّ بـكّرَ بُـكُورَ الغُـرابِ أذا تَـوهَق ماكـر وحـذر، شـرس، وسـفاحٌ جاء لِيشرق ويغرب في أفق منزل الرماح ذكي مُحتال يوهمهم نَدِيّ جسمهُ ماء بينما كان غربيب لا تُرى عليه أثر الدماء •...
