أغلال المرجان (غَـربيب)

Part 47 || عِـقاب

﷽

الكاتبة:
"سـارة الحـسن"

📌لا تنسون التصويت والتعليق بيـن الفقــــرات
📌+متابعة الحساب itsara_kh

Instagram: itsara.kh
Telegram: itsara105

•••••••••••••••••••••••••

أتظن أن الله عِـن عِقابك غافلاً؟.
وَيْـحك يـــــا أبن آدم
كُلنا مُدركين لدوران الزمان "كما تُـدينُ تُـدان
ومــــنْ ســــرّهُ زمــــنٌ ســاءتْهُ أزمـــان".

طلعت امشي بخطوات سريعة
وبوجهي لـ سيارة لـواء بس قبـل لا اوصلها
صارت كدام عيني "أرجوان"
واكفة يم لـواء وفاتحة تلفونها اله
أختفت أبتسامتي وطغت غيمة سودة على
كلبـي أعرف المصيبة الجايتني بسبب أرجوان...
تمشيت بـ خطوات بطيئة متقربة منهم
رفعت عينها عليه وأبتسمت بحقارة
أرجـوان: ما معقولة نتشاوف بعد هذهِ
الفترة الطويلة وما أرحب بيج ترحيب يليق بيج.

سحب التلفون من أيدها بحركة سريعة
لـواء: وانا هم زحمة أتعرف عليج تَعرُف ينسي بمرور الأيام.

أشرلي براسة أصعد بالسيارة وهي
تخبلت ركضت وراه تجرجر بي من ملابسة
بكل صلافة وتصرخ
أرجوان: جيب تلفوني يا همج يا مُنحط.
لـواء: لا تغرج شواربي ترة انا ناقص ويا الناقصين ،
وأنتظرونا اليوم أنتِ وعائلتج السگط الماعُرفت تضُبج.

أنـي صعدت بالسيارة ولـواء
دفعها عنه وهم صعد ، وهي صارت تضرب
بالسيارة وتصرخ على الشرطة الموجودين
بباب المدرسة حتى يساعدوها ، بـس
هو ما أهتم لشي وحرك السيارة بسرعة
مبتعد عن المَدرسة رغُم الشرطة اللـي أجو
يتراكضون علينا حتى يساعدون أرجـوان ،
أخذ نفس عميـق حتى تنتظم أنفاسة ونطق
لـواء: تعرفين أهلها؟. تندلين بيتهم لا؟.
غيـد: اندلهم.
لـواء: چـاا خوش نامي والعصر ناخذ عمج ونروحلهم.

ضلت عيني عليه ما فاهمة الموضوع
مـن أساسة ، شلون عرفت لـواء أقاربـي؟.
وشنو شوفتة بالضبط؟. معقولة عرف ماضي
غيـد وأدمانها وبقى بهذا الهـدوء؟.
أندار عليه نظرلـي نظـرة سَريعة ورجـع
يباوع لـ طريقة ، ثوانـي ووكف السيارة
راكنها بـ أحـد زوايا الشارع
لـواء: شبيج غيـدي؟.
غيـد: شصار؟.
لـواء: وحـدة دايحة شافتني من وصلتج للمدرسة
وطلعت قبلج من الأمتحان حتى تشوفني فديو
وصور قديمة الج وتكول غيـد جانت مُدمنة.