أغلال المرجان (غَـربيب)

Part 7 || تِرياق العليل

﷽

الكاتبة:
"سـارة الحـسن"

-لا تنسون التصويت والتعليق بيـن الفقــــرات
+متابعة الحساب itsara_kh

Instagram: itsara.kh
Telegram: itsara105

•••••••••••••••••••••••••

لطالما كنت الأبنة والأخت الأكبر فـي عائلتـي
سقط جسـر المصائب علـى عاقتـي
لا زلت ارقع واضمد جراح غيري حتـى نَسيت جراحـي
أغرقت ذاتـي ما بين الأوهام وكوابيس..
حتى أني لم أعـد اتذكر طريق العودة الـى واقعـي!!
َ

كيف تكون لوعة الفاگد عزيز؟!
قليل بحقها كلمة مؤلمة،
كُـل أنوع الوجع ما يوصفها
وهـيج كانت لوعة الغفـار على أعزاز روحة
النار ما شبت بين ضلوعة.!! النار شبت بعقلة.!!!
شاجورة صار يرعد كل ليلة فوك بيت الرماح
كان يقنعهم ويوهم هاي أفعال أعدائهم
بس ما فكرو أكبر عدو الهم من بعد الصار هو أبنهم
وبعد كل ليلة مُرعبة، مُخيفة، أسمعة يحجي
لـ لـواء نفس الجملة
غفـار: الروح الـ خسرها أبو الحـسن مقابيلها أرواح.

يضحك لـواء متشمت بيهم
لـواء: مـن تدخل في ما لا يعنيه
كَتـب عليه الغربيب ما لا يرضيه..

غفـار: وحگ سبـع الگنطرة لخليهم يشحدون الراحة.

لـواء: وياك للـوحة.

سحب كرسي غفـار وهو يضحك بصوت عالي
غفـار: ول يَـابا بس أنتَ كفو.

عيني على الرماح وولدة ، الحسبات هدت حيلهم
قلقتهم وعيشتهم رعب ما ينوصف،
سلمان وسلطان جابو حماية بكد شعر الراس
وما فاد ، محـد جاي يعرف منين الضرب وشلون
تنشمر العبوات الصوتية عليهم،
دخلت ورة غفـار ولـواء للغرفة وهمة كاعدين
يتناقشون بأمور بعيدة عن كل هاي الهوسة،
رفـع راسة عليه وأبتسم
غفـار: هـلا عميمة.

وضعة ما عاجبني، وهدوئة يخوفني
كيف ممكن يكون بهذا البرود واختة المذبوحة
بلقيس: شجاي يصير غفـار؟! راح تسكت على حق أختك؟!

غفـار: من أيدها هي أختارت مصيرها،
حجيت وياها وفهمتها مكتوبلها تعيش أرملة،
بس جانت قافلة حتى أرملة خضر مارادت تصير.