﷽
الكاتبة:
"سـارة الحـسن"
📌لا تنسون التصويت والتعليق بيـن الفقــــرات
📌+متابعة الحساب itsara_kh
Instagram: itsara.kh
Telegram: itsara105
•••••••••••••••••••••••••
نَهج عائلتي:
مُحرمات شنيعة تُستر
وذنب الحلال لا يُغفـر
تتعبني فكرة ما أكدر احمي أخواتي
لأن احنه بعائلة ما تتعامل غير بالسلاح.!!
التعذيب.!! الترهيب.!! التهديد.!!
عائلة عقلها محدود التفكير كلش
حمـل ياقوت كان فاجعة كبيرة
أحـس الدنيا وكفت عنـد هذه اللحظة
ترجف وتبجي وكعت بالكاع حاضنة رجلية منهارة
ياقوت: ساعديني مُرجان عليج بروح اهلي ساعديني.
طحت وياها على الأرض حاضنتها
واتوسل بيها تحجي
وهي كطعت نفسها روحها مفرفحة
خفق كلبي بقوة وكل حيلي رجف مـن كلامها
ياقوت: عرفو مُرجان عرفوني حامل راح ذبحوني.!!
ابني ابني اريدة راح يذبحوني اني وياه...
توقف عقلي وتمنيت كلبي المتوقف ومنتهي كلشي
أحاول أستوعب أو أكذب مسمعي بالداسمعة
بس كلشي كان حقيقي وهذه الحقيقة
راح تجرفنا وياها للهـــلاك
مُرجان: أحجيلي ياقوت أحجيلي.!!
شصاير؟! وحمليش؟! ومنو اللـي عرف؟!
صارت تشهگ تريد تحجي بس
ماكدرت.!! روحها تعلعلت خايفة منهم
حضنتها بقوة أريدها تهدأ
ياقوت: محد راح يرحمنة مُرجان راح يذبحونة.
مُرجان: أرحمي بحالـي وأحجيلي ياقوت فهميني.!!!
رفعت راسها تباوعلي.؛ تغص بالكلمة يلا تنطقها
ياقوت: حامل مُرجان ، اني حامل مـن بشار.؛
شكيت بنفسي هذه الفترة ورحت ويا
عمتـي بلقيس من راحت تشوف روكان بالمستشفى
سويت تحليل حمل وعرفت نفسي حامل.
مُرجان: منـو اللي عرف؟! وشلون؟!
ياقـوت: طرفة اللي عرفت ، اني تغابيت وضميت
التحاليل بغرفتي وهي منبشة بأغراضنة وشايفتهن
ما تعرف كنت متزوجة وأتهمتني بالزنا
وهددتني راح تحجي لجدي وتخلي يذبحني.
مُرجان: لا تخافين بالحلال ما غلطانة أنتِ،
بس كافي بجي خلينا نفكر بحل للمصيبة اللي ببطنج.
YOU ARE READING
أغلال المرجان (غَـربيب)
Action• حقيقة.!!! يتشاءمون بالغُراب إِذا نعق ويتشاءمون من الغربيب إذا زهقّ بـكّرَ بُـكُورَ الغُـرابِ أذا تَـوهَق ماكـر وحـذر، شـرس، وسـفاحٌ جاء لِيشرق ويغرب في أفق منزل الرماح ذكي مُحتال يوهمهم نَدِيّ جسمهُ ماء بينما كان غربيب لا تُرى عليه أثر الدماء •...
