﷽
الكاتبة:
"سـارة الحـسن"
📌لا تنسون التصويت والتعليق بيـن الفقــــرات
📌+متابعة الحساب itsara_kh
Instagram: itsara.kh
Telegram: itsara105
•••••••••••••••••••••••••
ْ
ْ
خُلقت تِرياق لمن كُتب عليه أن يُعاق.!!
...
أحـداث غيـر مُتوقعة والأصـح غريبة.!!
وفوك غرابتها توقيتها الغلط.!!
خطوبة ومشية كبيرة بعـد أسبـوع مـن
وفاة فاطمة.!! وحتى قبـل لا تندفن جثتها
ما مـن المعقول يكون قلبهم قاسـي
لهذهِ الدرجة وهي عاشت وياهم سنين.!!
طلع لـواء للمضيف رايح يفتهم الموضوع
وغفـار هم تحرك يريد يطلع عليهم مـن باب
المطبخ، انفتحت الباب ودخـل حارث ابتسم
مـن شاف غفـار وصاح
حارث: الغالي ابن الغالي حفيد الـ مو غالي.
غفـار: اطلع بالمفيد شعندك؟!
لعب كلبي مـن كشخة حارث الغير مُعتادة،
عـدل ياخة القميص ووكف كدام الغفـار بشموخ
حارث: گرابتنة انا وياك "ولد العم" ما جاي
تكفيني انا رايـد أصيــــــر عديلك.!!
جايك اليوم وجايبلك عشيرتي حتى نطلب
أيـد بنت عمك "غيـد" على سنة الله ورسـولة.
بحلقت عيـوني بصدمة مـن كلامة.!!
وهـو مثبت نظراتة على غفـار ينتظر جوابة،
دخـل لـواء شايل دبة بانزين وروكان وراه
الجگارة بحلكه ورثها وانتچى على الباب
لـواء: غفـار انا ودبة البانزين وجداحة روكان
أم الألـف بالخدمة شتآمـر؟!
روكان: جداحتي أم الألف ونص يمعود.
لـواء: بعد احسن تجدح جدح.
حسيت عقلي راح يوكف مـن الموقف.!!
هـذا حارث صديقهم وشريك أفعالهم بلحظه باعو.!!
غفـار باوع على الولـد ورجع نظراتة على حارث
غفـار: وجايب عمامك العفطية حتى تضغط عليه بيهم يعني؟!
حارث: أبـو فيصل وياهم ها.!!
غفـار: أخذهم وأرجع منين ما أجيت.
حارث: لا تسويها بدون ملح أبـو الحـسن.!!
غفـار: ول يَـابا انا كلت لا لو ما كلت؟!
تعرفني أكبـر شارب أسحگة بالقندرة وما يهمني
أحـد من جدك وهي نازلة ، فارگ تاج راسي فارگ.
طلع باكيت جگاير مـن جيبة سحب جگارة
ورثها وزفر دخانها متنرفز
حارث: خلينا نسمع رأيها يمكن هـي قابلة.
غفـار: انا هذه الأساليب الحديثة ما عنـدي،
ولو غيـد تمرغل روحها بالطين عليك هم ما
ازوجها ، انهيها بالطيب ولا تكبرها.
YOU ARE READING
أغلال المرجان (غَـربيب)
Action• حقيقة.!!! يتشاءمون بالغُراب إِذا نعق ويتشاءمون من الغربيب إذا زهقّ بـكّرَ بُـكُورَ الغُـرابِ أذا تَـوهَق ماكـر وحـذر، شـرس، وسـفاحٌ جاء لِيشرق ويغرب في أفق منزل الرماح ذكي مُحتال يوهمهم نَدِيّ جسمهُ ماء بينما كان غربيب لا تُرى عليه أثر الدماء •...
