أغلال المرجان (غَـربيب)

Part 45 || ضَحية ثأر

﷽

الكاتبة:
"سـارة الحـسن"

📌لا تنسون التصويت والتعليق بيـن الفقــــرات
📌+متابعة الحساب itsara_kh

Instagram: itsara.kh
Telegram: itsara105

•••••••••••••••••••••••••

لم يكُن مُجرد رجُلاً
كان شَـهباً زاد فضائِـي جمالا
كَــــــــــانَ.!!!

أعظم شعور ممكن تعيشة هو "الأمــــان"
كيف لو كان ممزوج بشعور الحُب والحنية؟.
أبتسمت "السعادة طاغيـــة علـى كلبي"
حركت أبهامي بحذر على رمِش عينهَ
رخت ملامح وجهه وأبتسم بدون لا يفتح عيونه
غفـار: هنيال رمشي بـ لمسة أيدج.

حضنت راسة أبعثر بشعرة وأضحك
مُـرجان: وهسه صرت هنيالك كُلك.
غفـار: هنيالي وحدة؟. لا والله قليل.!!
هنيالي للمرات اللـي لا تُعد ولا تُحصى.

بُقيت مبتَسمة وهو غرگني بكَلام الغزل
كُل كِلمة ينطقها تاخذ زاوية بكلبي وتستوطنة
رفـع راسة يباوعلـي بنظرات تنعش كلبي
غفـار: يَـا شروقـي الـ مابعدك غـروب.

بست عيونة وأكتفيت بالسكُوت
عاجِزة أرد على هيـج كَلام حلــو...
رفـع نفسة معدل نومتة وأخذنـي لحضنة
غُفيت مُطمئنة وأحس عليه يبوس عيوني ويهمس
غفـار: أــخخ لو أكدر أتوبٍ من بوسة العين.

دفنت نفسي بـ جَنتة فاصلة عن العالم
وأمنية كلبي كـــــانَت
ساعات الليلة هذهِ ما تخلص...
بَــس الكوابيس نغزتني نومتــي
كنت كاعـدة بـ مكان ملئ بـ الناس
وكُلها كانت حُـره إلا انـي كنت مقيدة
بـ أغـلال حديد كبيــرة ، أعـرف انـي
بـ حلم بس ما أكدر أكعد ولا أنطق شي
والأغـلال صارت تنطوي على جسـدي
تأذيني ، صرت ألوب وأصـرخ على الناس
الموجودين بـ حلمي يساعدونـي
بـس محد أهتـم لـ أمـري ،
صارت عيني على غفـار واكف
كدامـي بس عيونه ما تباوعلي.!!
صرخت بـ أسمة أريد عيونه تشوفني
بـس هو أستمر ينظر لـ شي كان وراية
أنداريت مـن شوغة روحي ووجـع
جسدي بسبب هذهِ الأغلال
وكان شخص نسخة غفـار.!!
وعقلي فسر هذا الخليل توأم غفـار.!!
الشخصين واحـد يباوع للثانـي واني
بوسطهم فرفحت روحي اباوع للجهتين
ما أعرف منو غفـار بس لساني
ما بطل يلهج بـ أسمة ،
واحـد منهم صار يتقرب أتجاهي
والثاني ثابت بـ مكانة ،
مـن كُثر الناس الموجودة بـ المُحيط
ما يكدر يكمل طريقة إلا يدوسني ويُعبر
وقبـل لا يسويها درت راسي على
الشخص الثاني مـن نطق
الخليل: هذا حَـدك غفـار.