﷽
الكاتبة:
"سـارة الحـسن"
📌لا تنسون التصويت والتعليق بيـن الفقــــرات
📌+متابعة الحساب itsara_kh
Instagram: itsara.kh
Telegram: itsara105
•••••••••••••••••••••••••
”محـراب القلب“
أكرَم وأرفع مَوضع في القلب
مكان مُقدس لا يدخلهُ إلا من يشبه تفاصيل روحك
بقيت واكفة كدامة وغمضت عيوني بقوة
من صار صوت سلمان بالصالة وهو يصيح بغضب
سلطان: حـق لـؤي يرجع بعذاب أديب،
ماتبرد ناري ولا يهدأ بالي إلا تضوگ لوعتي على أبني.
وكف شعر راسـي مستحيل أخليهم يمسون شعرة
وحدة مـن أديب ركضت أريد اطلع،
ولزمني غفـار مـن أيدي مستوقفني، رجعني
خطوة ورفع راسة عليه يطمني
غفـار: اللي انطاج وعـد يحميج ما راح يفتحلج
ملجأ مُرجانة، راح يضمج بمحراب كلبة.
شهگت بقوة وبجيت بصوت عالي؛
فكرة أديب يتأذة دمرتني ووكعتني بنار الحيرة
مُرجان: خليهم يأذوني بس لا يأذون أخواني.
غفـار: حسابهم صار جبير بسبة دموعج
لا تبجين مُرجانة لا تبجين أرحميهم.!!!
كيف ممكن يوكفن دموعي واني بأصعب إيام حياتي؟!
ومـن أصعب الأمتحانات والبلاءات اللي ممكن تمر عليه.!!
المطلوب مني أواجها بكل صلابة وما أنكسر
بس معروف مصير العود اليابس تاليته الكسر.!!
مُرجان: أحميهم غفـار بروح الخليل.
رغم عـدم معرفتي ”للخليل منو“ بس واضح عزيز
عليه لأن دائماً اسمعة يحلف بروحة...
هز راسة بأيجابية وتحول مـن كرسي الصلاة
على الكرسي المتحرك ودفع نفسة طالع للصالة؛
لـواء واكف كدام غرفتنة اللي بيها البنات وأديب ومقفولة
وسلطان كدامة بقمة غضبة متعارك وياه
يريده يبتعد عـن طريقة حتى ياخـذ أديب
سلطان: وخـر لـواء لا أفلش وجهك.
لـواء: ربك تعب وهو يخلق هذا الوجه الحلو عمي.!!
والله زحمة تخربة بهـذهِ السهولة.!!
سلطان: اكلك وخر عن طريقي حيوان.!!
صار يصيح بعصبية ولـواء رفع أيدة
شايل سلاحة ويحرك بي كدام وجه عمة بأريحية
لـواء: على جثتي عمي اذبحني وأخـذ أديب براحتك.
راد يحجي وصاح غفـار عليه بصوت عالي
غفـار: شني هي ولية؟! عجزت تتعامل ويا الكبار
رجعت على الجهال؟! هي هذه شجاعتك؟! والله وسفة.
YOU ARE READING
أغلال المرجان (غَـربيب)
Action• حقيقة.!!! يتشاءمون بالغُراب إِذا نعق ويتشاءمون من الغربيب إذا زهقّ بـكّرَ بُـكُورَ الغُـرابِ أذا تَـوهَق ماكـر وحـذر، شـرس، وسـفاحٌ جاء لِيشرق ويغرب في أفق منزل الرماح ذكي مُحتال يوهمهم نَدِيّ جسمهُ ماء بينما كان غربيب لا تُرى عليه أثر الدماء •...
