﷽
الكاتبة:
"سـارة الحـسن"📌لا تنسون التصويت والتعليق بيـن الفقــــرات
📌+متابعة الحساب itsara_khInstagram: itsara.kh
Telegram: itsara105•••••••••••••••••••••••••
َ
َمُدركين أن حـق الله وعـد
والوعـد فاجعة لقلوبنا
عندما يكون بلا وداع ولا موعد...
رن بأذني صوت صرخات غيـد الخايفة،
نهضت مـن مكاني وطلعت أركض بأتجاه صوتها
جاي مـن البستان قريب مـن غرفة نـوح،
شهگت بقوة مـن شفت "سهم من قوس غيـد"
نابت بصدر فاطمة وحارث مخليها بين أديه
تحسس نبضها ورفع راسه على غيـد صرخ بوجها
حارث: لا آله إلا الله، ولِـج ماتت الحرمة....جمدت بمكاني وعيني تشخصت على فاطمة،
معقولة ماتت بسبب غيـد؟!
باوعت لـ غيـد كعدت يم راس فاطمة منهارة
غيـد: ما أدري بيها والله ما أدري،
سـوي شي حارث لا تخليها تموت الله يخليك.ترك فاطمة ونهض على حيلة متخبل
يباوع لفاطمة يستوعب هـي ماتت بسهم
غيـد ويرفع عينها على فص كبـدي المفرفحة
ضرب على راسة بقوة وصاح بيها
حارث: ولج شسويلها؟! اقرأ على راسها؟!
الحرمة ماتت بسهمج يَـا طرگاعة السودة الوكعت على راسنة.لزمت الشجرة القريبة منـي وحسيت
قوتي بادت فقدت كل ذرة حيـــل بيـه.!!!
صار صوت ركضة قوية وراية ثواني وأتعداني
الفضل يركض ما يعرف شنو السالفة مـن شاف
فاطمة جثة مشمورة على الأرض والسهم نابت
بصدرها عقلة طار كعـد يمها ينفض بيها،
حارث يصيح ماتت والفضل صار يبجي ويتوسل بيها
الفضل: بداعة نـوح خالة اكعـدي وين يروح
وراج والله يتخبل والله ما يعيش خالة.!!!لزمتة غيـد من أيدة تريد تكومة
غيـد: الفضل كوم ناخذها للمستشفى حباب،
يمكن بعدها عايشة عليك الله كوم لا نتأخر عليها.أنـدار عليها الفضل وصفن بوجها،
بقى عين على السهم وعين على القوس
الفضل: أنتِ ضربتيها؟!غيـد: ما أدري وروح أهلي ما أدري،
لا تخليها تموت والله ما أدري بيها هنا.بقـى مضروب على راسة ما يعرف شيحجي
تقدمت بخطوات بطيئة وأحـس راح اوكع ماكدر
اوصلها، كعـدت يمها وسحبتها لحضني وهي تهسترت
تدفع بيه وتتوسل بـ حارث والفضل ياخذوها
للمستشفى تتأملها بعدها عايشة،
لحظات مثل الحلم، ألتمو الكل على صوت غيـد
عمتـي بلقيس أول ما شافتها كعدت يمها دك وتلطم،
غفـار بطرف البستان ما يكدر يدخل
ويصيح على حارث ياخذها للمستشفى
بـس حارث كان متأكد منها ميتة
حارث: ميتة أبـو الحـسن لا نبض ولا نفس.
YOU ARE READING
أغلال المرجان (غَـربيب)
Action• حقيقة.!!! يتشاءمون بالغُراب إِذا نعق ويتشاءمون من الغربيب إذا زهقّ بـكّرَ بُـكُورَ الغُـرابِ أذا تَـوهَق ماكـر وحـذر، شـرس، وسـفاحٌ جاء لِيشرق ويغرب في أفق منزل الرماح ذكي مُحتال يوهمهم نَدِيّ جسمهُ ماء بينما كان غربيب لا تُرى عليه أثر الدماء •...