أغلال المرجان (غَـربيب)

Part 26 || خِـداع

﷽

الكاتبة:
"سـارة الحـسن"

📌لا تنسون التصويت والتعليق بيـن الفقــــرات
📌+متابعة الحساب itsara_kh

Instagram: itsara.kh
Telegram: itsara105

•••••••••••••••••••••••••
...

-سألت ذات مرة امرأة عراقية:
أيُعقل أن تُخلق عواصف من نسمات هادئة؟!
-أجابتني بنبرة عراقية مُتفاخرة:
مرجف كلوبهم بنظرة عيونه شتتوقع لو نطق؟!
...

دخـول حارث وكلامة كان غريب
وهـدوء غفـار كان واضح وراه خطة وبالأصح
مصيبة.!! هـذهِ طريقتة يخلق عواصف مـن الهدوء.!!
كلبي انعصر واحـس روحـي فرفحت اكيد ياقوت،
صوت خطواتها احسه يشخط كلبي
بـس الصدمة الصارت مـن دخلن ياقوت وغفـران
لازمات ادين بعض بقوة ويمشن سـوة
حارث: بناتكم جانن بـ أمانة أبـو الحوارث،
ونريد طرفة بنت الراهب الجانت بـ أمانتكم.

شهگت عمتـي بلقيس فرحانة
وركضت على غفـران تحير شلون تحضنها
ومنين تبوسها وشتسألها.!!
صار هـدوء الرماح وولده صافنين
والغفـار وحارث منتظرين كلامهم،
ضحكت غيـد بصوت عالي وصفكت أديها
غيـد: مشاوي صيصان بتتبيلة الخــوف.

أنـدار عليها حارث يضحك
حارث: لو هيـج الشماتة لو ماتنراد.

ضِحكت ضحكة اقوى وركضت على ياقوت
احـس نفسي انشليت مـن جهة فرحانة
ومـن جهة ثانية خايفة شراح يصير؟!!
ياقوت عينها عليها تريدني اروحلها
رجف فگـي أريـد أبجـي بـس أستحسفت
دموعـي تنـزل كـدام الرماح وولده.!!
تقـدمت عليها لميتها بحضني هـي وغيـد
مُرجان: فصوص كبـدي رجعو لحضني.

ياقوت دفنت نفسها بحضني وتهمس
ياقوت: ضميني مُرجان ، أحميني منهم.

تهيج مواجيع روحـي بكلامها
ما تدري لو بيـدي أضمها بنص كلبـي.!!
سحبت أديها بوستهن وباوعت لـ غيـد
مُرجان: روحن للغرفة خلي ياقوت ترتاح.

هزت راسها والضحكة مرسومة على وجها
فرحان وأول مرة أشوف فرحتها مـن بعد هذهِ
المصايب والمشاكل، حضنت ياقوت مشتها وياها
ودخلن للغرفة وعمتـي أخـذت غفـران وبثينة
وراحــن لغرفتهن، أنـداريت على غفـار
أشرلي بأيـدة اوكـف يمة، صرت وراه وأيدي
علـى كتفه حاضنها بكف أيـده الكبير
غفـار: ما سمعت صوتكم؟! أنجبستو مـن الهبطة شني؟!

فرگ وجهة سلمان بنرفزة
سلمان: مهزلة هاي.!! والله مهزلة.

صارت عيني على الرماح مـن كعـد
أيدة ترجـف وعيونه متشخصة على غفـار
الرماح: شجاي يصير؟! احجي.!!!