﷽
الكاتبة:
"سـارة الحـسن"
📌لا تنسون التصويت والتعليق بيـن الفقــــرات
📌+متابعة الحساب @itsara_kh
Instagram: itsara.kh
Telegram: itsara105
•••••••••••••••••••••••••
كانت لحظات صادمة بالنسبة للُكل ..
شنو ممكن صار حتى مُـرجان قررت
هيج قرار وهـي بعيدة؟.
باوع غفـار للورقة بنظرات الكُل كدر
يشوف الأنكسار والخذلان بيها ..
قرأ الدعوة أكثر مِـن مَـرة وبدون تردد
شك الورقة لقطع صغار تناثرت على الأرض ..
تركزت نظراته على عمي وتجسد حِـزن الكون
كُله بعيونه ، ممزوج بغضب واضح بنبرة صوتة
غفـار: ما ينخَط بظهر جنسيتها غيـر "أرملة غفـار".
صار مَقابيلة عمي رافض أصرار غفـار
ظافر: ما يحقلك ترفض قرارها ، أخذت فترة كافية للراحة وقرارها هذا أكيد كان بعد تفكير عميق ، ولا تنسى لو راحتها وياك ما أبتعدت وطلبت الطلاق.
غفـار: روحتها ما تعني هي ما ترتاح يمي ، لو كلامك صح جان ضلت وأرتاحت يمكم.
صارت مُشاحنات بين غفـار وعمي اللي
كان مأيد قرار مُـرجان ، أما غفـار كان رافض
القرار رَفُض قَطعي وحتى ما متقبلة ..
أتسحبت من يمهم للغُرفة طلعت الرسالة اللـي
تركتها مُـرجان لـ غفـار وطلعت عليهم
ويا خطوات غفـار اللـي خاطيها نحو الباب
بغضب يريد يطلع ، ركضت وراه
للباب الخارجي ما توقف إلا مِـن جبت طاري
الرسالة ، أندار عليه عيونه جَمُـر من
القهر ، تنقلت نظراتة بين أديه وأستقرت
على الرسالة ، تقدم سحبها مني بسرعة
وفتحها بخبصة وأديـن مستحلتها الرجفـةَ ..
ما كدرت ألمح شي من الرسالة غير الأسطر
القليلة اللـي كانت كافية تهَـدم غفـار ..
رُفَـع عينه عليه ينظرلي بنظرات الخيبة
غفـار: للمَـرة الثانية غيـد للمَـرة الثانية أخسر أختج بسببج.
YOU ARE READING
أغلال المرجان (غَـربيب)
Action• حقيقة.!!! يتشاءمون بالغُراب إِذا نعق ويتشاءمون من الغربيب إذا زهقّ بـكّرَ بُـكُورَ الغُـرابِ أذا تَـوهَق ماكـر وحـذر، شـرس، وسـفاحٌ جاء لِيشرق ويغرب في أفق منزل الرماح ذكي مُحتال يوهمهم نَدِيّ جسمهُ ماء بينما كان غربيب لا تُرى عليه أثر الدماء •...
