﷽
الكاتبة:
"سـارة الحـسن"
📌لا تنسون التصويت والتعليق بيـن الفقــــرات
📌+متابعة الحساب itsara_kh
Instagram: itsara.kh
Telegram: itsara105
•••••••••••••••••••••••••
فتحت عيوني على وسعها وركضت
عليه ، مرجانة كانت يم راس خضـــر اللـي
متهشم وواضح ميت ، تقدم لـواء مصدوم
كعـد يمة يكذب نفسه ويتأملة عايش
تحسس نبض أيـدة ورقبتة بس فعلاً كان ميت
هـزت راسها مُرجان ترجف وهمست بغصة
مُرجان: ساعدني لـواء ما ادري والله ما ادري....
لـواء مصدوم مرة يباوع لـ خضر مرة
علـى مُرجان ، تقربت عليها أرجـف اريد اكومها
وهـي تهسترت عينها على لـواء
مُرجان: ما أدري لـواء والله ما أدري
لا تخلــي يمـوت بـ روح أمـــك.!!
إلتمـو كُـل الموجودين بالبيت على صوت
عياط طـرفة ، كاعـدة يم الباب تملخ بنفسها
كلها بقت مصدومة ومخبوصة كيـف خضـر مات؟!
وكيف مُرجان اللـي قتلتة؟!
صـاح عليه غفـار اطلعها مـن الغرفـة
والبقية إلتهـو بخضر شالـو وطلعو بس كان ميت.!!
ما بقـى يمنة غيـر غفـار ولـواء
نـزل غفـار بالكاع يم مُرجان كوة لازمها
ملخت نفسها أول مـرة أشوفها بهذهِ الحالة
طبگ ظهرها على صدرة مقيد أيدها
غفـار: لا تسوين هيـج يَـابا أسمعيني احاجيج.
مُرجان: ما أدري غفـار هو مات والله هو مات.
غفـار: هو مات معناها هو مات هاهي بس اهدي.
بقـى حاضنها هيـج ويحجي وياها
لما هدأت ودار وجها عليه يسأل شصار
صفنت عليه لـ ثوانـي وضعها غريب
مُرجان: ما أتذكر شـي غفـار ، حتى ما أتذكر
انـي ليش أجيت لـ غرفتة وروح أهلـي.
حـوراء: خوش فلم والله ذبحتة وتكول ما أتذكر.
رفـع عينه غفـار يباوعلها بغضب
غفـار: عاجبج أهينـج؟!
رادت تحجـي وندستها أمها تسكت بيها،
أخـذ نظرة سريعة على امها والبنات ونتر بيهن
غفـار: كلمن لغرفتة شكو مكابلاتني.!!!
بـدون كلام كلها انسحبت لغرفها لأن
يعرفـن بـي عصبي وما نتوقع شممكن يسوي،
بقينة انـي وياقوت ولـواء واكفين يمهم ،
رجـع يكمل كلامة ويا مُرجان
غفـار: مُرجانة احجيلي اليوم مـن الصبح شسويتي؟!
بقت تحجيلة وترجف وأخـر شـي تتذكرة
مـن طلعنة من يمها حتى نسوي أكـل
مُرجان: هنه طلعن وانـي خليت راسي
على المخدة كلت أرتاح لما يرجعن وغفيت
وراها ما أتذكر شي غير اني يم جثة
خضر وطرفة تصرخ مات.!!
YOU ARE READING
أغلال المرجان (غَـربيب)
Action• حقيقة.!!! يتشاءمون بالغُراب إِذا نعق ويتشاءمون من الغربيب إذا زهقّ بـكّرَ بُـكُورَ الغُـرابِ أذا تَـوهَق ماكـر وحـذر، شـرس، وسـفاحٌ جاء لِيشرق ويغرب في أفق منزل الرماح ذكي مُحتال يوهمهم نَدِيّ جسمهُ ماء بينما كان غربيب لا تُرى عليه أثر الدماء •...
