﷽
الكاتبة:
"سـارة الحـسن"
📌لا تنسون التصويت والتعليق بيـن الفقــــرات
📌+متابعة الحساب itsara_kh
Instagram: itsara.kh
Telegram: itsara105
•••••••••••••••••••••••••
شهگت خايفة ونطقت المصيبة
اللـي محد محسبلها حساب
بثينة: لـؤي هددني يذبحة مثل ما
قتــل أمي وخضــــر.
بحلقت عيونــي مصدومة
وغفـار صدمتة مو أقـل منـي ، بـس
ما ركز على موت خضر بكد ما ركز على
موتت أم بثينة ”عمتة روحاء“
غفـار: لـؤي قتل أمـج؟! شجاي تحجين أنتِ.!!!
هزت راسها بهسترية وكل طولها يرجف
بثينة: انا شفتة وروح أمـي هو اللـي خنگها
وماكدرت اساعدها وشافني شافني يمها
وهـددني إذا حجيت راح يذبح روكان ويذبحني وراه.
صار جسمها يختض بقوة
أشرلــي غفـار بعيونها احضنها ،
وهـو طلع مـن الغرفة بسـرعة ،
كعدت بجانبها حضنتها وهـي أنهارت
بثينة: ضيعت حقت أمـي لـ خاطر روكان ،
مجبـورة والله مجبـورة مـن خوفي على اخوية.
رجـع غفـار بـ أيدة كلاص ماي
انطاهيا وكعـد كدامـها عيونه بكصتة
غفـار: اشش عوفــي البجي هسه ، اشربي ماي
واحجيلي شصار بـ التفصيل فهميني.
اخذت الماي منه ترجف
ونصه وكع على ملابسها ، شربت
شوية منه وتحاول تستجمع قوتها حتى
تكدر تحجي الصار لـ غفـار
بثينة: شـوف مرة رجعت مـن المدرسة
ماخـذة درجة قليلة دخلت للغرفة على
كيفي خايفة مـن روكان يشوف ورقتـــي
لأن يزعـل لو شاف درجتـي ، بس ما جان
موجود يم أمـي غيـر طرفــة
كانت تبجي وهل كم حجاية بقن بـ عقلي
طرفـة: روحاء انا انظلمت وتدمرت حياتي
ليش تردين تدمرينها أكثــر؟.
ما فهمت على شنــو وهـي من شافتني
هـم سكتت ما حجت شـي ، بس
أمـي ما أهتمت لوجودي وجاوبتها
روحاء: حذرتج هواية قبـل ليش ما توبين؟!.
طرفـة: هذهِ أخـر مرة وداعة ابنــي.
أمـي هزت راسها بأيجابية وطرفـة طلعت
مـن يمها بسرعة ، تمشيت لـ يم أمـي كعدت
بجانبها على السرير مستغربة
بثينة: شتريد خالة طرفة؟!.
روحاء: ما تريد شي واحجيلي شصار وياج؟!
YOU ARE READING
أغلال المرجان (غَـربيب)
Action• حقيقة.!!! يتشاءمون بالغُراب إِذا نعق ويتشاءمون من الغربيب إذا زهقّ بـكّرَ بُـكُورَ الغُـرابِ أذا تَـوهَق ماكـر وحـذر، شـرس، وسـفاحٌ جاء لِيشرق ويغرب في أفق منزل الرماح ذكي مُحتال يوهمهم نَدِيّ جسمهُ ماء بينما كان غربيب لا تُرى عليه أثر الدماء •...
