စကားပြောနေကြရင်း အနောက်တစ်ဝိုင်းကျော်မှ ရင်းနှီးသော ချောင်းဟန့်သံတစ်ခုကြောင့် ဓူဝံ လှည့်ကြည့်မိသည်။ အဒေါ်ကြီးတစ်ယောက်နှင့်ဦးကြီးတစ်ယောက်ကိုမသဲမကွဲမြင်ရ၏။
ထင်ယောင်ထင်မှားဖြစ်မှာပါ တွေးကာ ရှင်းမြတ်ရဲ့စကားမှာသာအာရုံစိုက်လိုက်သည်။"သူ့အမေ ဘယ်လိုဆုံးတာလဲ ညီလေးသိလား.."
"ဟင့်အင်း ကိုရှင်းမြတ်.. သူ့မေမေက ကျွန်တော်နဲ့သူမတွေ့ခင်ကတည်းကဆုံးတာမလား.."
"ဟုတ်တယ် အတော်ကြာပြီ.. ခေတ်ရှိုင်းက အမေကိုအရမ်းချစ်တဲ့အမေချစ်သားတစ်ယောက်ဖြစ်ခဲ့တာ.. သူ့အမေကိုမကောင်းပြောတာပါမကြိုက်.. သူ့အမေနဲ့ငြိလာခဲ့ရင် အဖေကိုပါပြန်အာခံတဲ့ကောင်.."
ဘာစကားမှမပြောပဲ အာရုံနှစ်ထားတဲ့ ဓူဝံလေးမှာ ကလေးလေးတစ်ယောက်လိုပင်။ ရှင်းမြတ်ဆီက ထွက်လာသမျှစကားလုံးတွေကိုဖမ်းယူမှတ်သားနေသည်။ သူတကယ်ကို ကိုကို့ဆီကပြန်အချစ်ခံချင်၏။
" တစ်နေ့.. ဦးသက်ထွန်း အလုပ်သွားနေတုန်း.. ခြံစောင့်ဦးလေးကြီးက ဒေါ်မေသီကို ဆေးခတ်ခဲ့တယ်လို့ပြောတယ်.."
"ဟင်..."
အံအားသင့်သွားတဲ့ ဓူဝံလေးကနားလေးစွင့်လျှက်ဘာဆက်ဖြစ်မယ်ကိုသာမျှော်နေသည်။
"ဟုတ်တယ် .. အဲ့လူကြီးက အရမ်းဆင်းရဲတယ် .. သူ့ရဲ့သားတက္ကသိုလ်ထားနိုင်ဖို့အတွက် သူပိုက်ဆံအရမ်းလိုနေတော့ လုပ်မိတာလို့ ၀င်ခံတယ်.. အဲ့လူကြီးက ဒေါ်မေသီကို ဆေးခတ်ပြီး တစ်အိမ်လုံးကိုပိုက်ဆံလိုက်ရှာတယ်.. ပိုက်ဆံလဲမတွေ့ရော.. ဒေါ်မေသီရဲ့ မဟုတ်ကဟုတ်ကပုံတွေပေါ့ကွာ အဲ့လူကြီးကပါရောရိုက်ထားတယ်လို့ပြောတယ်.. အဲ့တာတွေကို သူ့ဖုန်းအစုတ်လေးနဲ့ရိုက်တယ်.. ပြဿနာက အဲ့ကစတာပဲ.."
"ကိုကိုကရော..ကိုကိုဘယ်မှာလဲ.."
" မင်းရဲ့ ကိုကိုက အဲ့နေ့ကကျောင်းမသွားချင်လို့ ဂျီကျခဲ့တယ်တဲ့..ဒါမဲ့ ဦးသက်ထွန်းက စာမေးပွဲနီးပြီမို့ရိုက်တောင်လွှတ်လိုက်သေးတာ.."
"......"
ပြန်တိတ်ဆိတ်သွား ပြီး မျက်နှာပျက်သွားသော ဓူဝံလေးကို ကြည့်လျှက် ရှင်းပြနေတဲ့ ရှင်းမြတ်ကို မင်းထက်ကမေးငေါ့ပြသည်။
![](https://img.wattpad.com/cover/359431232-288-k330007.jpg)
YOU ARE READING
My Husband Calls Me Poor
Romanceစံပယ်ပန်းလေးတွေရဲ့အဓိပ္ပာယ်က "မင်းကိုချစ်တယ် ဒါပေမဲ့ ငါ့မာနကိုပိုချစ်တယ်"တဲ့လေ စောဓူဝံဆိုတဲ့ ကျွန်တော်ကတော့ ကိုကို့အပြုံးအောက်မှာ မာနဆိုတဲ့အရာတွေချိုးနှိမ်ထားဆဲပါကိုကို။ ပထမဦးစွာ ဒီ fiction လေး က မည်သူတစ်ဦးတစ်ယောက်ကိုမှရည်ညွှန်းထားခြင်းမဟုတ်ကြေ...