Only One Limited Edition (Completed )

Chapter 5

Unicode

သူရိန်နေမင်းကြီးက တစ်နေ့တာအတွက် တာဝန်
ဝတ္တရားများကို ထမ်းဆောင်ပြီး အနောက်ဂေါယာကျွန်းသို့ ပြန်လည်ဝင်ရောက်သွားလေပြီ...သို့သော်ပတ်ဝန်းကျင်တစ်ခုလုံး အမှောင်ကင်း၍ ထူးခြားစွာဝင်းပကြည်လင်လျက် ရှိချေသည်....အမှတ်မထင်ကောင်းကင်းသို့ မော့ကြည့်မိသည်...သော်တာလမင်းကြီးသည် ရူမငြီးဖွယ်ညပန်းချီကို ခြယ်မှုန်းလျက်ရှိသည်....
လရောင်ခြည်ဖြာဖြာ အောက်တွင် ခခတို့၏ အဖြူရောင် နှစ်ထပ်တိုက်ကလေးဘေးရှိ ဆိတ်ဖလူးပင်ကြီးက တယိမ်းယိမ်း တနွဲ့နွဲ့ရှိနေသည်... ခြံရှေ့ရှိညမွှေးပန်းရနံ့ ကလည်း သင်းပျံပျံရှိနေလေသည်...
ခခညနေ ရေချိုးပြီးကတည်းက စာကြည့်စားပွဲထိုင်နေခြင်း ဖြစ်သည်....ခခ အခန်းသည် အပေါ်ထပ်ရှိညာဘက်တွင်ရှိပြီး ဆိတ်ဖလူးပင်ကြီးကို ကောင်းစွာ မြင်ရသော အခန်းဖြစ်သည်...ထို့ပြင် စာကြည့်စားပွဲ တစ်နေရာစာ ဝရံတာ ထုတ်ထားသည့်အတွက် အလင်းရောင်ကို ကောင်းစွာ ရပြီ လေဝင်လေထွက် ကောင်းလေသည်...စာထဲတွင် အာရုံစိုက်နေမိသောကြောင့် ညစာစားဖို့ပင်သတိမရမိပေ
...အချိန်ကို ကြည့်လိုက်တော့ ည 7:32ပင်....
အာ....ဒီနေ့ သောကြာနေ့ကို...အဲဒါကြောင့် မေမေ
က ခခကို လာမခေါ်သေးခြင်း ဖြစ်လိမ့်မည်...ခခတို့အိမ်တွင် မနက်စာနှင့်ညစာကို လူစုံမှ စားလေ့ရှိသည်...ကိုကြီးနှင့်ဖေဖေက ကုမ္ပဏီမှာ သောကြာနေ့တိုင်း over time ရှိသည်လေ...အလုပ်သမားတွေလည်း ရှိပေမဲ့ ဖေဖေက စည်းစနစ်ကြီးပြီး ရေသာမခို တတ်သူမို့ over time နေ့ကို အပတ်တိုင်းဆင်းလေသည်...ကိုလတ်ကတော့ပြန်ရောက်နေလောက်ပြီး သူ့အခန်းထဲတွင် ဖြစ်လောက်သည်....
အိမ်ကမိသားစုစီးပွားရေး ဆေးဝါးလုပ်ငန်းကို ကို
ကြီးက ဝင်ကူသည်မို့ ကိုလတ်က သူဝါသနာပါရာ
electronic ကိုပြည်ပမှာသင်ယူပြီး ပြန်လာက
တည်းက လုပ်ငန်းတည်ထောင်နေလေပြီ...

~In the dark of night ~
~the stars light up sky~
~ we see~
ဖုန်းခေါ်သံကြားမှ ဖုန်းကအခန်းထဲကျန်ခဲ့မှန်း သတိရမိသည်...ခေါ်ဆိုသူက အလင်းပင်...
" ဟယ်လို..အလင်း..."
" ခခ ..ခရီးသွားဖို့ အိမ်ကိုပြောပြီးပြီလား.. "
" ဟင့်အင်း..ခုညမှပြောမှာ..."
" ငါတို့တွေ ကျောင်းကားနဲ့မသွားဘဲ ကိုရာဇာကားနဲ့လိုက်ရအောင်...ကိုယံက သူတို့နဲ့လိုက်ခဲ့ဖို့ပြောတယ်.."
" အလင်းက လိုက်မယ်လို့ပြောပြီးပြီလား ..."
" အင်းလေ...ကျောင်းကားက လူတွေတအားများမှာ...ခခလေးက လူများတာ သဘောမကျဘူးမလား..."
" အင်းပါ...လိုက်မယ်...ဒါနဲ့ဟို..သူရောပါလား..."
" အမ်...ဘယ်သူလဲ..."
" အလင်းရာ...သိရဲ့သားနဲ့.."
" ပါပါတယ်နော်...သူ့လူကျ အတင်းတွေမေးနေ
တယ်...ကိုယ့် သူငယ်ချင်းတွေဘယ်သူပါလဲမမေးဘူးနော်..ဟွန်းဟွန်း...."
" အလင်းမ နော်..မစနဲ့... အဲဒါပဲမလား..ဖုန်းချပြီ..."