Only One Limited Edition (Completed )

Chapter 14

Unicode

ဝုန်း!!!
အာဏာအိမ်တော်ဒုဥက္ကဋ္ဌ၏ ဇနီး သရဖူနွယ်၏
သောင်းကျန်းနေခြင်း ဖြစ်သည်...အိမ်​တော်၏ ပဲ့
ကိုင်ရှင် ဦးဘုန်းအာဏာ တို့ ဇနီးမောင်နှံ အလုပ်
ခရီးသွားကာ မရှိသည့်အတွက် ယခုလို ပေါ်ပေါ်
ထင်ထင် သောင်းကျန်းနေခြင်း ဖြစ်သည်...အိမ်တွင်ရှိသူများက သူ့အားမလွန်ဆန်ရဲသည့်သူများ ဖြစ်ပေသည်...
သရဖူနွယ်၏ သားဖြစ်သူ ဘုရင်အာဏာ ကတော့
ကျောင်းသွားနေခြင်းကြောင့် အခြေအနေက ပိုဆိုးနေခြင်း ဖြစ်သည်...
သူတို့၏ သခင်မလေးသည် သားနှင့်ယောင်္ကျားဖြစ်သူ အား လွန်စွာချစ်ခင်သော်လည်း ဒုဥက္ကဋ္ဌ
ဦးမင်းအာဏာ ၏ အဖက်လုပ်ခြင်းကို မခံရသည်မှာလက်ထပ်ပြီးကတည်းက တစ်လျှောက်လုံးပင်...
လွန်ခဲ့သောနှစ်နာရီခန့်က ဖြစ်ပွားခဲ့သော ပြသာနာက အရင်းခံအကြောင်းအရင်း ဖြစ်ပေသည်...
" ကိုကြီး...နွယ်တို့ ဒီညနေမိတ်ဆုံစားပွဲတူတူတက်ရအောင်...ကျောင်းတုန်းက သူငယ်ချင်းတွေ အကုန်လာကြမှာ..."
" ကိုယ် ဒီညနေ မအားဘူး...dinner ပွဲရှိတယ် "
" ကိုကြီးကလည်း အဲဒီ dinner ပွဲကို ဖြတ်လိုက်ပါ...နွယ်နဲ့ လိုက်ခဲ့ပါနော် "
ကျစ်!
သူ၏ လက်ကိုဆွဲကာ လှုပ်ရမ်းပြောနေသော သရဖူနွယ် ကြောင့် စိတ်ပိုရှုပ်လာရကာ ကျစ်သပ်မိခြင်း...တကယ့်ကို အလုပ်ရှုပ်လွန်းသည်...
ဆွဲကိုင်ထားသော လက်ကို ဆွဲဖြုတ်ကာ အလုပ်သွားမည့်ကားဆီသို့ ထသွားလိုက်တော့သည်....
မနက်တစ်ပိုင်းလေးအိမ်မှာနေပါတယ်ဆိုမှ နားပူအောင် တအားလုပ်လွန်းသည်...
ထွက်ခွာသွားသော ကျောပြင်အားငေးရင်း အလေးမထားခံရသည့် သူ့ကိုယ်သူပင် အပြစ်တွေ တင်ရမလား မသိတော့ပေ... အရာရာဟာ သူဖန်တီးခဲ့တာမလား...ရှုပ်ပွေလွန်းသော ကိုကြီးကို ရအောင်ယူနိုင်ခဲ့ပေမဲ့ အချစ်တွေ ကတော့ မရလာခဲ့ပေ...6နှစ်ကျော်ဆိုသည့် အချိန်ကာလကား သံယောဇဉ်တွေကို တိုးမလာစေသည့်အပြင် လျော့သွားလိုက်တာများ တစ်နေ့တစ်ခြား...ကိုကြီး ကြည်ဖြူလက်ခံသူကတော့ သားလေး ဘုရင်အာဏာ တစ်ယောက်သာရှိသည်...သားလေးကိုတော့ ကိုကြီးသာမကကိုကြီးမိဘများကပါ အရမ်းချစ်ပြီး အလိုအရမ်းလိုက်ကြလို့ တော်သေးသည်... နွယ်တို့ မိသားစုအသိုင်းအဝိုင်းများ က ချမ်းသာပေမဲ့ ကိုကြီးတို့နှင့်ယှဉ်လျှင် ပါမွှားသာ...တစ်ခန်းလုံးလည်း သူဖျက်စီးလို့ မွစာကျဲနေလေပြီ...အိပ်ဆေးအား လေး,ငါးလုံးသောက်ချပစ်လိုက်သည်...အိပ်ချိန်မဟုတ်ပေမဲ့ သူအိပ်ပျော်သွားမှ ရမည်...မဟုတ်လျှင် ခံစားရလွန်းလို့ ရူးမတတ်ဖြစ်သွားလိမ့်မည်...
အိပ်ဆေးစွဲနေသည်မှာ 5နှစ်ကျော်နေလေပြီ...သားလေးအားမွေးဖွားပြီး ကိုကြီးမှာ သူချစ်ရသူရှိကြောင်းပြောလာကတည်းကပင်...
ဓားသွားပေါ်ကပျားရည်စက်မှန်းသိပေမဲ့ ယစ်မူးစွဲမက်နေကာ နှစ်ခြိုက်စွာ စားသုံးမိနေသူလို...
ပူလောင်နေသော မီးတောက်ကို ဝင်တိုးသည့် ပိုး
ဖလံပမာ... သူ့ဘဝက အဆုံးသတ်ကို သိပြီးသား
ဖြစ်ပေမဲ့ ထပ်တလဲလဲ ငြင်းဆိုနေသော အရူးပမာ...ဝေဝေဝါးဝါး အမြင်အာရုံတွေကြား ငယ်ရွယ်စဉ် အမှတ်တရများကြား ပြန်လည်ရောက်ရှိသွားသလိုစိတ်တွေ လွင့်မျောလာချေပြီ...မှေးစက်သွားသောမျက်ဝန်းများက အိပ်စက်သွားခြင်းလား...အခြားတစ်ခုပေလားဆိုတာကိုတော့.....