رغم أنه أواخر فصل الربيع إلا أن الطقس كان بعيد تمام البعد عن ذاك الفصل...
فالسماء كانت مكفهرة والهواء البارد أعاد الناس لأحضان الملابس الشتوية..
نشرة أخبار الطقس ما عادت تعرف ماذا تقدم فعلى ما يبدوا كان ما يحدث ظاهرة غريبة من نوع ما...
*********************
خرج (نادي) من اللجنة الإمتحانية وهو يرتعد بردا ويغمغم ساخطا:
-ده شتا ولا صيف ولا ايه الحكاية؟!
تبعه صديقيه فيما قال (مايكل) ساخرا:
-طب دي نسميها اجازة الصيف ولا اجازة نص السنة!
(نادي) بإنزعاج:
-كده مش هنعرف نروح الساحل
قال (محمد) بهدوء:
-انا ورايا مذاكرة تانية في الاجازة دي
(مايكل) ساخرا:
-احنا ما صدقنا نخلص وانت هتذاكر؟ هتذاكر ايه؟
-هاخد كورسات وهقرأ في الحاجات اللي بحبها
(نادي) بتعجب:
-أنا مش عارف انت بتعمل في نفسك كده ليه؟
-بالعكس أنا بحب أتعلم ولو انتوا عملتوا كده المذاكرة هتبفى سهلة عليكم
قال (مايكل) معترضا:
-سهلة ايه..احنا ربنا كرمنا بالاجازة وانت بترفس النعمة!
(نادي) قال فجأة بعد صمت:
-هتدخلوا علمي ولا أدبي؟
قال (محمد):
-علمي أكيد
قال (مايكل):
-هشوف رأي بابا وأخويا الكبيروبعدين أقرر
قال (نادي) بإعتراض:
-هتسيب حد تاني يقررلك مستقبلك؟!
-مش مستقبل أوي يعني...علمي وأدبي الاتنين صعبين والاتنين مبيأكلوش عيش..يعني هدوق المر في الحالتين..
قال (محمد):
-طب وانت يا (نادي)؟
صمت برهة ثم قال:
-لسة معرفش...
(مايكل) وهو يضحك:
-متعرفش وبتديني محاضرة!
قال (نادي) بحدة:
-معرفش بس الأكيد اني مش هسيب حد يقررلي
قال (محمد) متجاهلا صياحهما:
-تعالو نشرب حاجة دافية في الكافيتيريا دي...مش عارف ليه حاسس انها هتمطر....
*****************************
YOU ARE READING
الروح المصرية (الجيل الجديد من الفراعنة)
Mystery / Thriller(نادي) مراهق يبحث عن ذاته في عالم متقلب..يأتي الدمج مع المدينة الفرعونية المخفية ليقلب الموازين
