Chapter 26
March 06, 2024
🦊Chapter 26
Arc 3 - ဖျော်ဖြေရေးလောက၏ လရောင်ဖြူလေး
Arc 3.1 - အခြားသူက ချစ်မိသွားပြီး ဒုက္ခရောက်ရတာ ရယ်စရာကောင်းတယ်
ရွှယ်လင် သူ့မျက်လုံးများကို ပြန်ဖွင့်လိုက်ချိန်တွင် ရေချိုးကန်ထဲတွင် ရောက်နေကြောင်း သူ့ကိုယ်သူ တွေ့လိုက်ရသည်။
သူ ပတ်ပတ်လည်ကို ကြည့်လိုက်ပြီးနောက် သူ့ကို မည်သူကမှ မမနှောင့်ယှက်နိုင်ရန် အတော်လေး ပိတ်လှောင်ထားသည့် ပတ်၀န်းကျင်ဖြစ်ကြောင်း တွေ့ရှိသွားပြီး ဇာတ်ကွက်ကိုပို့ပေးရန် အကူစနစ်ကို တောင်းဆိုလိုက်သည်။
အကူစနစ်က ရေမကြိုက်သောကြောင့် ရွှယ်လင်၏ခေါင်းထိပ်တွင် ဘောလုံးတစ်လုံးကဲ့သို့ ကွေးထားသည်။ သူ့စကားကိုကြားပြီးနောက် မြေပြင်ပေါ်သို့ခုန်ဆင်းကာ အမြီးကို ဖြတ်ခနဲလှုပ်ရှားလိုက်သည်။ ထို့နောက် ဤကမ္ဘာ၏ဇာတ်ကြောင်းအချက်အလက်များကို မျှဝေလိုက်သည်။
ရွှယ်လင် သူ့မျက်လုံးများကို မှိတ်လိုက်သည်။ ဇာတ်လမ်းအချက်အလက်များက သူ့စိတ်ထဲသို့ ချက်ချင်းဆိုသလို စိမ့်ဝင်လာသော်လည်း ပထမကမ္ဘာနှစ်ခုမှ သူစုဆောင်းထားသည့် ကံတရား၏ပံ့ပိုးမှုနှင့်အတူ သူ၏လက်ရှိစိတ်ဝိညာဥ်စွမ်းအားက အရာအားလုံးကို လွယ်ကူစွာ စီမံဆောင်ရွက်နိုင်စေရန် အလုံအလောက် အားကောင်းပြီး ဇာတ်လမ်းနှင့် ဤခန္ဓာကိုယ်၏အဆုံးသတ်တို့နှင့် ပတ်သက်သည့် အရာအားလုံးကို လျင်မြန်စွာ နားလည်လာခဲ့သည်။ ရေချိုးကန်ထဲရှိရေနှင့် သူ့မျက်နှာကို ဆေးကြောလိုက်ပြီးနောက် ရွှယ်လင်က သူအား ပေးအပ်လာသောခန္ဓာကိုယ်အားလုံးက အမှန်ပင် ကံဆိုးလွန်းသည်ဟု တွေးလိုက်မိသည်။ ဤတစ်ကြိမ်တွင် ခန္ဓာကိုယ်၏မူလပိုင်ရှင်က လုံးဝအပြစ်ကင်းစင်သော်လည်း ကံမကောင်းလွန်းသဖြင့် နောက်ဆုံးတွင် အလွန်စိတ်ဆင်းရဲဖွယ်ကောင်းသော သေခြင်းဖြင့် သေဆုံးသွားခဲ့သည်။
ဤသည်မှာ အဓိကဇာတ်ဆောင်အဖြစ် အဆိုးဝါးဆုံးကုန်း(gong)နှင့် တန်ဖိုးမရှိသောရှို့(Shou)တို့ပါဝင်သော **ကမ္ဘာတစ်ခုဖြစ်သည်။ သူတို့နှစ်ဦးစလုံးက "မင်းက ငါ့ရဲ့လမင်းလေး၊ ငါက မင်းရဲ့ပန်းလေး" ဟူသည့် ပြဇာတ်ထဲကလို တစ်ယောက်ကိုတစ်ယောက် အချစ်နှင့်အမုန်း လွန်ဆွဲနေကြပြီး ဂိမ်းများကစားကာ မည်သူမှမပျော်ရွှင်သည်အထိ တစ်ယောက်နှင့်တစ်ယောက် လျှို့ဝှက်ကြံစည်နေခဲ့ကြသည်။ ထို့အပြင် ဤခန္ဓာကိုယ်၏မူလပိုင်ရှင်က ရိုးရှင်းစွာပင် ကံမကောင်းသူတစ်ယောက်ဖြစ်ခဲ့ပြီး ဘာဖြစ်သွားမှန်းပင် မသိလိုက်ဘဲ အရှုပ်အထွေးများကြားတွင် သေဆုံးသွားခဲ့သည်။
YOU ARE READING
ငါ့အမြှီးကိုဘယ်ကောင်ထိတာလဲကွ!
RomanceTitle - Who Touched My Tail Description 💥 ရွှယ်လင်သည် နှစ်ပေါင်းထောင်ချီ ကျင့်ကြံခဲ့သော်လည်း မတည်မြဲသော အခိုက်အတန့်တစ်ခုတွင် အမြှီးကိုးချောင်းလုံး ဆုံးရှုံးလိုက်ရသည့် မြေခွေးတစ်ကောင်ဖြစ်သည်။ အမြှီးများက အလိုလိုပျောက်ဆုံးသွားခြင်း ဖြစ်သော်ငြား လွယ်...
